پاکستان اور جنوبی افریقہ کے درمیان سیریز کا اعلان، لاہور اور فیصل آباد بڑے مقابلوں کے لیے تیار
اشاعت کی تاریخ: 6th, September 2025 GMT
پاکستان کرکٹ بورڈ (پی سی بی) کے مطابق پاکستان اپنی آئی سی سی ورلڈ ٹیسٹ چیمپئن شپ2025-27 مہم کا آغاز ہوم گراؤنڈ پر جنوبی افریقہ کے خلاف کرے گا۔
پی سی بی کے مطابق یہ سیریز 12 اکتوبر سے 8 نومبر تک کھیلی جائے گی جس میں 2 ٹیسٹ، 3 ٹی 20 اور 3 ون ڈے شامل ہیں۔
پی سی بی کے اعلامیے کے مطابق پہلا ٹیسٹ 12 سے 16 اکتوبر تک لاہور کے قذافی اسٹیڈیم میں ہوگا جو اسٹیڈیم کی مکمل تزئین و آرائش کے بعد پہلا ٹیسٹ میچ ہوگا۔ دوسرا ٹیسٹ 20 سے 24 اکتوبر تک راولپنڈی کرکٹ اسٹیڈیم میں کھیلا جائے گا۔
یہ بھی پڑھیے: نیوزی لینڈ کے سابق کپتان کا ریٹائرمنٹ واپس لینے کا فیصلہ، انٹرنیشنل کرکٹ میں واپسی
ٹیسٹ سیریز کے بعد 3 میچوں پر مشتمل ٹی20سیریز کھیلی جائے گی جس کا آغاز 28 اکتوبر کو راولپنڈی میں ہوگا جبکہ 31 اکتوبر اور یکم نومبر کو لاہور کے قذافی اسٹیڈیم میں باقی 2 میچ ہوں گے۔
ون ڈے سیریز 4 نومبر سے 8 نومبر تک فیصل آباد کے اقبال اسٹیڈیم میں ہوگی۔ فیصل آباد میں 17 سال بعد ون ڈے انٹرنیشنل کرکٹ واپس آ رہی ہے۔ آخری بار اپریل 2008 میں پاکستان نے یہاں بنگلہ دیش کو 7 وکٹوں سے شکست دی تھی۔
پی سی بی کے چیف آپریٹنگ آفیسر ثمیر احمد سید نے کہا کہ نئی ڈبلیو ٹی سی سائیکل کا آغاز موجودہ چیمپئن کے خلاف ہوگا جو کھلاڑیوں اور شائقین دونوں کے لیے معیاری کرکٹ کی ضمانت ہے۔ انہوں نے فیصل آباد میں ون ڈے کرکٹ کی واپسی کو تاریخی لمحہ قرار دیا۔
یہ بھی پڑھیے: ٹیسٹ کرکٹ قوانین میں تبدیلی کا مطالبہ، کونسی تبدیلیوں پر زور دیا جارہا ہے؟
پاکستان بمقابلہ جنوبی افریقہ مکمل شیڈول: 12 تا 16 اکتوبر – پہلا ٹیسٹ، قذافی اسٹیڈیم لاہور 20 تا 24 اکتوبر – دوسرا ٹیسٹ، راولپنڈی کرکٹ اسٹیڈیم 28 اکتوبر – پہلا ٹی ٹوئنٹی، راولپنڈی کرکٹ اسٹیڈیم 31 اکتوبر – دوسرا ٹی ٹوئنٹی، قذافی اسٹیڈیم لاہور 1 نومبر – تیسرا ٹی ٹوئنٹی، قذافی اسٹیڈیم لاہور 4 نومبر – پہلا ون ڈے، اقبال اسٹیڈیم فیصل آباد 6 نومبر – دوسرا ون ڈے، اقبال اسٹیڈیم فیصل آباد 8 نومبر – تیسرا ون ڈے، اقبال اسٹیڈیم فیصل آبادآپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ٹیسٹ کرکٹ.
ذریعہ
ذریعہ: WE News
کلیدی لفظ: پاکستان ٹیسٹ کرکٹ قذافی اسٹیڈیم اقبال اسٹیڈیم اسٹیڈیم میں فیصل آباد پی سی بی پہلا ٹی
پڑھیں:
تاریخی لارڈز کرکٹ گراؤنڈ سے ورلڈ ٹیسٹ چیمپئن شپ کے فائنل کی میزبانی واپس لے لی گئی
انٹرنیشنل کرکٹ کونسل (ICC) نے تصدیق کی ہے کہ آئندہ سال ہونے والے ورلڈ ٹیسٹ چیمپئن شپ کے فائنل کی میزبانی لارڈز کے بجائے لندن کے دی اوول کو سونپی گئی ہے۔
آئی سی سی کے مطابق ورلڈ ٹیسٹ چیمپئن شپ کا فائنل 9 جون سے 13 جون 2027 تک اوول میں کھیلا جائے گا۔
آئی سی سی نے گزشتہ سال اعلان کیا تھا کہ انگلینڈ کو 2027، 2029 اور 2031 کے ورلڈ ٹیسٹ چیمپئن شپ فائنلز کی میزبانی کے حقوق دیے گئے ہیں، جبکہ ہر ایڈیشن کے لیے میزبان گراؤنڈ کا انتخاب انگلینڈ اینڈ ویلز کرکٹ بورڈ خود کرے گا۔
خیال کیا جا رہا تھا کہ2027 ورلڈ ٹیسٹ چیمپئن شپ کا فائنل ممکنہ طور پر گزشتہ فائنل کی طرح تاریخی لارڈز کرکٹ گراؤنڈ میں ہوگا۔لیکن انگلینڈ کرکٹ بورڈ نے اس کے بجائے دی اوول میں فائنل کرانے کا فیصلہ کیا۔
مزیدپڑھیں:10 لاکھ تک بِلا سود قرضہ کیسے حاصل کریں؟ درخواست دینے کا طریقہ انتہائی آسان
رپورٹ کے مطابق اس فیصلے کی ایک بڑی وجہ لارڈز کی پچوں کے معیار پر خدشات ہیں۔
گزشتہ ماہ انگلینڈ اور نیوزی لینڈ کے درمیان ٹیسٹ میچ کی پچ کو غیر تسلی بخش قرار دیے جانے پر لارڈز کو پہلی بار آئی سی سی کی جانب سے ڈی میرٹ پوائنٹ دیا گیا تھا۔
یہ دوسرا موقع ہوگا کہ اوول ورلڈ ٹیسٹ چیمپئن شپ کے فائنل کی میزبانی کرے گا۔
اس سے قبل 2023 میں بھی فائنل اسی میدان میں کھیلا گیا تھا، جہاں آسٹریلیا نے بھارت کو شکست دے کر ورلڈ ٹیسٹ چیمپئن شپ کا ٹائٹل اپنے نام کیا تھا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم