3گھنٹے ویڈیو لنک اجلاس : صفائی پر سمجھوتہ نہیں ہوگا ‘ پنجاب میں سرکاری ارضی پر گندم کاشت کرائی جائے : مریم نواز
اشاعت کی تاریخ: 6th, October 2025 GMT
لاہور (نوائے وقت رپورٹ) وزیراعلیٰ پنجاب مریم نواز شریف کی زیر صدارت 3گھنٹے طویل ویڈیو لنک اجلاس ہوا۔ اجلاس میں کمشنرز اور ڈپٹی کمشنرز کے لئے مقررکردہ ’’کی پروفارمنس انڈیکیٹرز‘‘ کا جائزہ لیا گیا۔ کمشنرز اور ڈپٹی کمشنرز کے’’کے پی آئیز‘‘ میں الیکٹروبس پراجیکٹ اور فلڈ سروے بھی شامل کردیا گیا۔ متعلقہ ضلع یا شہر میں الیکٹرو بس کی دیکھ بھال، مسافروں کے لئے سہولتیں، ڈسپلن ڈی سی ’’کے پی آئیز‘‘ میں شامل ہیں۔ وزیراعلی مریم نوازشریف نے الیکٹرو بس کیلئے ہر سٹاپ پر مخصوص بس سٹینڈق ائم کرنے کی ہدایت کی۔ سیلاب متاثرہ علاقوں میں شفاف اور تیز ترین فلڈ سروے کو یقینی بنانا بھی ڈی سی’’کے پی آئیز‘‘ میں شامل ہے۔ ڈپٹی کمشنرزکو فلڈ سروے مہم کی مانیٹرنگ کی ہدایت کی، شفاف اور مستند ڈیٹا کی ضرورت پر زور دیا گیا۔ وزیراعلی مریم نوازشریف نے پنجاب بھر میں میسر سرکاری زرعی اراضی پر گندم کی کاشت کرانے کی ہدایت کی۔ محکمہ زراعت کو سرکاری اراضی پر گندم کا بہترین بیج فراہم کرنے کی ہدایت کی۔ وزیراعلی مریم نوازشریف نے مختلف علاقوں میں آوارہ کتوں کے کاٹنے کے تسلسل پر برہمی کا اظہار کیا۔ وزیراعلی نے کہا کہ آوارہ کتوں کے کا ٹنے سے شہریوں بالخصوص بچوں کا زخمی ہونا قطعی طور پر ناقابل برداشت ہے۔ وزیراعلی مریم نواز نے سرکاری ونجی سکولوں کے سامنے روڈز پر زیبرا کراسنگ یقینی بنانے کی ہدایت کی ہے۔ وزیراعلی نے طلبہ کی سیفٹی یقینی بنانے کے لئے روڈز پر نجی اور سرکاری سکولوں سے پہلے رفتارکم کرنے کے بورڈز نصب کرنے اور پنجاب بھر میں 5ہزار سے زائد واٹر فلٹریشن پلانٹ کی مانیٹرنگ، دیکھ بھال اور مرمت یقینی بنانے کا حکم دیا ہے۔ وزیراعلی مریم نوازشریف نے کمشنرز اور ڈپٹی کمشنرز کو متعلقہ ہسپتالوں کے اچانک وزٹ کرنے کی ہدایت کی اور سرکاری ہسپتالوں میں مفت ادویات کی فراہمی اور سروسز کے لئے ناجائز طورپر پیسے مانگنے والے عناصر پر نظر رکھنے کا حکم دیا۔ وزیراعلی نے پنجاب بھر میں روٹی کے سرکاری نرخ نامے پر عملدرآمد یقینی بنانے کی ہدایت کی اور کہا کہ ستھرا پنجاب کی ٹیمیں اچھا کام کررہی ہیں، صفائی میں کوتاہی یا ورک فورس کی کمی کا فوری ازالہ یقینی بنایا جائے۔ صفائی کے لئے درکار ورکرز بھرتی کرنے کی منظوری دے دی گئی۔ وزیراعلی نے کہاکہ شہروں و دیہات کی صفائی ستھرائی پر کوئی سمجھوتہ ہوگا اور نہ ہی غفلت برداشت ہے۔ وزیراعلی مریم نوازشریف نے بہترین کارکردگی کا مظاہرہ کرنے والے کمشنرز اور ڈپٹی کمشنرز کو شاباش دی اور ’’کے پی آئیز‘‘ میں غیرنمایاں کمشنرز اور ڈپٹی کمشنرز کوکارکردگی بہتر بنانے کی ہدایت کی۔ وزیراعلیٰ مریم نواز کی ہدایت پر سیلاب متاثرین بحالی سروے تندہی سے جاری ہے۔ 27 اضلاع میں 2233 سروے ٹیمیں ڈیٹا اکٹھا کرنے کے لئے سیلاب متاثرہ گھر گھر پہنچ گئیں۔ فلڈ سروے کیلئے دور افتادہ علاقوں میں کشتیوں پر متاثرہ علاقوں کا وزٹ کر رہے ہیں۔ ڈی جی پی ڈی ایم اے عرفان علی کاٹھیا نے بتایا کہ فلڈ سروے میں 1 لاکھ 27 ہزار متاثرین کا ڈیٹا حاصل کرلیا گیا ہے۔ فلڈ سروے ٹیموں نے مختلف اضلاع میں 88,865 کسانوں سے سیلاب میں فصلوں کے نقصان کی تفصیلات حاصل کی ہیں۔ سروے میں 3 لاکھ 42 ہزار ایکڑ سے زائد سیلاب متاثرہ اراضی کی نشاندہی مکمل کر لی گئی ہے۔ فلڈ سروے ٹیموں نے سیلاب سے متاثرہ 37,044 مکانات کا ڈیٹا بھی لے لیا ہے۔ سیلاب کے باعث مویشیوں سے محروم ہونے والے 1400 افراد سے بھی تفصیلات لی گئیں۔ مختلف اضلاع سے فلڈ سروے میں 5836 ہلاک مویشیوں کی تفصیلات موصول ہوئیں۔ ڈی جی پی ڈی ایم اے عرفان علی کاٹھیا نے بتایا کہ پاک فوج کے جوان اربن یونٹ، ریونیو، محکمہ زراعت اور لائیو سٹاک نمائندے سروے کیلئے گھر گھر پہنچ رہے ہیں۔ پنجاب روزانہ کی بنیاد پر سروے میں پیشرفت کا جائزہ لے رہا ہے۔ سیلاب متاثرہ افراد سروے ٹیموں سے گفتگوکرتے ہوئے خوش اور جذباتی ہو گئے۔ وزیراعلی مریم نواز شریف کے لئے توصیفی نعرے لگائے، نواز شریف کے لئے بھی تعریفی کلمات کہے۔ سیلاب متاثرین نے کہاکہ سروے ٹیموں کا اتنی جلدی گھر گھر پہنچنا ہماری توقعات سے بالاتر اور حیران کن ہے۔ شہریوں نے اپنی رائے کا اظہار کرتے ہوئے کہاکہ شفافیت یقینی بنانے کے لئے کچھ وقت زیادہ بھی لگ جائے تو حرج نہیں ہے۔ سروے ٹیموں نے متاثرین کو یقین دہانی کراتے ہوئے کہاکہ وزیر اعلی پنجاب کی ہدایت پر ہر حقدار کو حق ملے گا۔ وزیراعلی پنجاب مریم نوازشریف نے ٹیچرز ڈے پر اپنے خصوصی پیغام میں اساتذہ کرام کو خراج تحسین پیش کیا ہے۔ وزیراعلی مریم نواز شریف نے کہا کہ معلم اعظم حضرت محمدؐ پر کروڑوں درود و سلام پیش کرتے ہیں۔ استاد کی عظمت کا اعتراف کرنے کے لئے ایک دن نا کافی ہے۔ استاد کی عظمت لازوال اور بے مثال ہے۔ وزیراعلی نے کہاکہ اپنے گرامی قدر اساتذہ سمیت ہر استاد کی عظمت کو سلام پیش کرتے ہیں۔ پوزیشن ہولڈرز کے ساتھ ساتھ ان کے قابل احترام اساتذہ کو بھی اعتراف عظمت کے طور پر انعامات پیش کئے گئے۔ اچھا استاد ہی معاشرے میں مثبت تبدیلی کی بنیاد رکھ سکتا ہے۔ وزیراعلیٰ مریم نواز شریف کی خصوصی ہدایت پر راولپنڈی مری روڈ کو سرسبز اور خوبصورت بنا دیا گیا ہے۔ راولپنڈی کی سب سے بڑی اور تاریخی سڑک مری روڈ کی ری ویمپنگ اور اپ گریڈیشن مکمل کر لی گئی ہے۔ بے ہنگم اور خستہ حال مری روڈ کو گرین کوریڈور میں تبدیل کر دیا گیا ہے۔ سکستھ روڈ پر پل کے نیچے شہریوں خاص طور پر نوجوانوں کے لئے خوبصورت ٹینس کورٹ بھی بنا دیا گیا۔ سکستھ روڈ کے نیچے اور اردگرد کے راستوں کو خوبصورت پودوں، پھولوں اور درختوں سے سجا دیا گیا ہے۔ ماضی میں یہ مقامات کوڑے کرکٹ کے ڈھیر بنے ہوئے تھے۔ سکستھ اور سیونتھ روڈ پر شہریوں کے بیٹھنے کے لئے خوبصورت انتظار گاہیں بھی بنا دی گئیں۔ چاندنی چوک پر خوبصورت کلاک ٹاور کی اپ گریڈیشن بھی مکمل ہو گئی ہے۔ مری روڈ اور میٹرو کے راستے کے دونوں اطراف پودوں اور پھولوں کی کیاریاں بنا دی گئیں۔ میٹرو پل کے ستونوں کو بھی بیلوں اور پھولوں سے ڈھانپ دیا گیا۔ گرد و غبار سے پاک، پودوں اور پھولوں سے آراستہ مری روڈ شہریوں کے لیے خوشگوار حیرت کا باعث بن گئی۔ رات کو خوبصورت روشنیوں نے مری روڈ کی خوبصورتی دوبالا کر دی۔ خوبصورت دل رکھنے والے راولپنڈی کے شہریوں کو مری روڈ کو خوبصورت اور سرسبز بنا کر ایک تحفہ دیا ہے۔ وزیراعلی مریم نواز شریف نے پی ایچ اے سمیت تمام ٹیم کو شاباش دی۔ وزیراعلی مریم نوازشریف نے کہا کہ شہری نہ صرف آلودگی سے بچیں گے، معیاری سفر کے دوران راولپنڈی کی خوبصورتی سے بھی لطف اندوز ہوں گے۔ وزیراعلی مریم نواز شریف نے اہلیان راولپنڈی کو مبارک دیتے ہوئے کہاکہ نواز شریف کے وژن کے تحت مری روڈ بنائی، میٹرو بنائی، اب اس کی مرمت، صفائی اور خوبصورتی کو بھی یقینی بنایا ہے۔ وزیر اعلی مریم نواز نے کہا پنجاب کے ہر شہر کو جدید، صاف ستھرا، سرسبز اور بہترین سہولیات کی مثال بنا کر رہوں گی۔
.ذریعہ: Nawaiwaqt
کلیدی لفظ: وزیراعلی مریم نوازشریف نے وزیراعلی مریم نواز شریف کمشنرز اور ڈپٹی کمشنرز سیلاب متاثرہ وزیراعلی نے کی ہدایت کی سروے ٹیموں کے پی ا ئیز فلڈ سروے سروے میں کرنے کی دیا گیا مری روڈ شریف نے کے لئے نے کہا کہا کہ گیا ہے
پڑھیں:
پنجاب حکومت سیلاب زدگان کی گئی امداد سامنے لائے،پیپلزپارٹی
data-id="863a0a8" data-element_type="widget" data-widget_type="theme-post-content.default">
کراچی : پیپلزپارٹی سندھ کے صدر نثار کھوڑو نے کہا ہے کہ پیپلزپارٹی نے سندھو دریا پر نوازشریف کو کالاباغ ڈیم نہیں بنانے دیا تو مریم نواز کی کیا حیثیت ہے؟ مریم نواز متنازع کینالوں کی بات کرکے آئینی فورم سی سی آئی کی توہین کر رہی ہیں، سندھو دریا کے پانی پر کسی کو ڈاکہ نہیں ڈالنے دیں گے۔
انہوں نے وزیراعلی پنجاب مریم نواز کے ریمارکس پر سخت ردعمل دیتے ہوئے کہا کہ پیپلز پارٹی نے وزیراعلی پنجاب مریم نواز کے متنازع کینال منصوبے کے متعلق ریمارکس کو سی سی آئی کے فیصلے کی خلاف ورزی اور آئینی فورم کی توہین قرار دیتے ہوئے مسلم لیگ ن کے قائد نواز شریف سے مریم نواز کے ریمارکس کا نوٹس لینے اور پارٹی پالیسی واضع کرنے کا مطالبہ کردیا۔
پیپلزپارٹی نے پنجاب حکومت سے سیلاب متاثرین کو دی جانے والی امداد قوم کے سامنے پیش کرنے کا مطالبہ کیا۔نثار کھوڑو نے کہا کہ سی سی آئی کا آئینی فورم متنازعہ کینال منصوبے کو مسترد اور دفن کرچکا ہے۔ وزیر اعلی پنجاب مریم نواز سی سی آئی کے آئینی فورم سے بالاتر نہیں ہیں اور مریم نواز کی اکیلے سی سی آئی کے مقابلے میں کوئی حیثیت نہیں۔
سی سی آئی کا یہ متفقہ فیصلہ ہے کے جب تک تمام صوبے اتفاق نہیں کرینگے تب تک کوئی کینال منصوبہ نہیں بنے گا اور سندھ کو کسی صورت متنازع کینال منصوبے قبول نہیں ہیں۔ وزیراعلی پنجاب مریم نواز پیپلز پارٹی کی پنجاب میں بڑھتی ہوئی مقبولیت سے خوفزدہ ہیں اس لیے وہ پنجاب میں سیلاب متاثرین کی بینظیر انکم سپورٹ پروگرام کے ذریعے ریلیف دینے کے عمل کی مخالف ہیں۔
پنجاب کسی ایک جماعت کی جاگیر نہیں، پیپلزپارٹی سمیت ہر سیاسی جماعت کو پنجاب میں سیاسی سرگرمیاں کرنے کا حق حاصل ہے۔ وزیراعلی پنجاب سیلاب متاثرین کو مکمل ریلیف و امداد پہنچا رہی ہیں تو وہ قوم کے سامنے ظاہر کریں۔ پنجاب حکومت نے سیلابی پانی کو پھیلانے کے لیے ایک منصوبہ بندی کے ساتھ کٹ لگوا کر غریب کسانوں اور ان کے فصلوں کو ڈبویا اور امیر طبقے کے بنگلوں کو بچایا ہے۔
ثناجاوید سے طلاق کے بعد عمیرجسوال نےنئی ہمسفر کی تصویر شیئر کردی