پیٹو بھالو باز نہ آیا، بے تحاشہ پھل کھانے پر پھر اسپتال میں داخل
اشاعت کی تاریخ: 7th, September 2025 GMT
ترکی میں ’اوکان‘ نامی ریچھ کھانے پینے کا بہت شوقین ہے جس کی وجہ سے اس کو ایک بار پھر اسپتال میں داخل ہونا پڑا۔
اوکان کی ایک ویڈیو اس وقت انٹرنیٹ پر تیزی سے وائرل ہورہی ہے جس میں وہ ایک اسٹریچر پر لیٹا ہوا دکھائی دیتا ہے اور اسے ایم آر آئی اسکین کے لیے اسپتال لے جایا جا رہا ہے۔
اوکان کا وزن تقریباً 90 کلوگرام ہے اور وہ اس وقت طبیعت خراب ہونے کے بعد علاج کے لیے استنبول یونیورسٹی کے سیرراپاشا ویٹرنری اسپتال لایا گیا ہے۔
پھلوں کی زیادتی سے معدہ خراباستنبول نیچر اینڈ لائف کمپلیکس کے بورڈ چیئرمین براق میمی شوغلو کا نے کہا کہ ہمارا ریچھ اوکان معدے کی تکلیف اور پیٹ کے درد کے باعث ہمارے پاس لایا گیا۔ چیکمیکوے بحالی مرکز کے ویٹرنری ڈاکٹر نے فوراً اوکان کے پیٹ میں شدید تکلیف کی تشخیص کی تھی۔
اوکان کا سی ٹی اسکین کیا گیا تاکہ کوئی گٹھلی یا خطرناک علامت تلاش کی جا سکے لیکن تمام رپورٹس صاف نکلیں۔ خون کے ٹیسٹ بھی معمول کے مطابق آئے۔
A three-year-old bear named Okan was taken to hospital for treatment after falling ill from eating an excessive amount of fruit at Istanbul zoo pic.
— TRT World (@trtworld) September 2, 2025
انہوں نے کہا کہ اب وہ بالکل ٹھیک، پرسکون اور خوش ہے اور جلد ہی ٹھنڈا ہونے کے لیے پول میں نہائے گا۔
اوکان کا نام کیسے پڑا؟دلچسپ بات یہ ہے کہ یہ پہلی بار نہیں کہ اوکان نے زیادہ پھل کھا لیے ہوں۔ 3 سال پہلے بھی اسے اسی مسئلے کے باعث علاج کی ضرورت پڑی تھی۔
ریچھ کا نام اوکان کیسے پڑا؟میمی شوغلو نے بتایا کہ 3 سال پہلے ہمارے نئے ملازم کو ریچھ کا نام نہیں پتا تھا لیکن اسپتال میں پوچھنے پر اس نے حاضر دماغی سے کہہ دیا کہ اس نے ریچھ کا نام اوکان (سمجھدار) رکھا ہے۔ اس پر اسپتال کے عملے نے وہی نام رجسٹر کیا۔
جنگلی حیاتیات مرکز کے عملے کا کہنا ہے کہ وہ اوکان کی غذا پر نظر رکھ رہے ہیں تاکہ آئندہ اسے پیٹ کی شکایت دوبارہ نہ ہو۔
ویڈیو سوشل میڈیا پر وائرلریچھ کو اسٹریچر پر لیٹے، ایم آر آئی مشین میں داخل ہوتے ہوئے دیکھ کر سوشل میڈیا صارفین نے سوشل میڈیا پر پھلوں سے محبت کے شوقین اس ریچھ سے محبت و ہمدردی کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اوکان بھالو بھالو اسپتال پہنچ گیا پھلوں کا شوقین بھالو ترکی
ذریعہ
ذریعہ: WE News
کلیدی لفظ: اوکان بھالو ترکی کے لیے کا نام
پڑھیں:
میکسیکو کی معروف بیوٹی انفلوئنسر کاسمیٹک سرجری کے دوران دم توڑ گئیں
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر، 30 سالہ ایڈریانا گارشیا کاسمیٹک سرجری کے دوران انتقال کر گئیں۔
غیر ملکی میڈیا رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا۔ سرجری کے دوران اچانک پیچیدگیاں پیدا ہوئیں جس کے بعد طبی عملے کی کوششوں کے باوجود انہیں بچایا نہ جا سکا۔
یہ بھی پڑھیں: اداکارہ میرب علی کو اچانک سرجری کیوں کروانا پڑی؟ اصل وجہ سامنے آگئی
مقامی حکام نے تاحال موت کی حتمی وجہ جاری نہیں کی تاہم واقعے کی مکمل تحقیقات کا آغاز کر دیا گیا ہے۔ حکام سرجری کے دوران پیش آنے والے حالات، طبی طریقۂ کار اور ممکنہ طبی غفلت سمیت تمام پہلوؤں کا تفصیلی جائزہ لے رہے ہیں۔
ایڈریانا گارشیا سوشل میڈیا پر ایک معروف شخصیت تھیں جہاں انسٹاگرام سمیت مختلف پلیٹ فارمز پر ان کے 90 ہزار سے زائد فالوورز موجود تھے۔ ان کے انتقال کی تصدیق اس میکسیکن کمپنی نے بھی کی ہے جس کے ساتھ وہ بطور برانڈ انفلوئنسر وابستہ تھیں۔
یہ بھی پڑھیں: اسرائیلی وزیراعظم نیتن یاہو پروسٹیٹ کینسر میں مبتلا، سرجری کا انکشاف
ایڈریانا گارشیا کے اچانک انتقال کی خبر سامنے آنے کے بعد سوشل میڈیا پر ان کے مداحوں اور ساتھی کانٹینٹ کریئیٹرز نے گہرے دکھ اور افسوس کا اظہار کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیوٹی انفلیوئنسر کاسمیٹک سرجری میکسیکو
بھارت سے جنگ اور افغانستان میں کارروائی خارج ازامکان نہیں، وزیردفاع