ٹی ایل پی کا اسلام آباد کی طرف ممکنہ مارچ، شہر میں سکیورٹی سخت، فیض آباد پر کنٹینر پہنچادیے گئے
اشاعت کی تاریخ: 9th, October 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی: تحریک لبیک کے ممکنہ مارچ کے پیشِ نظر اسلام آباد اور راولپنڈی میں سکیورٹی کے سخت انتظامات کیے گئے ہیں۔
تحریک لبیک نے کل 10 اکتوبر کو اسلام آباد کی جانب مارچ کا اعلان کیا ہے، جس کے بعد انتظامیہ نے فیض آباد پر کنٹینرز پہنچا دیے ہیں اور شہر بھر میں سکیورٹی ہائی الرٹ کر دی گئی ہے۔
ذرائع کے مطابق مری روڈ اور فیض آباد کے اردگرد ہوٹلز کو خالی کرنے کے احکامات جاری کر دیے گئے ہیں۔ اسلام آباد اور راولپنڈی کے درمیان راستے فی الحال کھلے ہیں، تاہم حالات کے مطابق انہیں بند کرنے کا فیصلہ کیا جا سکتا ہے۔
اس صورتِ حال پر قابو پانے کے لیے سی پی او خالد ہمدانی کی زیر صدارت امن و امان سے متعلق سینئر پولیس افسران کا اجلاس ہوا، جس میں سکیورٹی حکمت عملی پر تبادلہ خیال کیا گیا۔
سی پی او نے واضح کیا کہ کسی کو سڑکیں بلاک کرنے یا ٹریفک میں رکاوٹ ڈالنے کی اجازت نہیں دی جائے گی، اور نہ ہی کسی ایسی سرگرمی کی اجازت دی جائے گی جو معمولاتِ زندگی کو متاثر کرے۔
انہوں نے خبردار کیا کہ احتجاج کی آڑ میں کسی قسم کی پرتشدد کارروائی برداشت نہیں کی جائے گی، قانون شکنی کرنے والوں کے خلاف سخت کارروائی کی جائے گی، اور املاک یا قانون نافذ کرنے والے اداروں پر حملہ ہرگز برداشت نہیں کیا جائے گا۔
ذریعہ: Jasarat News
کلیدی لفظ: میں سکیورٹی اسلام آباد جائے گی
پڑھیں:
اسلام آباد میں ڈرائیونگ لائسنس حاصل کرنے کا نیا ریکارڈ قائم
اسلام آباد(صغیر چوہدری )اسلام آباد میں ڈرائیونگ لائسنس حاصل کرنے کا نیا ریکارڈ قائم ہو گیا۔ صرف ایک ماہ میں ایک لاکھ 28 ہزار شہریوں نے لائسنس بنوائے جبکہ آج سے بغیر لائسنس گاڑی چلانے والوں پر مقدمات درج ہوں گے ٹریفک پولئس کےمطابق یکم ستمبر سے 7 اکتوبر تک اسلام آباد میں ڈرائیونگ لائسنس حاصل کرنے والوں کی تعداد ایک لاکھ 28 ہزار تک پہنچ گئی جو کہ ایک نیا ریکارڈ ہے
چیف ٹریفک آفیسر کیپٹن (ر) حمزہ ہمایوں کے مطابق، اسلام آباد میں لائسنس بنوانے کی شرح میں 540 فیصد اضافہ ریکارڈ کیا گیا ہے، جو گزشتہ آٹھ برسوں میں سب سے زیادہ ہے ان کا کہنا ہے کہ اسلام آباد کے شہریوں نے ٹریفک پولیس پر بھرپور اعتماد کیا، شہریوں کی سہولت کے لیے تمام اقدامات کیے گئے
اسلام آباد ٹریفک پولیس نے شہریوں کی سہولت کے لیے دو بڑے سنٹرز اور سہولت وینز کو 24 گھنٹے کھلا رکھا، تاکہ ہر شہری کو موقع مل سکے۔مہم کے اختتام پر آج سے بغیر لائسنس ڈرائیورز کے خلاف کارروائیاں شروع کر دی گئی ہیں۔چیف ٹریفک پولیس حمزہ ہمایوں نے شہریوں سے کہا ہے کہ دورانِ سفر اپنا ڈرائیونگ لائسنس لازمی اپنے ساتھ رکھیں۔جن شہریوں نے ابھی تک لائسنس نہیں بنوایا، وہ فوری طور پر لرنر پرنٹ حاصل کر لیں۔قانون سب کے لیے برابر ہے، کارروائی بلا تفریق ہوگی
اسلام آباد ٹریفک پولیس کے مطابق، یہ مہم شہری شعور، نظم و ضبط اور قانون کی پاسداری کی جانب ایک مثبت قدم ہے۔ٹریفک پولیس کا دعوی ہے کہ اسلام آباد میں ڈرائیونگ لائسنس مہم نہ صرف کامیاب رہی بلکہ شہریوں نے قانون پر عملدرآمد کی مثال بھی قائم کی۔ اب دیکھنا یہ ہے کہ بغیر لائسنس ڈرائیورز پر کارروائی کتنی مؤثر ثابت ہوتی ہے۔
جنوبی افریقا کیخلاف ٹیسٹ سیریز، شان مسعود قیادت جاری رکھیں گے