زمین پر قبضے کے کیس کا فیصلہ 90 روز میں لازمی، جرمانہ، 10 برس قید، ظالم کو پکڑیں گے: مریم نواز
اشاعت کی تاریخ: 25th, September 2025 GMT
لاہور (نیوز رپورٹر) وزیر اعلیٰ مریم نواز سے پاک سوزوکی کے منیجنگ ڈائریکٹر ہیرو شی کاوا مورا نے ملاقات کی اور سیلاب زدگان کے لئے 30 ملین روپے کا چیک پیش کیا۔ وفد نے سیلاب زدگان کے لئے ریسکیو اور ریلیف آپریشن کو سراہا۔ مریم نواز شریف اور ان کی ٹیم کی شب و روز محنت کو قابل تحسین قرار دیا۔ وزیراعلیٰ نے گفتگو کرتے ہوئے کہا کہ پنجاب نے تاریخ کے سب سے بڑے اور بد ترین سیلاب کا پامردی سے سامنا کیا۔ پنجاب میں بروقت انخلا اور ریسکیو ریلیف آپریشن سے لاکھوں جانیں بچانا ممکن ہوا۔ علاوہ ازیں مریم نواز شریف نے پنجاب انفورسمنٹ اینڈ ریگولیٹری اتھارٹی کی پاسنگ آؤٹ پریڈ میں شرکت کی۔ مریم نواز نے پولیس ٹریننگ کالج چوہنگ میں پیرا فورس کی پاسنگ آؤٹ میں جنرل سلامی لی اور جیپ پر سوار ہوکر پریڈ کا معائنہ کیا۔ جوانوں سے’’انصاف، شفافیت اور دیانتداری‘‘ پر حلف لیا۔ ٹریننگ کے دوران نمایاں کارکردگی پر میڈل اور اعزازات تقسیم کیے۔ مریم نواز نے پیرا فورس کے فلیگ مارچ کا مشاہدہ بھی کیا اور سلامی لی۔ وزیراعلیٰ نے اتھارٹی کی تقریب میں خطاب کیا اور اہم اعلانات کیے۔ مریم نواز نے یتیموں، بیواؤں اور غربا کی زمینوں پر قبضے کے خاتمے کیلئے نئی قانون سازی‘ قبضے کے مقدمات کے فیصلے کے لئے خصوصی عدالتیں قائم کرنے کا بھی اعلان کیا۔ نئی قانون سازی میں قبضے کے ہر کیس کا فیصلہ 90دن کے اندر لازمی قرار دیا جائے گا۔ ناجائز قابضین کو جرمانہ اور10 سال قید کی تجویز پیش کی جائے گی۔ مریم نواز نے کہا کہ پنجاب میں اب بے کس اور مجبور لوگوں کی زمینوں پر قبضہ نہیں ہوگا۔ کمزور لوگوں کی زمینوں پر قبضے کرنے والے اپنے انجام کو پہنچیں گے۔ جہاں ظلم ہوگا، ظالم کو پکڑنے کے لئے حکومت موجود ہوگی۔ پیرا کے جوانوں نے پنجاب کے عوام کو ظلم اور ناانصافی سے بچانا ہے۔ عوام کو مہنگائی، ذخیرہ اندوزی اور تجاوزات سے نجات دلانا میرا عزم ہے۔ ایسی اتھارٹی بنانا چاہتی تھی جو عوام کو مہنگائی، ذخیرہ اندوزی اور تجاوزات کا سدباب کرے۔ پیرا کے قیام کے خواب کو تعبیر کی عملی صورت دینے میں مدد کرنے والے سب لوگوں کی مشکور ہوں۔ ٹوکیو میں تھی جب آٹا، گندم مہنگے ہونے کی خبر ملی لیکن پیرا اور انتظامیہ نے بھرپور کوشش کی۔ گندم کی قیمت 4100روپے سے 3100روپے پر آچکی ہے۔ پیرا کے افسران نے سیلاب کے دوران قابل قدر خدمات سرانجام دیں۔ پنجاب پاکستان کا پہلا صوبہ بن گیا جہاں گورننس کا ایک نیا ماڈل متعارف کرایا ہے۔ خواتین خوش ہیں کہ تجاوزات ہٹنے سے ہراسمنٹ کا بھی تدارک ہوگیا ہے۔ سیلاب کے دوران تمام محکموں نے دن رات عوام کی خدمت میں ایک کیا جس پر سب کا شکریہ اد اکرتی ہوں۔ پیرا فورس عوام کی خدمت کو اپنے نصب العین بنائے۔ پیرا فورس کے افسر اور جوان رشوت کے پیسے کو اپنے اوپر حرام قرار دینے کا وعدہ کریں۔ کاروباری حضرات اپنا جائزہ منافع ضرور کمائیں لیکن ناجائز منافع کو روکنا حکومت کا فرض ہے۔ سرکاری ریٹ لسٹ کے مطابق گندم، آٹا، روٹی اور سبزیوں کے نرخ یقینی بنانے ہوں گے۔ ذخیرہ اندوزی پر پیرا فورس کے جوانوں نے اپنی ذمہ داری پوری طرح نبھانی ہے۔ سی سی ڈی ڈیپارٹمنٹ بنانے سے امن و امان کی فضا قائم ہوئی ہے۔ پنجاب کی بہت سے تحصیلوں میں کرائم کی شرح صفر ہوگئی ہے۔ ایسی تحصیلیں جہاں روزانہ کی بنیاد پر کھلے عام کرائم ہوتا تھا وہاں کرائم کی شرح کم ہوگئی ہے۔ بہت سی تحصیلیں جہاں روزانہ کی بنیاد پر100 کرائم رپورٹ ہوتے تھے وہاں اب کرائم کی شرح دو پر آگئی ہے۔ مریم نواز نے سیلاب متاثرہ علاقوں کے طالب علموں کے لئے خصوصی پیکج کی منظوری دے دی ہے۔ سیلاب متاثرہ علاقوں کے تمام طلباء کی ایک سمسٹر کی فیس معاف کر دی گئی۔ سیلاب متاثرہ اضلاع کے بی ایس فرسٹ ایئر کے طلباء کی داخلہ فیس بھی معاف کر دی گئی ہے۔ سیلاب متاثرہ مظفرگڑھ، ملتان، لودھراں، وہاڑی، سیالکوٹ، نارووال، گجرات، چنیوٹ اور قصور کے طلباء کی سال اول کی فیس معاف کی گئی ہے۔ سیلاب متاثرہ ان اضلاع میں واقع تمام یونیورسٹیوں میں رجسٹریشن کی آخری تاریخ میں 20 دن کی توسیع بھی کر دی گئی۔ ہونہار سکالرشپ کے لئے درخواست دینے کی آخری تاریخ بھی ایک ماہ تک بڑھا دی گئی۔ سیلاب متاثرہ علاقوں کے طلباء کے والدین کی مالی مشکلات کم کرنے اور نوجوانوں کی سہولت کے لئے پیکج دیا ہے۔ مریم نواز نے کہا کہ سیلاب کی تباہی کی وجہ سے اپنے بچوں اور بچیوں کی تعلیم متاثر نہیں ہونے دوں گی۔ دوسری جانب وزیراعلیٰ مریم نواز کی ہدایت پر پنجاب میں سیلاب سے متاثرہ روڈز کی تعمیر ومرمت کا کام شروع کر دیا گیا ہے۔ سینئر منسٹر مریم اورنگزیب کی زیرنگرانی محکمہ تعمیرات ومواصلات کی ٹیمیں سیلاب زدہ علاقوں میں متحرک کر دی گئیں اور ہنگامی طور پر تعمیر ومرمت کا کام شروع کر دیا گیا ہے۔
.ذریعہ: Nawaiwaqt
کلیدی لفظ: سیلاب متاثرہ مریم نواز نے پیرا فورس قبضے کے کے لئے گئی ہے
پڑھیں:
مریم نواز کی بہاولنگر میں سیلاب متاثرین سے ملاقاتیں، ساہیوال میں بس منصوبے کا افتتاح
ویب ڈیسک: وزیراعلیٰ پنجاب مریم نوازشریف نے سرگودھا کے بعد ساہیوال میں بھی الیکٹرک بسوں کے منصوبے کا افتتاح کر دیا۔
وزیراعلیٰ مریم نواز نے بہاولنگر میں سلائی مشین پر کام کرنےوالی خواتین کے کیمپ کا دورہ کیا، خواتین کے ساتھ وقت گزارا، خود بھی سلائی کی، سیلاب سے متاثرہ بچوں کے ساتھ وقت گزارا اور اظہار شفقت کیا۔
وزیراعلیٰ پنجاب مریم نواز سیلاب متاثرین کے ساتھ کھانا بھی کھایا اور اس کے بعد وہ ساہیوال چلی گئیں۔
شہر میں چینی کی قلت، گھریلو صارفین پریشان
مریم نواز نے ساہیوال میں الیکٹرک بسوں کا افتتاح کرتے ہوئے کہا کہ نوجوانوں سےکہتی ہوں آپ کے لئے یہ سروس بالکل فری ہے، بس میں سپیشل افراد کے لیے خصوصی ریمپ بنایا گیا ہے، ساہیوال کے لوگ اب باعزت سواری میں سفر کر سکیں گے۔
ان کا کہنا تھا کہ پنجاب کےعوام کومعیاری ٹرانسپورٹ سہولت کی فراہمی ترجیح ہے، پنجاب کے چھوٹے شہروں میں الیکٹرک بسیں فراہم کی جارہی ہیں، ساہیوال کے لیے 30الیکٹرک بسیں مختص کی ہیں، الیکٹرک بس کا کرایہ صرف 20روپے ہوگا، سپیشل افراد، خواتین، بزرگ، طلبا فری سفر کرسکیں گے۔
پنجاب نے بجلی بلوں سے ڈیوٹی وصولی جاری رکھنے کی تجویز دے دی
ان کا یہ بھی کہنا تھا کہ خواتین باعزت اور محفوظ سفر کرسکیں گی، بسوں میں چارجنگ پورٹ اور وائی فائی کی سہولت موجود ہے، ملک بھرمیں نوازشریف کےدورکی ترقی کےنشان ہیں۔
فیصل آباد میں صاف پانی کیلیے پاکستان اور ڈرنمارک کے مابین واٹر ٹریٹمنٹ پلانٹ لگانے کا معاہدہ