سیلاب کی وجہ سے لاکھوں لوگ بے گھر ہوچکے ‘ کاشف شیخ
اشاعت کی تاریخ: 27th, September 2025 GMT
data-id="863a0a8" data-element_type="widget" data-widget_type="theme-post-content.default">
250927-08-15
کراچی(اسٹاف رپورٹر) جماعت اسلامی سندھ کے امیر کاشف سعید شیخ نے کہا ہے کہ پنجاب کی تاریخ میں حالیہ بدترین سیلاب کی وجہ سے لاکھوں لوگ بے گھر اور بڑے پیمانے پر جانی ومالی نقصان پر قوم کا ہر فرد دکھی ہے،جماعت اسلامی اور الخدمت کے رضاکار اور کارکن پہلے دن سے فیلڈ میں موجود ہیں اور ریلیف کے کاموں میں مکمل تعاون کررہے ہیں، ا س وقت خصوصاًپنجاب،خیبر پختونخوا کے متاثرہ علاقوں میں بھرپور امدادی کارروائیاں جاری ہیں، جماعت اسلامی بلاکسی رنگ اور نسل بلاتفریق قوم کی خدمت کررہی ہے جبکہ حکمران محض فوٹوسیشن اور بیانات دینے میں مصروف عمل ہیں۔ان خیالات کا اظہار انہوں نے اسلام نگرچوک شریف آباد بہاولپور میں ’’الخدمت خیمہ بستی‘‘ کا دورہ کرنے کے موقع پر گفتگو کرتے ہوئے کیا۔ اس موقع پر جماعت اسلامی سندھ کے نائب امیر حافظ نصراللہ چنا، ڈپٹی جنرل سیکرٹری علامہ حزب اللہ جکھرو بھی ان کے ہمراہ تھے۔ کاشف سعید شیخ نے مزید کہا کہ الخدمت فائونڈیشن اور جماعت اسلامی نے سیلاب سے متاثرہ اضلاع میں متعدد ریلیف کیمپ،خیمہ بستیاں قائم کی ہیں جہاں سیلاب متاثرین کے لیے عارضی رہائش، کھانا، طبی امداد، مال مویشیوں کے لیے چارے کا انتظام ور بچوں کی تعلیم سمیت دیگر بنیادی سہولیات بھی فراہم کی جا رہی ہیں جبکہ بہاولپور ضلع میں الخدمت کچن قائم کیا گیا ہے جہاں روزانہ 2 وقت کھانا فراہم ،متاثرہ علاقوں میں دوائیں، طبی امداد فراہم کرنے کے لیے کیمپ اور موبائل صحت یونٹ قائم کیے گئے ہیں۔پنجاب کے ضلع بہاولپور میں جماعت اسلامی اور الخدمت نے ’’الخدمت کچن‘‘قائم کیا ہے جہاں مختلف ریلیف کیمپوں میں روزانہ 2 مرتبہ کھانا مہیا کیا جا رہا ہے ساتھ ہی خوراک کے پیکجز تقسیم کیے جا رہے ہیں اور پینے کا صاف بوتل بند پانی بھی متاثرین کو دیا جا رہا ہے۔ متاثرین کو راشن، ادویات، گھریلو ضروری اشیا اور معذوروں و بزرگوں کی خصوصی دیکھ بھال فراہم کی جا رہی،جماعت و الخدمت کے کارکنان مسلسل ان علاقوں میں کام کر رہے ہیں جنہیں سیلاب سے شدید نقصان پہنچا ہے۔ہمارا اپنی قوم سے وعدہ ہے کہ جب تک متاثرین اپنے علاقوں میں واپس نہیں جاتے متاثرہ لوگوں کی آخری لمحے تک مدد جاری رکھیں گے۔انہوں نے سندھ کے صاحب ثروت لوگوں سے اپیل کی کہ وہ مشکل کی اس گھڑی میں پنجاب اور خیبر پختونخوا کے بھائیوں کی امداد کے لیے آگے آئیں اور الخدمت کے سیلاب فنڈ میں بھرپور تعاون کریں۔
کراچی: امیر جماعت اسلامی سندھ کاشف سعید شیخ ضلعی نظم کے اجلاس سے خطاب کررہے ہیں
ذریعہ: Jasarat News
کلیدی لفظ: جماعت اسلامی علاقوں میں قائم کی کے لیے
پڑھیں:
اجتماع عام جماعت اسلامی پاکستان پنڈال کا انتظامی میپ جاری
سٹی42:جماعت اسلامی پاکستان کے اجتماع عام کے پنڈال کا انتظامی میپ جاری کر دیا گیا ہے۔
اجتماع عام گریٹر اقبال پارک، مینار پاکستان میں 21، 22 اور 23 نومبر کو منعقد ہوگا اور جماعت اسلامی کے اجتماع عام کی تیاریاں تیزی سے جاری ہیں۔ اجتماع عام کے پنڈال کا میپ کارکنان کی رہنمائی کے لیے جاری کیا گیا ہے۔
اجتماع عام کے انتظامی امور کے ذمہ داران گیٹ نمبر 1 کا راستہ استعمال کریں گے، سامان لے جانے والی گاڑیاں گیٹ نمبر 2 سے داخل ہوں گی، مرد حضرات گیٹ نمبر 3 اور خواتین گیٹ نمبر 4 سے داخل ہوں گی، جبکہ خواص اور بیرونی مہمان گیٹ نمبر 5 سے داخل ہوں گے۔
ڈالر کی قیمت میں کمی
شہری کو قتل کرکے لاش کو تیزاب سے مسخ کرنے والا سفاک شخص گرفتار