اسلام آباد کے ڈائمنڈ گراؤنڈ کی خستہ حالی پر شاہد آفریدی برہم، سی ڈی اے کا وضاحتی بیان جاری
اشاعت کی تاریخ: 7th, October 2025 GMT
پاکستان کے سابق کپتان اور مایہ ناز آل راؤنڈر شاہد خان آفریدی نے اسلام آباد کے ڈائمنڈ کرکٹ گراؤنڈ میں ناقص سہولیات پر شدید تنقید کی ہے، جس نے کرکٹ بورڈ اور انتظامیہ کی کارکردگی پر ایک بار پھر سوالات کھڑے کر دیے ہیں۔
شاہد آفریدی نے سماجی رابطے کی ویب سائٹ ایکس پر اپنے پیغام میں کہا کہ اسلام آباد کے ڈائمنڈ گراؤنڈ کی خستہ حالی نہایت افسوسناک اور قابل تشویش ہے۔ ٹوٹی ہوئی کرسیاں، گندے اور ناقابل استعمال واش رومز۔ کیا ہمارے فرسٹ کلاس کرکٹرز، جو قومی کرکٹ کے مستقبل کی بنیاد ہیں، ایسے غیر معیاری حالات کے مستحق ہیں؟
یہ بھی پڑھیں: کون سے 4 قومی کرکٹرز قائداعظم ٹرافی کے ابتدائی راؤنڈ میں ایکشن میں نظر آئیں گے؟
انہوں نے مزید کہا کہ اگر ملک کے اعلیٰ ترین گراؤنڈز کا یہ حال ہے تو نچلی سطح پر کرکٹ کو کیا پیغام دیا جا رہا ہے؟ ملکی سطح کرکٹ میں اس قسم کی غفلت اور لاپروائی انتہائی شرمناک ہے۔
Shocking state of facilities at Diamond Ground, Islamabad.
— Shahid Afridi (@SAfridiOfficial) October 6, 2025
اس حوالے سے ردعمل دیتے ہوئے سی ڈی نے موقف اپنایا کہ جو تصاویر سوشل میڈیا پر شیئر کی جا رہی ہیں وہ پرانی ہیں اور موجودہ زمینی حقائق کی درست عکاسی نہیں کرتیں۔ یہ معاملہ بظاہر عوام کو گمراہ کرنے کی ایک منظم کوشش ہے، جو اس وقت سامنے آئی ہے جب ڈائریکٹوریٹ نے غیر قانونی قابضین کے خلاف مؤثر کارروائی کی۔
ان کا کہنا تھا کہ ڈائمنڈ گراؤنڈ کا اصل مسئلہ اس وقت پیدا ہوا جب ڈائریکٹوریٹ نے گراؤنڈ کو غیر قانونی قبضے سے واگزار کرایا۔ وہاں ایک کمرشل اکیڈمی بغیر اجازت کام کر رہی تھی اور گراؤنڈ کو غیر قانونی طور پر کرائے پر دیا جا رہا تھا۔ اس سنگین خلاف ورزی کے پیشِ نظر، ڈائریکٹوریٹ نے فیصلہ کیا ہے کہ یہ معاملہ مکمل تحقیقات اور قانونی کارروائی کے لیے وفاقی تحقیقاتی ادارے (ایف آئی اے) کو بھیجا جائے۔ ملوث افراد کے خلاف قانون کے مطابق سخت کارروائی کی جائے گی، جو عوامی اثاثوں کے تحفظ کے ہمارے عزم کا مظہر ہے۔
Official Clarification from the Directorate of Sports, CDA, Regarding Diamond Ground, G-8
The Directorate of Sports, CDA, is aware of a social media post concerning the Diamond Ground in G-8. We categorically state that the images being circulated are outdated and misrepresent… https://t.co/LVXzOBQHvN pic.twitter.com/2GC4CLgYkm
— Capital Development Authority – CDA, Islamabad (@CDAthecapital) October 6, 2025
سی ڈی اے نے مزید کہا کہ سوشل میڈیا پر پرانی تصاویر کا پھیلاؤ اُن مخصوص عناصر کی طرف سے کیا گیا ہے جن کے غیر قانونی تجارتی مفادات ہماری قانونی کارروائی سے متاثر ہوئے ہیں۔ ایسے گمراہ کن اور جعلی مواد کی اشاعت کو ہم نہایت سنجیدگی سے لے رہے ہیں۔
یہ بھی پڑھیں: ’کتے بھونکیں تو انہیں جواب نہیں دینا چاہیے‘، شاہد آفریدی کا تنقید کرنے والوں کو جواب
اس پروپیگنڈہ مہم سے پہلے ہی سی ڈی اے اسپورٹس ڈائریکٹوریٹ نے ڈائمنڈ گراؤنڈ کی بحالی کو ترجیحی بنیادوں پر شامل کر لیا تھا۔ اس مقصد کے لیے فنڈز مختص کیے جا چکے ہیں اور بحالی کا کام شفاف اور کھلے ٹینڈر کے ذریعے مکمل کیا جائے گا تاکہ معیار اور جوابدہی کو یقینی بنایا جا سکے۔ ہمارا مقصد ایک اعلیٰ معیار کی اسپورٹس سہولت کو کمیونٹی کے لیے بحال کرنا ہے۔
آخر میں انہوں نے کاہ کہ ہم عوامی مفاد کے تحفظ اور کھیلوں کی سہولیات کو تمام شہریوں کے فائدے کے لیے برقرار رکھنے کے لیے پُرعزم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈائمنڈ کرکٹ گراؤنڈ سی ڈی اے شاہد آفریدی شاہد آفریدی تنقید
ذریعہ
ذریعہ: WE News
کلیدی لفظ: ڈائمنڈ کرکٹ گراؤنڈ سی ڈی اے شاہد ا فریدی شاہد ا فریدی تنقید ڈائریکٹوریٹ نے ڈائمنڈ گراؤنڈ سی ڈی اے کے لیے
پڑھیں:
یو اے ای ویزا آن ارائیول کی نئی شرائط اور فیس جاری
دبئی: یو اے ای ویزا آن ارائیول سے متعلق متحدہ عرب امارات نے نئی شرائط، فیس اور درخواست کے طریقہ کار کی تفصیلات جاری کر دی ہیں۔ نئی ہدایات کے تحت مخصوص ممالک کے اہل شہری امارات پہنچنے پر 14 یا 60 روزہ ویزا حاصل کر سکیں گے، تاہم اس کے لیے مقررہ شرائط پر پورا اترنا لازمی ہوگا۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق بھارت، انڈونیشیا، ویتنام، تھائی لینڈ، فلپائن، کینیا اور جنوبی افریقہ کے شہری، اور ان کے ہمراہ سفر کرنے والے اہل خانہ، اس سہولت سے فائدہ اٹھا سکتے ہیں۔
حکام کے مطابق درخواست گزار کے پاس کم از کم چھ ماہ کے لیے کارآمد پاسپورٹ، سفید پس منظر والی حالیہ رنگین تصویر اور امریکا، برطانیہ، یورپی یونین، کینیڈا، آسٹریلیا، نیوزی لینڈ، جاپان، جنوبی کوریا یا سنگاپور کی جانب سے جاری کردہ قابل قبول رہائشی پرمٹ یا ویزا ہونا ضروری ہے۔
اعلامیے کے مطابق 14 روزہ ویزا آن ارائیول کو صرف ایک مرتبہ مزید 14 دن کے لیے توسیع دی جا سکتی ہے، جبکہ 60 روزہ ویزا میں توسیع کی سہولت دستیاب نہیں ہوگی۔
جی ڈی آر ایف اے نے بتایا کہ ویزا کے لیے درخواست اس کی سرکاری ویب سائٹ یا اسمارٹ ایپ کے ذریعے جمع کرائی جا سکتی ہے۔ درخواست کی منظوری کے بعد ویزا رجسٹرڈ ای میل پر ارسال کیا جائے گا، جبکہ عام طور پر درخواستوں پر 48 گھنٹوں کے اندر کارروائی مکمل کر لی جاتی ہے۔
فیس کے حوالے سے جاری تفصیلات کے مطابق 14 روزہ ویزا آن ارائیول کی فیس 172.50 درہم جبکہ 60 روزہ ویزا کی فیس 422.50 درہم مقرر کی گئی ہے۔
جی ڈی آر ایف اے کا کہنا ہے کہ اس سہولت کا مقصد بین الاقوامی مسافروں کے لیے سفری عمل کو مزید آسان بنانا، سیاحت کو فروغ دینا اور زیادہ سے زیادہ سیاحوں کو متحدہ عرب امارات کی جانب راغب کرنا ہے۔
ادارے کے اعداد و شمار کے مطابق سال 2026 کے پہلے چھ ماہ کے دوران اس پروگرام کے تحت 73 ہزار 551 ویزے جاری کیے جا چکے ہیں، جو اس سہولت کی بڑھتی ہوئی مقبولیت کی نشاندہی کرتے ہیں۔
اہم وضاحت: جاری کردہ شرائط میں پاکستانی پاسپورٹ ہولڈرز شامل نہیں ہیں۔ یہ سہولت صرف ان مخصوص ممالک کے شہریوں کے لیے ہے جن کا جی ڈی آر ایف اے نے اعلان کیا ہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی