پنجاب کا مجوزہ نیا بلدیاتی نظام کیا خیبرپختونخوا ماڈل سے متاثر ہے؟
اشاعت کی تاریخ: 5th, September 2025 GMT
پنجاب اسمبلی کی قائمہ کمیٹی برائے مقامی حکومت نے لوکل گورنمنٹ بل 2025 کی منظوری دیدی ہے، جسے اب صوبائی اسمبلی سے منظور کروایا جائے گا۔ اس مجوزہ ایکٹ کے تحت صوبے میں ایک نیا بلدیاتی نظام متعارف کرایا جائے گا۔
اس بل کی منظوری سے پنجاب میں بلدیاتی انتخابات کی راہ ہموار ہوتی نظر آرہی ہے اور حکومت رواں سال دسمبر یا پھر اگلے سال بلدیاتی الیکشن کروانے کا ارادہ رکھتی ہے۔
خیبر پختونخوا ماڈل سے متاثرہ ڈھانچہحکومتی ذرائع کے مطابق لوکل گورنمنٹ ایکٹ، جسے قائمہ کمیٹی نے بحث و مباحثے کے بعد منظور کیا ہے، جلد اسمبلی سے بھی پاس کر لیا جائے گا۔ ذرائع کا کہنا ہے کہ نیا بلدیاتی نظام خیبر پختونخوا کے ماڈل سے متاثر ہو کر ترتیب دیا گیا ہے۔
خیال رہے کہ خیبر پختونخوا نے 2019 میں اپنے نظام میں تبدیلیاں کی تھیں۔ پنجاب حکومت نے اسی کو بہتر سمجھتے ہوئے صوبے میں نافذ کرنے کا فیصلہ کیا ہے۔
یہ بھی پڑھیں: ن لیگ کے اجلاس کی اندرونی کہانی،پنجاب میں نیا بلدیاتی نظام لانے اور رواں برس ہی انتخابات کروانے کا فیصلہ
نئے نظام کے مطابق لاہور میں ایک میئر کے بجائے جتنے ٹاؤن ہوں گے، اتنے ہی میئر اور ڈپٹی میئر منتخب کیے جائیں گے۔
منتخب ارکان اپنے اندر سے میئر اور ڈپٹی میئر کا چناؤ کریں گے۔ یہ انتخاب شو آف ہینڈ کے ذریعے ہوگا، جہاں اراکین سب کے سامنے اپنی حمایت ظاہر کریں گے۔
یونین کونسلز میں تبدیلیاںمجوزہ بل کے تحت نئی حلقہ بندیاں ہوں گی اور وارڈ سسٹم ختم کر دیا گیا ہے۔ اب ہر یونین کونسل سے 9 ارکان براہ راست منتخب ہوں گے جبکہ 4 مخصوص نشستیں بھی ہوں گی۔ مجموعی طور پر 13 اراکین شو آف ہینڈ سے چیئرمین اور ڈپٹی چیئرمین منتخب کریں گے۔
مزید پڑھیں: رواں سال کے آخر میں پنجاب میں بلدیاتی انتخابات کی تیاریاں مکمل ہوں گی، وزیر بلدیات ذیشان رفیق
یونین کونسلرز کے انتخابات غیر جماعتی بنیادوں پر ہوں گے۔ تاہم منتخب نمائندوں کو ایک ماہ کے اندر کسی سیاسی جماعت میں شامل ہونا لازمی ہوگا۔
ضلعی کمیٹیوں کا ڈھانچہ
پہلے ڈپٹی کمشنر کو ضلعی کمیٹی کا چیئرمین بنانے کی تجویز تھی مگر اب عوامی نمائندے اس عہدے پر فائز ہوں گے، جبکہ ڈپٹی کمشنر شریک چیئرمین کے طور پر خدمات انجام دیں گے۔ آبادی کے لحاظ سے سب سے بڑی مقامی حکومت کا سربراہ 6 ماہ کے لیے کمیٹی کی سربراہی کرے گا، پھر یہ ذمہ داری مرحلہ وار دیگر اضلاع کو منتقل ہوگی۔
مزید پڑھیں: اسلام آباد میں بلدیاتی انتخابات ایکٹ کا ترمیمی بل کثرت رائے سے منظور
نئے نظام کے تحت یونین، تحصیل اور ٹاؤن کی سطح پر کونسلز قائم کی جائیں گی تاکہ مقامی سطح پر گورننس کو مضبوط بنایا جا سکے۔ تاہم بلدیاتی نمائندوں کے پاس صرف ترقیاتی کام کروانے تک کے اختیارات ہوں گے۔
ماہرین کا کہنا ہے کہ نیا نظام مقامی خود مختاری کو فروغ دے سکتا ہے، لیکن اس کے کامیاب نفاذ کے لیے شفاف انتخابات اور فنڈز کی بروقت فراہمی لازمی ہے۔ ماضی میں بلدیاتی اداروں کو فنڈز کی کمی اور انتظامی مسائل کا سامنا رہا، جسے نئے ڈھانچے کے ذریعے دور کرنے کی کوشش کی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلدیاتی انتخابات بلدیاتی نظام پنجاب صوبائی اسمبلی لوکل گورنمنٹ بل.
ذریعہ
ذریعہ: WE News
کلیدی لفظ: بلدیاتی انتخابات بلدیاتی نظام صوبائی اسمبلی لوکل گورنمنٹ بل بلدیاتی انتخابات نیا بلدیاتی نظام میں بلدیاتی ہوں گے
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم