ماہرین نے سفید بال دوبارہ سیاہ کرنے کا طبی علاج ڈھونڈ لیا
اشاعت کی تاریخ: 11th, September 2025 GMT
بیجنگ(انٹرنیشنل ڈیسک) چین کے یوئی یانگ (Yueyang) اسپتال کے ماہرین نے سفید بالوں سے پریشان لاکھوں مرد و خواتین کے لیے خوشخبری سنا دی۔
ماہرین کے مطابق اب ایک جدید طبی علاج کے ذریعے سفید ہوتے بال دوبارہ سیاہ کیے جا سکتے ہیں۔
بال کیوں سفید ہوتے ہیں؟
ماہرین کے مطابق بالوں کی جڑوں میں موجود میلانوسائٹ خلیے (melanocyte cells) جب غیر فعال ہوجاتے ہیں تو وہ میلانن (melanin) بنانا چھوڑ دیتے ہیں، یہی مادہ بالوں کو قدرتی رنگ دیتا ہے۔
نئی دریافت
چینی ماہرین نے تحقیق کے دوران یہ معلوم کیا کہ اگر وٹامن بی 12 کی ایک مخصوص شکل adenosylcobalamin انجکشن کے ذریعے دی جائے تو یہ خلیے دوبارہ فعال ہوجاتے ہیں اور میلانن پیدا کرنے لگتے ہیں۔
علاج کا دورانیہ
یہ انجکشن مریض کو ہفتے میں ایک بار دیا جاتا ہے، اور یہ سلسلہ تین سے چھ ماہ تک جاری رہتا ہے۔ اس دوران بال آہستہ آہستہ اپنی قدرتی سیاہی واپس حاصل کر لیتے ہیں۔
ماہرین کا کہنا ہے کہ یہ علاج نوجوانی ہی میں سفید بالوں سے پریشان افراد کے لیے بڑی امید ہے۔
Post Views: 6.
ذریعہ
ذریعہ: Daily Mumtaz
پڑھیں:
دفتری نظم و ضبط کی پابندی کی ہدایت ،نیاسرکلرجاری
اسٹیبلشمنٹ ڈویژن(Establishment Division) نے دفتری نظم و ضبط اور پیشہ ورانہ ماحول کو بہتر بنانے کے لیے نیا سرکلر جاری کرتے ہوئے تمام افسران اور اہلکاروں کو مقررہ دفتری اوقات، بائیومیٹرک حاضری اور لباس کے ضوابط پر سختی سے عمل کرنے کی ہدایت کر دی ہے۔
جاری کردہ سرکلر کے مطابق تمام ملازمین کے لیے صبح 8 بجے سے شام 4 بجے تک کے سرکاری اوقاتِ کار پر مکمل عمل درآمد لازمی ہوگا، جبکہ مقررہ وقت پر دفاتر میں حاضری یقینی بنانے کے لیے بائیومیٹرک حاضری کے نظام پر سختی سے عمل کرنے کی بھی ہدایت کی گئی ہے۔
سرکلر میں سرکاری ملازمین کے لیے ڈریس کوڈ بھی واضح کیا گیا ہے۔ ہدایات کے مطابق افسران اور اہلکار یا تو لاؤنج سوٹ پہنیں یا پھر شلوار قمیض کے ساتھ ویسٹ کوٹ زیب تن کریں تاکہ دفاتر میں پیشہ ورانہ اور باوقار ماحول برقرار رکھا جا سکے۔
مزیدپڑھیں:آج کہاں کہاں بادل برسیں گے ،محکمہ موسمیات نے بڑی پیشگوئی کردی
اسٹیبلشمنٹ ڈویژن نے دفتری ماحول کو بہتر بنانے کے لیے راہداریوں میں شور شرابے اور بلند آواز میں گفتگو سے بھی گریز کرنے کی ہدایت کی ہے، تاکہ سرکاری امور کی انجام دہی کے دوران پرسکون اور منظم ماحول برقرار رہے۔
سرکلر میں واضح کیا گیا ہے کہ یہ تمام ہدایات فوری طور پر نافذ العمل ہیں اور متعلقہ افسران کو ان پر مکمل عمل درآمد یقینی بنانے کی ذمہ داری سونپی گئی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع