مشرقی یروشلم میں فائرنگ سے 6 ہلاک، غزہ پر اسرائیلی حملوں میں مزید 32 فلسطینی شہید
اشاعت کی تاریخ: 8th, September 2025 GMT
مشرقی یروشلم میں فائرنگ کے ایک واقعے میں کم از کم 6 افراد ہلاک اور متعدد زخمی ہو گئے، جبکہ اسرائیلی حکام نے دعویٰ کیا ہے کہ حملہ 2 فلسطینیوں نے کیا جن کا تعلق مقبوضہ مغربی کنارے سے تھا۔
اسرائیلی پولیس کے مطابق دونوں حملہ آور موقع پر ہلاک کر دیے گئے۔ دوسری جانب غزہ میں اسرائیلی فضائی حملے شدت اختیار کر گئے ہیں۔ غزہ سٹی کی بلند عمارتوں پر تازہ ترین بمباری کے نتیجے میں درجنوں خاندان بے گھر ہو گئے۔
مزید پڑھیں: ‘غزہ میں معاہدہ جلد ممکن، تمام یرغمالیوں کی رہائی کا امکان ہے،’ ٹرمپ کا دعویٰ
اسرائیلی فوج کی کارروائیوں میں آج صبح سے کم از کم 32 فلسطینی شہید ہوئے ہیں، جبکہ ایک اور رہائشی ٹاور زمین بوس کر دیا گیا ہے۔ اب تک اس فوجی مہم کے دوران غزہ سٹی میں 50 سے زائد بلند عمارتیں مکمل طور پر تباہ کی جا چکی ہیں۔
مقبوضہ مغربی کنارے میں بھی اسرائیلی فورسز کی چھاپہ مار کارروائیاں جاری ہیں جن میں متعدد فلسطینی گرفتار کیے جا رہے ہیں اور زمین و جائیداد کو نقصان پہنچایا جا رہا ہے۔
مزید پڑھیں: ’غزہ میں کچھ یرغمالی مر چکے‘، ٹرمپ کا دعویٰ
امریکی صدر ڈونلڈ ٹرمپ نے کہا ہے کہ ان کی انتظامیہ غزہ کے لیے ایک ایسا حل تلاش کر رہی ہے جو وہاں کے عوام کے لیے اچھا ثابت ہو سکتا ہے۔ اس سے چند گھنٹے قبل انہوں نے حماس کے لیے آخری انتباہ جاری کیا تھا۔
یاد رہے کہ اکتوبر 2023 سے جاری اسرائیل کی جنگ میں اب تک غزہ میں کم از کم 64 ہزار 522 فلسطینی شہید اور ایک لاکھ 63 ہزار سے زائد زخمی ہو چکے ہیں۔
ہزاروں فلسطینی ملبے تلے دبے ہونے کا خدشہ ہے۔ دوسری جانب 7 اکتوبر کے حملوں میں اسرائیل میں 1139 افراد ہلاک ہوئے تھے اور قریباً 200 کو یرغمال بنایا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
32 شہید 6 ہلاک اسرائیل ٹرمپ حماس غزہ.
ذریعہ
ذریعہ: WE News
کلیدی لفظ: 32 شہید 6 ہلاک اسرائیل کے لیے
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ