گوادر: شادی کور تا چوڑ ڈگار واٹر ٹرانسمیشن لائن منصوبہ تکمیل کے قریب
اشاعت کی تاریخ: 13th, September 2025 GMT
گوادر میں پانی کی فراہمی کے نظام کو مزید مؤثر بنانے کے لیے شادی کور تا چوڑ ڈگار واٹر ٹرانسمیشن لائن کی بحالی کا کام آخری مراحل میں داخل ہو گیا ہے۔
ڈائریکٹر جنرل گوادر ڈویلپمنٹ اتھارٹی (جی ڈی اے) معین الرحمان خان نے ہفتے کے روز اس منصوبے کا معائنہ کیا اور مختلف مقامات پر جاری سرگرمیوں کا جائزہ لیا۔
یہ بھی پڑھیں: گوادر میں پانی کا بحران، وزیر اعلیٰ بلوچستان کے ہنگامی اقدامات کا اعلان
ڈی جی جی ڈی اے کے ہمراہ چیف انجینیئر حاجی سید محمد اور پراجیکٹ ڈائریکٹر واٹر میر جان بلوچ بھی موجود تھے۔
اس موقع پر انہیں بریفنگ دی گئی کہ شادی کور سے چوڑ ڈگار تک 83 کلومیٹر طویل مرکزی ٹرانسمیشن لائن کی بحالی تقریباً مکمل کر لی گئی ہے اور پانی کی سپلائی تجرباتی بنیادوں پر شروع کی جا چکی ہے۔
بریفنگ میں بتایا گیا کہ چوڑ ڈگار سے 7 کلومیٹر کے فاصلے پر لائن میں ایک تکنیکی نقص سامنے آنے پر پانی کی ترسیل عارضی طور پر روک دی گئی ہے، جسے کل تک دوبارہ بحال کر دیا جائے گا۔
*شادی کور سے چوڑ ڈگار پمپنگ اسٹیشن تک پانی کے مین ٹرانسمیشن لائن کی فعالی کا کام اخری مراحل میں پہنچ گیا، ڈائریکٹر جنرل جی ڈی اے دورہ پر پہنچ گئے، ڈائریکٹر جنرل نے سوڈ ڈیم، چوڑ ڈگار تا گوادر واٹر ٹرانسمیشن لائن سمیت واٹر پروجیکٹس کے مختلف حصوں کا بھی جائزہ لیا*
گوادر، 13 ستمبر… pic.
— Gwadar Development Authority (@AuthorityGwadar) September 13, 2025
معائنہ کے دوران ڈی جی جی ڈی اے نے سوڈ ڈیم کا بھی دورہ کیا، جہاں انہیں بتایا گیا کہ ڈیم میں اس وقت تقریباً ایک ماہ کے لیے پانی کا ذخیرہ موجود ہے۔
حکام نے بتایا کہ یہ پانی ایریگیشن پمپنگ سسٹم کے ذریعے جی ڈی اے پمپنگ اسٹیشن منتقل کیا جا رہا ہے، جہاں سے بڑی ہارس پاور مشینری کے ذریعے اسے سات کلومیٹر دور چوڑ ڈگار اور وہاں سے مزید 61 کلومیٹر طویل سفر طے کر کے گوادر واٹر اسٹیشن تک پہنچایا جاتا ہے۔
جی ڈی اے حکام کے مطابق شہر میں اس وقت روزانہ 30 سے 32 لاکھ گیلن پانی فراہم کیا جا رہا ہے، جبکہ چوڑ ڈگار سے گوادر سٹی تک مرکزی لائن کے راستے میں آنے والے تین یونین کونسلز کے دیہات کو بھی لاکھوں گیلن پانی روزانہ مہیا کیا جا رہا ہے۔
’شادی کور تا چوڑ ڈگار لائن کے فعال ہونے کے بعد دیگر دیہات کو بھی اس سہولت سے مستفید کیا جائے گا۔‘
ڈائریکٹر جنرل نے چوڑ ڈگار پمپنگ اسٹیشن پر بجلی اور پانی کے نظام کا بھی جائزہ لیا اور عملے کی کارکردگی کو سراہا۔
بعد ازاں انہوں نے جی ڈی اے سینٹرل پارک اور پدی زر پارک کا دورہ کیا، جہاں حالیہ دنوں میں نصب کی گئی لائٹس اور صفائی ستھرائی کے انتظامات کا معائنہ کیا۔
یہ بھی پڑھیں: گوادر شپ یارڈ کی تعمیر میں مقامی سطح پر روزگار کو مرکزی حیثیت دی جائے گی، اسحاق ڈار
ڈی جی نے پارکوں میں مزید بہتری کے لیے ہدایات جاری کیں تاکہ شہریوں کو خوشگوار اور محفوظ تفریحی ماحول فراہم کیا جا سکے۔
ماحولیات کے ڈائریکٹر رسول بخش بلوچ نے اس موقع پر پارکوں میں حالیہ اقدامات سے متعلق بریفنگ دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پانی کی فراہمی چوڑ ڈگار گوادر واٹر سپلائی منصوبہ وی نیوز
ذریعہ
ذریعہ: WE News
کلیدی لفظ: پانی کی فراہمی گوادر واٹر سپلائی منصوبہ وی نیوز ٹرانسمیشن لائن ڈائریکٹر جنرل شادی کور جی ڈی اے پانی کی کے لیے کیا جا
پڑھیں:
لاہور میں 6 گھنٹے تک طوفانی بارش سے شہر پانی میں ڈوب گیا
فوٹو: آن لائنلاہور میں 6 گھنٹے تک طوفانی بارش سے شہر پانی میں ڈوب گیا، ڈی ايچ اے اور ہربنس پورہ انڈر پاس پانی سے بھر گئے، ٹریفک کے لیے بند کردیے گئے۔
تاج پورہ اور ایئرپورٹ کے قریب علاقوں میں پانی گھروں میں داخل ہوگیا، گاڑیاں ڈوب گئیں، موٹرسائيکلیں بند ہوگئیں، فیروز پور روڈ پر موٹرسائیکل پھسل کر کھمبے سے جا ٹکرائی، جس کے نتیجے میں دو بھائی جاں بحق ہوگئے، چھت گرنے کے واقعات میں چار افراد زخمی ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث 99 فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
گوجرانوالا میں مسلسل تیسرے دن بھی بارش برسی، نکاسِ آب کے لیے لاہور سے مشینری طلب کرلی گئی، شکر گڑھ میں تیسرے روز بھی موسلادھار بارش ہوئی، نالہ بئیں اور بسنتر سے ملحقہ نشیبی دیہات میں پانی داخل ہوگیا۔
منڈی بہاء الدین میں بارش سے سیکڑوں ایکڑ پر کھڑی دھان اور چارے کی فصلیں تباہ ہونے کا خدشہ ہے۔
دوسری جانب دریائے چناب میں نچلے سے درمیانے درجے کا ریلا گزرنے کا خطرہ ہے، تریموں بیراج پر پانی کی سطح بلند ہونے لگی، سرگودھا میں طالب والا کے مقام پر اکتالیس دیہات متاثر ہونے کا خدشہ ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع