امریکا نے 32 کمپنیوں کو تجارتی بلیک لسٹ میں شامل کر دیا، چین اور بھارت کی فرمیں بھی متاثر
اشاعت کی تاریخ: 13th, September 2025 GMT
امریکا نے 32 کمپنیوں اور اداروں کو تجارتی بلیک لسٹ میں شامل کر دیا ہے، جن میں چین، بھارت، ایران، ترکی اور متحدہ عرب امارات کی کمپنیاں بھی شامل ہیں۔
یہ اقدام بالخصوص ان چینی کمپنیوں کو نشانہ بناتا ہے جن پر الزام ہے کہ انہوں نے امریکی چِپ سازی کے آلات چین کے سرکردہ سیمی کنڈیکٹر ادارے ایس ایم آئی سی (SMIC) کے لیے حاصل کیے۔
???? The #US Treasury has sanctioned 32 individuals & entities — plus 4 vessels — in its largest action yet against #Houthis.
Targets span Yemen, China, UAE & Marshall Islands, linked to illicit financing, smuggling & weapons procurement. pic.twitter.com/utSQaWfv7s
— Aimen Jamil (@jamil_aimen) September 12, 2025
امریکی حکومت کے نوٹس کے مطابق GMC Semiconductor Technology (Wuxi) Co اور Jicun Semiconductor Technology کو اس بنیاد پر بلیک لسٹ کیا گیا کہ انہوں نے یہ آلات SMIC Northern Integrated Circuit Manufacturing (Beijing) Corp اور Semiconductor Manufacturing International (Beijing) Corporation کے لیے حاصل کیے، جو پہلے ہی امریکی بلیک لسٹ میں شامل تھے۔
ان اداروں کو امریکی آلات کی ترسیل کے لیے لائسنس درکار ہے جو عموماً مسترد کر دیے جاتے ہیں۔
اسی طرح Shanghai Fudan Microelectronics Technology Co اور اس سے وابستہ کئی کمپنیوں کو بھی فہرست میں شامل کیا گیا ہے۔
یہ بھی پڑھیں:امریکا نے پاکستان اور چین سمیت دیگر ممالک کی 80 کمپنیوں کو بلیک لسٹ کردیا
یہ ادارے ہائی پرفارمنس کمپیوٹنگ چِپس کی تیاری میں ملوث ہیں اور چین کی فوجی جدیدیت، ایڈوانسڈ کمپیوٹنگ، انٹیگریٹڈ مینوفیکچرنگ و ڈسٹری بیوشن سیکٹرز کے ساتھ ساتھ براہِ راست چینی فوج، حکومت اور سیکیورٹی اداروں کو سپلائی کرتے ہیں۔
امریکی محکمۂ تجارت کے مطابق Shanghai Fudan Microelectronics نے روسی فوجی صارفین کو بھی ٹیکنالوجی فراہم کی ہے، جس پر کمپنی پر مزید سخت پابندیاں عائد کی گئی ہیں۔
بھارت، ایران، ترکی اور متحدہ عرب امارات کی کچھ کمپنیوں کو بھی اس فہرست میں شامل کیا گیا ہے، تاہم فوری طور پر ان اداروں کی جانب سے کوئی ردعمل سامنے نہیں آیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ایران بلیک لسٹ بھارت ترکیہ چین روس سیمی کنڈیکٹر
ذریعہ
ذریعہ: WE News
کلیدی لفظ: امریکا ایران بلیک لسٹ بھارت ترکیہ چین سیمی کنڈیکٹر کمپنیوں کو بلیک لسٹ کے لیے
پڑھیں:
گلگت بلتستان انتخابات: پی ٹی آئی پر مقامی سیاسی عمل کو متاثر کرنے اور افراتفری پھیلانے کا الزام
گلگت بلتستان میں آئندہ ہونے والے انتخابات کے پیشِ نظر سیاسی ماحول شدید گرم ہو گیا ہے اور خیبر پختونخوا سے مبینہ طور پر پی ٹی آئی ورکرز کو بڑی تعداد میں گلگت بلتستان لائے جانے پر مقامی حلقوں میں شدید تشویش پائی جا رہی ہے۔
عوامی اور سیاسی مبصرین کے مطابق خیبر پختونخوا سے سیاسی کارکنوں کو بسوں کے ذریعے گلگت بلتستان منتقل کرنا اس بات کا واضح ثبوت ہے کہ بیرونی دباؤ کے ذریعے یہاں کے مقامی سیاسی عمل کو اثر انداز کرنے کی کوشش کی جا رہی ہے تاکہ انتخابی نتائج پر من مانے اثرات مرتب کیے جا سکیں۔ ناقدین کا کہنا ہے کہ آنے والے ان انتخابات کو سبوتاژ کرنا نہ صرف جمہوری اقدار اور عوامی مینڈیٹ کی توہین ہے بلکہ یہ یہاں کے پرامن سیاسی عمل کو بھی شدید نقصان پہنچانے کے مترادف ہے۔
یہ بھی پڑھیں:صرف مسلم لیگ (ن) ہی گلگت بلتستان کو ترقی کی راہ پر گامزن کر سکتی ہے، ثروت صباء
مقامی سطح پر یہ الزام بھی سامنے آیا ہے کہ پی ٹی آئی نے ماضی میں جس طرح پورے پاکستان میں بے چینی، تباہی اور رکاوٹ کی سیاست کو فروغ دیا، اب وہ اسی تباہ کن نقطہ نظر کو گلگت بلتستان میں بھی دہرانا چاہتی ہے۔
سوشل میڈیا اور سیاسی مہمات میں اب یہ سوال شدت سے اٹھایا جا رہا ہے کہ گلگت بلتستان کے عوام کے سامنے اب 2 واضح راستے ہیں؛ ایک طرف پی ٹی آئی کے تحت مبینہ طور پر نفرت، تقسیم، افراتفری اور عدم استحکام کی سیاست ہے، تو دوسری طرف امن، خوشحالی، اتحاد اور ملکی ترقی کا راستہ ہے۔
عوامی آراء کے مطابق گلگت بلتستان کے غیور لوگ امن اور ترقی کو ترجیح دیتے ہیں اور وہ کسی بھی ایسی قوت پر اعتماد کرنے کو تیار نہیں جو ان کے پرسکون خطے کو تباہی کی طرف دھکیلنا چاہتی ہو۔ انتخابات کے اس نازک موقع پر عوام سے عقل مندی سے انتخاب کرنے اور ملک دشمن عزائم رکھنے والے عناصر کو مسترد کرنے کی اپیلیں کی جا رہی ہیں تاکہ خطے کا امن برقرار رہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی تحریک انصاف جی بی الیکشن گلگت بلتستان
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ