عالمی معیشت میں بڑا سنگِ میل، پاکستان دوسری ابھرتی ہوئی معیشت قرار
اشاعت کی تاریخ: 6th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان نے عالمی مالیاتی میدان میں شاندار پیش رفت کی ہے، بلومبرگ کے تازہ اعداد و شمار کے مطابق پاکستان کو دنیا کی دوسری ابھرتی ہوئی معیشت قرار دیا گیا ہے۔
رپورٹ کے مطابق پاکستان نے ڈیفالٹ رسک میں نمایاں کمی کے ساتھ ترکی کے بعد دوسرا بہترین ملک بن کر عالمی اعتماد حاصل کیا ہے۔
بلومبرگ کا کہنا ہے کہ کریڈٹ ڈیفالٹ سویپ (سی ڈی ایس) کے مطابق پاکستان کے دیوالیہ ہونے کے خطرات میں 2,200 بیسس پوائنٹس کی غیر معمولی کمی واقع ہوئی، جبکہ جون 2024 سے ستمبر 2025 کے دوران پاکستان کی معاشی کارکردگی کئی بڑی ابھرتی معیشتوں سے بہتر رہی۔
رپورٹ میں بتایا گیا کہ مالیاتی نظم و ضبط، اصلاحاتی اقدامات، قرضوں کی بروقت ادائیگی اور آئی ایم ایف پروگرام پر مکمل عملدرآمد نے پاکستانی معیشت کو مستحکم بنیاد فراہم کی۔ بلومبرگ کے مطابق عالمی سرمایہ کاروں کا اعتماد بڑھنے، روپے کے استحکام اور مہنگائی پر قابو پانے سے پاکستان سرمایہ کاری کے لیے ایک محفوظ اور منافع بخش ملک بن چکا ہے۔
.
ذریعہ
ذریعہ: Jasarat News
کلیدی لفظ: کے مطابق
پڑھیں:
اسکردو: معرکہ حق دوسری سرفرنگا نیشنل میراتھن 2026 کا کامیاب انعقاد
پاک فوج کے زیر اہتمام اسکردو میں معرکہ حق دوسری سرفرنگا نیشنل میراتھن 2026 کا کامیاب انعقاد ہوا۔
تفصیلات کے مطابق دنیا کے بلند ترین صحرا سرفرنگا میں 21 کلومیٹر میراتھن کے ساتھ سینئر سیٹیزن اور طلبا کے لیے فن رن کا بھی انعقاد کیا گیا۔
سرفرنگا نیشنل میراتھن میں گلگت بلتستان سمیت پورے پاکستان سے ایک ہزار سے زائد ایتھلیٹس نے حصہ لیا۔
کمانڈر ایف سی این اے سرفرنگا نیشنل میراتھن کی اختتامی تقریب کے مہمان خصوصی تھے۔
میراتھن میں پہلی پوزیشن حاصل کرنے والے ایتھلیٹ محمد اختر کو10 لاکھ روپے نقد انعام اور میڈل سے نوازا گیا۔
دوسری پوزیشن والے سہیل عامر 7 لاکھ اور تیسری پوزیشن حاصل کرنے والے شہباز کو 4 لاکھ کے نقد انعامات دیے گئے۔
پہلی 50 پوزیشنز پر آنے والے ایتھلیٹس کو بھی نقد انعامات، میڈلز اور سرٹیفکیٹس سے نوازا گیا۔
تقریب کے شرکاء اور مقامی عوام نے پاک فوج کی جانب سے میراتھن کے انعقاد کو بھرپور سراہا۔
اس موقع پر شرکاء کا کہنا تھا کہ علاقے میں امن، یکجہتی اور صحت مند سرگرمیوں کے فروغ کے لیے یہ میراتھن قابلِ تحسین اقدام ہے۔ اس کامیاب ایونٹ نے نوجوانوں کو مثبت سرگرمیوں کی جانب راغب کیا ہے۔
پاک فوج دفاع وطن کے ساتھ ساتھ نوجوانوں کو صحت مند سرگرمیوں کی طرف راغب کرنے کے لیے بھی کوشاں ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ