حیدرآباد: پولیس مقابلے میں 2موٹرسائیکل چور گرفتار،2ساتھی فرار
اشاعت کی تاریخ: 10th, October 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)نسیم نگر پولیس کی مختلف کارروائیوں میں اشتہاری و روپوش سمیت 4 موٹر سائیکل لفٹروں کو گرفتا رکرکے ان کے قبضے سے مسروقہ موٹر سائیکلیں، اسلحہ برآمد کرلیا۔ پولیس کے مطابق نسیم نگر پولیس نے خفیہ اطلاع پر کارروائی کرتے ہوئے مشتبہ موٹر سائیکل سواروں کو روکنے کی کوشش کی تو ملزمان کی جانب سے پولیس پر فائرنگ کی گئی۔ پولیس کی جانب سے جوابی فائرنگ کے بعد دو ملزمان محمد موسی ملاح اور محمد سلمان وگھیو کو گرفتار کرلیا گیا، جبکہ ان کے دو ساتھی علی اصغر جمالی اور اللہ ورایو مجیدانو اندھیرے کا فائدہ اٹھاتے ہوئے فرارہوگئے۔نسیم نگر پولیس نے گرفتار ملزمان کے قبضے سے چھینی گئی موٹر سائیکل اور تھانہ سٹی کی حد سے چوری شدہ موٹر سائیکل برآمد کرلی۔مزید تفتیش کے دوران نسیم نگر پولیس نے ملزم موسیٰ ملاح کی 6ستمبر کو تھانہ سٹی کی حدود پرور شاہ کا پڑھ سے موٹر سائیکل چوری کی واردات کی سی سی ٹی وی فوٹیج حاصل کرلی۔ابتدائی تفتیش میں معلوم ہوا کہ گرفتار ملزم موسیٰ ملاح تھانہ چھلگری کے مقدمات میں ملوث جبکہ ضلع مٹیاری تھانہ مٹیاری کے مقدمہ میں اشتہاری ہے۔گرفتاری کے دوران ملزمان کی مزاحمت اور فائرنگ کے باعث ان کیخلاف سندھ آرمز ایکٹ کے تحت علیحدہ مقدمات درج کرلیے گئے۔ دوسری کارروائی کے دوران نسیم نگر پولیس نے دوران خفیہ اطلاع پر تھانہ سائٹ کوٹری کے روپوش ملزم رشید مغیری اور چیک پوسٹ نسیم نگر کے مقدمہ میں اشتہاری ملزم ایوب مغیری کو بھی گرفتار کرلیا۔گرفتار ملزمان کی گرفتاری وقت مزاحمت کرنے اور ان گرفتار ملزمان کو چھڑانے کی کوشش کرنے پر ملزمان (حمزہ ولد عالم، اسلم ولد عالم،احسان ولد سکندر،سکندر ولد غلام محمد مغیری) کیخلاف ملزمان کو چھڑانے کی کوشش اورکار سرکارمیں خلل ڈالنے پر مقدمہ درج کیا گیا۔
ذریعہ: Jasarat News
کلیدی لفظ: نسیم نگر پولیس نے موٹر سائیکل گرفتار ملزم
پڑھیں:
کراچی، ماڈل کالونی میں پولیس مقابلہ، ڈاکو زخمی حالت میں گرفتار
کراچی:شہر قائد میں جرائم پیشہ عناصر کے خلاف پولیس کی کارروائیاں جاری ہیں۔ ماڈل کالونی پولیس نے ریلوے پھاٹک نشتر آباد کے قریب مبینہ پولیس مقابلے کے بعد ایک ڈاکو کو زخمی حالت میں گرفتار کر لیا۔
پولس کے مطابق مقابلہ اس وقت پیش آیا جب اہلکار معمول کے گشت پر تھے، مقابلے کے دوران ایک ملزم گولی لگنے سے زخمی ہو گیا۔
زخمی ملزم کو فوری طور پر جناح اسپتال منتقل کیا گیا۔ پولیس نے زخمی ملزم کی شناخت احمد کے نام سے کی ہے۔
پولیس کا کہنا ہے کہ گرفتار ملزم کے قبضے سے ایک پستول، متعدد چھینے گئے موبائل فونز اور ایک موٹر سائیکل برآمد ہوئی ہے۔
دل کی بات زبان پر، پنجاب کو امداد کی ضرورت نہیں تو ہمیں دیں،فیصل کنڈی