ایشیا کپ فائنل میں پاکستان کو شکست، ’پریشان ایسے ہورہے ہیں جیسے پہلی بار ایسا ہوا ہے‘
اشاعت کی تاریخ: 29th, September 2025 GMT
ٹی 20 ایشیاء کپ 2025 کے سنسنی خیز فائنل میں بھارتی کرکٹ ٹیم نے پاکستان کو شکست دے دی، جس کے بعد سوشل میڈیا صارفین نے پاکستان کی شکست پر گہرا دکھ اور مایوسی کا اظہار کیا۔ کئی صارفین نے پاکستانی ٹیم کی کارکردگی پر سوالات اٹھائے اور تنقید کی۔
اس موقع پر نہ صرف پاکستانی کرکٹ ٹیم بلکہ پاکستان کرکٹ بورڈ کے چیئرمین محسن نقوی کو بھی صارفین کی جانب سے شدید تنقید کا سامنا کرنا پڑا۔ صارفین نے محسن نقوی کی قیادت اور بورڈ کی کارکردگی پر بھی تحفظات کا اظہار کیا۔
یہ بھی پڑھیں: مودی کی ایشیا کپ میں فتح کو ’آپریشن سندور‘ سے تشبیہ، ’بھارت ذلت آمیز شکست کبھی نہیں بھول سکتا‘
پاکستان کی شکست نے کرکٹ شائقین میں مایوسی کی فضا قائم کر دی ہے، تاہم بعض حلقوں نے ٹیم کی کوششوں کو سراہا اور مستقبل میں بہتری کی توقع ظاہر کی ہے۔
سابق وفاقی وزیر اور مسلم لیگ (ن) کے سینئر رہنما خواجہ سعد رفیق نے پاکستان اور انڈیا کے میچ پر تبصرہ کرتے ہوئے کہا کہ پاکستانی ٹیم کی وکٹیں ایسے گری ہیں جیسے بھارتی رافیل طیارے۔
پاکستانی ٹیم کی وکٹیں ایسے گِری ھیں جیسے بھارتی رافیل طیارے ????
— Khawaja Saad Rafique (@KhSaad_Rafique) September 28, 2025
ثاقب بشیر لکھتے ہیں کہ پریشان ایسے ہو رہے ہیں جیسے پہلی بار ہوا ہے تیسری دفعہ تو اس ایشیا کپ میں ہو رہا ہے۔
پریشان ایسے ہو رہے ہیں جیسے پہلی بار ہوا ہے تیسری دفعہ تو اس ایشیا کپ میں ہو رہا ہے
— Saqib Bashir (@saqibbashir156) September 28, 2025
فخر درانی نے کہا کہ حسن نواز ایک بہترین پاور ہٹر ہیں، لیکن انہیں ٹیم سے باہر رکھ کر حسین طلعت جیسے کھلاڑی کو مسلسل کھلا رہے ہیں جس کے شاٹس دائرے سے باہر بھی نہیں جاتے۔ انہوں نے کہا کہ محسن نقوی کو لانے والوں سے گزارش ہے کہ پاکستانی قوم کے جذبات کے ساتھ مزید کھیل نہ کیا جائے۔ کم از کم فل ٹائم چیئرمین مقرر کیا جائے، کیونکہ ہر شخص ہر کام کے لیے موزوں نہیں ہوتا۔ آپ کی مہربانی ہوگی۔
اچھا خاصاحسن نواز پاور ہٹر ہے اسے نکال کر حسین طلعت جیسی پرچی کو لگاتار کھلا رہےجسکی شاٹ دائرے سےباہر بھی نہیں جاتی۔محسن نقوی کولانے والوں سےگزارش ہے پاکستانی قوم کے جذبات سےمزید نہ کھیلیں۔کم از کم فل ٹائم چیئرمین کرکٹ لگائیں۔ہر شخص ہر کام کے لیے suitable نہیں ہوتا۔مہربانی ہوگی۔
— Fakhar Durrani (@FrehmanD) September 28, 2025
اجمل جامی نے ٹوئٹ کرتے ہوئے کہا کہ آئندہ حارث رؤف پر کم از کم بھارت کے خلاف میچ کھیلنے پر تاحیات پابندی عائد کر دی جائے۔ شائقین کرکٹ کا مطالبہ
آئندہ حارث رؤف پر کم از کم بھارت کے خلاف میچ کھیلنے پر تاحیات پابندی عائد کر دی جائے۔۔
شائقین کرکٹ کا مطالبہ
— Ajmal Jami (@ajmaljami) September 28, 2025
سلیم خالق نے مطالبہ کیا کہ شاہین آفریدی کو کپتان بنائیں اور بابر اعظم کو واپس ٹیم میں لائیں۔
شاہین آفریدی کو کپتان بنائیں
بابر اعظم کو واپس لائیں
— Saleem Khaliq (@saleemkhaliq) September 28, 2025
اسد چوہدری کہتے ہیں کہ ایشیا کپ کا فائنل ہارنے پر یقینا دکھ ہے لیکن مثبت چیزیں یہ ہیں کہ پاکستان فائنل تک پہنچا۔ بھارت سے سخت ترین مقابلہ ہوا لیکن اس کے باوجود سلمان آغا، صائم ایوب اور حارث روف کو محسن نقوی سمیت کرکٹ ٹیم اور کرکٹ بورڈ سے فارغ ہونا چاہیے۔
ایشیا کپ کا فائنل ہارنے پر یقینا دکھ ہے۔
پازیٹیو چیزیں یہ ہیں کہ
پاکستان فائنل تک پہنچا۔۔
بھارت سے سخت ترین مقابلہ ہوا
20 ویں اوور میں بھارت جان توڑ مقابلے کے بعد جیتا۔
بہرحال۔۔
سلمان آغا۔۔صائم ایوب۔۔حارث روف
کو محسن نقوی سمیت
کرکٹ ٹیم اور کرکٹ بورڈ سے فارغ ہونا چاہیے
— Asad R Chaudhry (@Asadrchaudhry) September 28, 2025
ارفع فیروز نے کہا کہ بابراعظم اور محمد رضوان کے ساتھ سخت ناانصافی کر کے پی سی بی سیلیکشن کمیٹی کیسے توقع کرسکتی تھی کہ پاکستان ایشیاءکپ جیت جائےگا۔
بابراعظم اور محمد رضوان کے ساتھ سخت ناانصافی کر کے پی سی بی سیلیکشن کمیٹی کیسے توقع کرسکتی تھی کہ پاکستان ایشیاءکپ جیت جائےگا! #PakistanCricket #AsiaCup
— Arfa Feroz Zake (@ArfaSays_) September 28, 2025
خولہ چوہدری نے لکھا کہ پاکستان کرکٹ ٹیم کبھی بھی پاکستانیوں کو خوش نہیں رہنے دے سکتی۔
پاکستان کرکٹ ٹیم کبھی بھی پاکستانیوں کو خوش نہیں رہنے دے سکتی۔ pic.
— Khaula Chaudhry (@chaudhry_khaula) September 28, 2025
واضح رہے کہ دبئی میں کھیلے گئے ایشیا کپ 2025 کے فائنل میں بھارت نے سنسنی خیز مقابلے کے بعد پاکستان کو شکست دے کر ٹائٹل اپنے نام کر لیا۔ بھارتی بلے باز تلک ورما مشکل وقت میں ٹیم کے ہیرو ثابت ہوئے اور شاندار بیٹنگ سے ٹیم کو فتح دلائی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ پاکستان بمقابلہ انڈیا پاکستان شکست محسن نقوی
ذریعہ
ذریعہ: WE News
کلیدی لفظ: ایشیا کپ پاکستان بمقابلہ انڈیا پاکستان شکست محسن نقوی نے پاکستان کہ پاکستان محسن نقوی کرکٹ ٹیم ایشیا کپ ہیں جیسے رہے ہیں ہیں کہ ٹیم کی کہا کہ
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ