وزیراعظم شہباز شریف سے قازقستان کے نائب وزیراعظم و وزیر خارجہ کی ملاقات
اشاعت کی تاریخ: 9th, September 2025 GMT
وزیراعظم محمد شہباز شریف سے قازقستان کے نائب وزیراعظم و وزیر خارجہ مورات نورتیلو نے وزیراعظم ہاؤس میں ملاقات کی۔
قازقستان کے نائب وزیراعظم وزارتی وفد کے ہمراہ پاکستان کے سرکاری دورے پر ہیں۔
وزیراعظم شہباز شریف نے مورات نورتیلو کا پاکستان آمد پر خیر مقدم کیا اور قازقستان کے صدر قاسم جومارت توکایوف کے لیے نیک خواہشات کا اظہار کیا۔
مزید پڑھیں: پاکستان اور قازقستان کا تعلقات مزید مضبوط بنانے کا عزم
انہوں نے کہا کہ پاکستان اور قازقستان کے درمیان برادرانہ تعلقات قائم ہیں اور دونوں ممالک باہمی دلچسپی کے شعبوں میں تعاون کو مزید فروغ دینے کے خواہاں ہیں۔
وزیراعظم نے دوطرفہ تجارت، سرمایہ کاری، فضائی، ریل اور زمینی رابطوں کے ساتھ ساتھ عوامی سطح پر تبادلوں میں پاکستان کی دلچسپی کا اظہار کیا۔
ان کا کہنا تھا کہ پاکستان قازقستان کے صدر کے مجوزہ دورہ اسلام آباد کو بہت اہمیت دیتا ہے اور اس سلسلے میں مختلف معاہدوں اور مفاہمتی یادداشتوں کو حتمی شکل دینے کے لیے ایک وفد آستانہ بھیجنے کی پیشکش کرتا ہے۔
مزید پڑھیں: قازقستان کے نائب وزیراعظم 2 روزہ سرکاری دورے پر اسلام آباد پہنچ گئے
ملاقات کے دوران اس بات پر بھی اتفاق کیا گیا کہ دونوں ممالک کے درمیان کئی مہینوں سے جاری بات چیت کو جلد عملی جامہ پہنایا جائے گا اور قازقستان کے صدر کے دورہ پاکستان کے دوران اہم معاہدوں پر دستخط متوقع ہیں۔
قازقستان کے نائب وزیراعظم نے پاکستانی قیادت کی مہمان نوازی پر شکریہ ادا کرتے ہوئے کہا کہ ان کا ملک صدر توکایوف کے آئندہ دورہ اسلام آباد کو تاریخی اور کامیاب بنانے کا خواہاں ہے، جو پاکستان اور قازقستان کے تعلقات میں ایک نئے دور کا آغاز ثابت ہوگا۔
مزید پڑھیں: پاک قازقستان ریل رابطہ ضروری ہے، گیم چینجر ثابت ہوگا، شہباز شریف
ملاقات میں نائب وزیراعظم و وزیر خارجہ سینیٹر محمد اسحاق ڈار، وزیر مواصلات عبدالعلیم خان، وزیر اقتصادی امور احد خان چیمہ، وزیر ریلوے حنیف عباسی، وزیراعظم کے معاون خصوصی طارق فاطمی اور سیکرٹری خارجہ بھی موجود تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
قازقستان وزیراعظم محمد شہباز شریف.ذریعہ: WE News
کلیدی لفظ: قازقستان وزیراعظم محمد شہباز شریف قازقستان کے نائب وزیراعظم اور قازقستان کے شہباز شریف
پڑھیں:
امید ہے سہیل آفریدی میری پیشکش قبول کریں گے، وزیراعظم شہباز شریف
وزیراعظم شہباز شریف نے دہشتگردی کے خاتمے کیلئے خیبر پختونخوا سمیت تمام صوبوں سے مل کر کام کرنے کی اپیل کردی۔
چترال میں دانش اسکول کا سنگ بنیاد رکھنے کی تقریب سے خطاب کرتے ہوئے وزیراعظم نے کہا کہ ہمیں امن و اتحاد کا ثبوت دینا چاہیے، سیاست کریں لیکن ملک کی ترقی اور دہشتگردی کے خاتمے کیلیے ایک رہیں، سہیل آفریدی کو وزیر اعلیٰ خیبر پختونخوا منتخب ہونے پر فون پر مبارک باد دی، تعاون کی پیشکش کی، امید ہے وہ میری پیشکش کو قبول کریں گے۔
وزیر اعظم شہباز شریف نے معرکہ حق میں فیلڈ مارشل عاصم منیر اور افواج پاکستان کی بہادری کو سراہا، جنگ بندی میں اہم کردار ادا کرنے پر امریکی صدر ڈونلڈ ٹرمپ کا شکریہ ادا کیا۔
شہباز شریف نے کہا کہ چترال کےخوبصورت علاقے میں حاضر ہوا ہوں، خیبر پختونخوا کے عوام بہادر اور غیور ہیں، انہوں نے پاکستان کیلئے بڑی قربانیاں دی ہیں، چترال والوں کی حب الوطنی مثالی ہے، آپ نے پاکستان کی ترقی کیلئے عظیم کاوشیں کی ہیں، چترال کے عوام بہت مہذب اور پُرامن لوگ ہیں، چترال آکر بہت خوشی ہوئی۔
وزیراعظم نے اپنی نشست خالی کرکے بلوچستان کی طالبہ کو بٹھادیاوزیراعظم یوتھ لیپ ٹاپ اسکیم میں لیپ ٹاپ حاصل کرنے والے طلبا و طالبات نے ملک کا نام روشن کرنے کاعزم ظاہر کیا ہے۔
وزیراعظم نے کہا کہ نواز شریف پورے ملک کی ترقی میں ہمیشہ مصروف رہتے تھے، نواز شریف کی کے پی کے ترقیاتی منصوبوں میں بہت دلچسپی ہوتی تھی، چترال کے عوام کیلئے خاص تحفہ لے کر آیا ہوں، دانش اسکول منصوبہ آپ کا حق ہے، یہ احسان نہیں، عام آدمی کے بچے اس دانش اسکول میں جائیں گے، تعلیمی معیار بہترین ہوگا، دانش اسکول میں تعلیم بالکل مفت ہوگی، وفاق آپ کے ساتھ بھر پور تعاون کرے گا۔
شہباز شریف نے کہا کہ پاکستان کو عظیم بنائیں گے، پاکستان کو اللّٰہ تعالیٰ نے بے پناہ معدنیات سے نوازا ہے، نوجوان بچوں کو اعلیٰ تعلیم دلوا کر اثاثہ بنوائیں گے، چترال کے بچوں اور بچیوں کو بھی لیپ ٹاپس دیے جائیں گے۔
وزیراعظم شہباز شریف نے چترال میں اسپتال بنانے کا اعلان کیا اور کہا کہ اسلام آباد جاتے ہی چترال میں گیس پلانٹ کے آرڈر جاری کروں گا، چترا ل میں فی الفور گیس پلانٹ لگایا جائے گا۔
پاکستان آئینی بحران کا شکار، عدلیہ کو آئینی ترمیم کے ذریعے یرغمال بنایا گیا، وزیراعلیٰ خیبر پختونخوا