وزیراعظم شہباز شریف سے بحرین کے وزیر داخلہ کی ملاقات، دوطرفہ تعاون بڑھانے پر اتفاق
اشاعت کی تاریخ: 10th, September 2025 GMT
وزیراعظم محمد شہباز شریف سے بحرین کے وزیر داخلہ جنرل راشد بن عبداللہ آل خلیفہ نے وزیراعظم ہاؤس اسلام آباد میں ملاقات کی۔
وزیراعظم نے بحرین کے وزیر داخلہ کو خوش آمدید کہا اور بحرین کے فرمانروا شاہ حمد بن عیسیٰ آل خلیفہ کے لیے نیک خواہشات کا اظہار کیا۔
وزیراعظم نے کہا کہ پاکستان اور بحرین کے درمیان برادرانہ تعلقات وقت کے ساتھ مزید مضبوط ہو رہے ہیں اور پاکستان تجارت سمیت مختلف شعبوں میں بحرین کے ساتھ تعاون کو فروغ دینے کا خواہاں ہے۔
مزید پڑھیں: بحرین کے وزیر داخلہ اسلام آباد پہنچ گئے، اعلی قیادت سے ملاقاتیں کریں گے
انہوں نے بتایا کہ بحرین میں مقیم ایک لاکھ 20 ہزار پاکستانی دونوں ملکوں کی ترقی میں اہم کردار ادا کر رہے ہیں۔
شہباز شریف نے کہا کہ بحرین کے سرمایہ کاروں اور کاروباری افراد کے لیے تیز تر ویزہ پراسیسنگ کی سہولت فراہم کی جا رہی ہے، جبکہ خصوصی سرمایہ کاری سہولت کونسل بیرونی سرمایہ کاری کو فروغ دینے میں فعال کردار ادا کر رہی ہے۔
وزیراعظم نے بحرین کے پولیس اہلکاروں کو نیشنل پولیس اکیڈمی اسلام آباد میں تربیت دینے کی پیشکش بھی کی۔
مزید پڑھیں: بحرین کا گولڈن ویزا کن پاکستانیوں کے لیے فائدہ مند ہو سکتا ہے؟
بحرین کے وزیر داخلہ نے پرتپاک استقبال اور میزبانی پر وزیراعظم کا شکریہ ادا کرتے ہوئے دوطرفہ تعلقات کو مزید مستحکم بنانے کے عزم کا اظہار کیا۔
ملاقات میں نائب وزیراعظم و وزیر خارجہ اسحاق ڈار، وفاقی وزیر داخلہ محسن نقوی، وزیر مملکت برائے داخلہ طلال چوہدری، وزیراعظم کے معاون خصوصی طارق فاطمی اور دیگر اعلیٰ حکام بھی شریک تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بحرین جنرل راشد بن عبداللہ آل خلیفہ وزیراعظم محمد شہباز شریف وزیراعظم ہاؤس اسلام آباد.
ذریعہ
ذریعہ: WE News
کلیدی لفظ: جنرل راشد بن عبداللہ آل خلیفہ وزیراعظم محمد شہباز شریف وزیراعظم ہاؤس اسلام آباد بحرین کے وزیر داخلہ اسلام آباد شہباز شریف کے لیے
پڑھیں:
بلوچستان کے عوام کی قربانیوں کو ہمیشہ یاد رکھا جائے گا:شہباز شریف
ویب ڈیسک :وزیراعظم شہباز شریف نے کہا کہ بلوچستان کے لوگوں کی قربانیاں رائیگاں نہیں جائیں گی، بلوچستا ن میں بسنے والے بلوچوں اور پشتونوں نے قیام پاکستان میں کلیدی کردار ادا کیا۔
وزیراعظم شہباز شریف نے بلوچستان نیشنل ورکشاپ کے شرکا سے خطاب کرتے ہوئے کہا ہے کہ بلوچستان جغرافیائی لحاظ سے پاکستان کا سب سے بڑا صوبہ ہے، جبکہ اسلام آباد چاروں صوبوں کا مشترکہ مسکن ہے۔
انہوں نے کہا کہ بلوچستان میں بسنے والے بلوچوں اور پشتونوں نے قیامِ پاکستان میں کلیدی کردار ادا کیا، وزیراعظم کے مطابق قومی مالیاتی کمیشن (این ایف سی) ایوارڈ کے تحت پنجاب نے بلوچستان کے لیے 150 ارب روپے کا حصہ دیا، جبکہ دیگر تین صوبوں نے بھی بلوچستان کے مفاد میں اپنا حصہ ڈالا، یہ کسی پر احسان نہیں بلکہ قومی بھائی چارے اور یکجہتی کی مثال ہے۔
اوپن مارکیٹ میں مہنگائی برقرار، آٹا، گھی اور دالیں مہنگی
شہباز شریف نے بتایا کہ کراچی سے چمن تک دو رویہ شاہراہ کی تعمیر جاری ہے اور بلوچستان کے 27 ہزار ٹیوب ویلز کو سولر توانائی پر منتقل کیا جا چکا ہے تاکہ صوبے میں زرعی اور توانائی کے شعبوں کو مزید مستحکم بنایا جا سکے۔
وزیراعظم نے اس عزم کا اظہار کیا کہ بلوچستان کے عوام کی قربانیاں ہرگز رائیگاں نہیں جائیں گی، انہوں نے کہا کہ دہشت گردی کے خلاف جنگ میں پاکستان نے بے مثال قربانیاں دی ہیں اور اس جنگ میں 90 ہزار پاکستانی شہید ہوئے۔
پنجاب میں ترقیاتی منصوبوں کی منظوری کے لیے نئی گائیڈ لائنز جاری
بھارت سے جنگ اور افغانستان میں کارروائی خارج ازامکان نہیں، وزیردفاع