پارک ویو سٹی کا متاثرہ مکینوں کے بجلی اور مینٹیننس چارجز معاف کرنے کا اعلان
اشاعت کی تاریخ: 4th, September 2025 GMT
لاہور کی معروف ہاؤسنگ سوسائٹی پارک ویو سٹی نے اپنے مکینوں کو بڑی سہولت فراہم کرتے ہوئے اعلان کیا ہے کہ حالیہ بارشوں اور پانی کے متاثرہ گھروں کے مکینوں سے بجلی کے بل اور ماہانہ مینٹیننس چارجز وصول نہیں کیے جائیں گے۔
Rain water in Bahria Town Lahore.
Note its not Flood Water, so things aren't as bad as Park View City, being in Bahria since last 10 years, I vouch for their drainage system, despite being state of art, recent changes in intensity of rains is posing challenges.
— Ali Haider Chattha (@Ali_Haider93) August 30, 2025
انتظامیہ پارک ویو سٹی کی جانب سے جاری نوٹیفکیشن میں کہا گیا ہے کہ وہ مکین جن کے گھروں کو پانی لگنے سے نقصان پہنچا ہے، ان کے لیے یہ رعایت فوری طور پر نافذ العمل ہوگی۔
نوٹس کے مطابق ان مکینوں کو بجلی کے بل اور مینٹیننس چارجز (Maintenance Charges) خود برداشت نہیں کرنا پڑیں گے بلکہ سوسائٹی انتظامیہ اس بوجھ کو اٹھائے گی۔
پارک ویو سٹی کی انتظامیہ نے اپنے بیان میں کہا ہے کہ وہ مکینوں کے ساتھ مکمل یکجہتی کا اظہار کرتی ہے اور ان کو یقین دلاتی ہے کہ تمام مشکلات کے حل کے لیے ہر ممکن تعاون فراہم کیا جائے گا۔
انتظامیہ نے یہ بھی کہا کہ متاثرہ مکینوں کو اکیلا نہیں چھوڑا جائے گا اور ان کے ساتھ ہر سطح پر کھڑا رہا جائے گا۔
How Park View City Lahore encroached the Ravi River bed. A Google earth presentation. pic.twitter.com/KefmD6yAv9
— Raftar (@raftardotcom) August 29, 2025
یاد رہے کہ لاہور سمیت پنجاب کے کئی شہروں میں حالیہ بارشوں اور ندی نالوں میں طغیانی کے باعث متعدد ہاؤسنگ سوسائٹیز زیرِ آب آگئی تھیں۔
اس صورتحال میں مکینوں کو بجلی، پانی اور روزمرہ سہولیات تک رسائی میں شدید مشکلات کا سامنا کرنا پڑا۔ ایسے میں پارک ویو سٹی کا یہ اقدام مکینوں کے لیے ریلیف اور اطمینان کا باعث بنے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پارک ویو سٹی راوی سیلاب علیم خان فری مینٹیننس لاہور
ذریعہ
ذریعہ: WE News
کلیدی لفظ: پارک ویو سٹی راوی سیلاب علیم خان فری مینٹیننس لاہور پارک ویو سٹی مکینوں کو کے لیے
پڑھیں:
نرس نے نومولود بچی کے ہاتھ کا انگوٹھا کاٹ دیا، والد نے پولیس میں درخواست دے دی
راولپنڈی:ہولی فیملی ہسپتال راولپنڈی کی گائنی وارڈ کی نرسری میں زیرِ علاج 23 روزہ نومولود بچی کے دائیں ہاتھ کا انگوٹھا پراسرار طور پر کٹ جانے کا انکشاف سامنے آیا ہے، جبکہ متاثرہ بچی کے والد نے واقعے پر پولیس کو درخواست دے دی ہے۔
متاثرہ بچی کے والد قیصر محمود نے بتایا کہ وہ ضلع اٹک کے رہائشی اور پیشے کے لحاظ سے کارپینٹر ہیں۔ ان کے مطابق ان کی بیٹی کی پیدائش ہولی فیملی ہسپتال میں ہوئی تھی اور پیدائش کے بعد سے بچی کو نرسری میں رکھا گیا ہے۔
والد کا کہنا ہے کہ جب وہ آج اپنی 23 روزہ بیٹی سے ملنے ہسپتال پہنچے تو دیکھا کہ اس کے دائیں ہاتھ کا انگوٹھا کٹا ہوا تھا۔ انہوں نے فوری طور پر ڈاکٹروں سے اس بارے میں استفسار کیا۔
قیصر محمود کے مطابق ڈاکٹرز نے انہیں بتایا کہ انگوٹھا نرس سے غلطی سے کٹ گیا۔ تاہم ان کے بقول ہسپتال انتظامیہ نے صرف انکوائری کی یقین دہانی کرائی نہ واقعے کی وجہ واضح کی گئی اور نہ ہی اب تک کسی ذمہ دار کے خلاف کارروائی کی گئی۔
متاثرہ والد نے انصاف کے لیے پولیس کو درخواست دے دی ہے۔ پولیس کا کہنا ہے کہ درخواست موصول ہونے کے بعد ابتدائی چھان بین مکمل کر لی گئی ہے اور قانون کے مطابق کارروائی کا آغاز کر دیا گیا ہے۔
دوسری جانب اس سنگین واقعے پر ہولی فیملی ہسپتال کی انتظامیہ کی جانب سے تاحال کوئی باضابطہ مؤقف سامنے نہیں آیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار