پاکستان ایک بار پھر اقوامِ متحدہ کی انسانی حقوق کونسل کا رکن منتخب
اشاعت کی تاریخ: 14th, October 2025 GMT
اقوامِ متحدہ کی جنرل اسمبلی نے آج پاکستان کو اقوامِ متحدہ کی انسانی حقوق کونسل کا چھٹی مرتبہ رکن منتخب کرلیا ہے۔
پاکستان کو یہ رکنیت 178 ووٹوں کی بھاری اکثریت سے حاصل ہوئی ہے، جس کی مدت 3 سال ہوگی اور یہ یکم جنوری 2026 سے شروع ہوگی۔
یہ چھٹی مرتبہ ہے کہ پاکستان کو 2006 میں کونسل کے قیام کے بعد اس کے رکن کے طور پر منتخب کیا گیا ہے۔
یہ بھی پڑھیں:
یہ کامیابی عالمی برادری کے پاکستان پر اعتماد اور انسانی حقوق کے فروغ، دفاع اور تحفظ کے حوالے سے اس کے مسلسل عزم کی عکاس ہے۔
Pakistan has been elected today by the General Assembly to the UN Human Rights Council for the 2026–2028 term.
Pakistan got 178 votes in the GA election and will serve on the Council for the sixth term. pic.twitter.com/AueB4uKUQA
— Permanent Mission of Pakistan to the UN (@PakistanUN_NY) October 14, 2025
ساتھ ہی یہ اقوامِ متحدہ کے نظامِ انسانی حقوق کو مضبوط بنانے میں پاکستان کے کردار کا بھی ثبوت ہے۔
ترجمان دفترِ خارجہ کے مطابق پاکستان، اپنے نئے دورِ رکنیت میں، شہری، سیاسی، معاشی، سماجی اور ثقافتی حقوق کے ساتھ ساتھ حقِ ترقی کے فروغ کے لیے بھی بھرپور کردار ادا کرے گا۔
مزید پڑھیں:
پاکستان کونسل کے مینڈیٹ کے مطابق عالمی سطح پر انسانی حقوق کے فروغ اور تحفظ کے لیے آفاقیت، شفافیت، غیرجانبداری اور عدم امتیاز کے اصولوں کی پاسداری کرے گا۔
بیان میں مزید کہا گیا کہ انسانی حقوق کونسل عالمی سطح پر انسانی حقوق کی خلاف ورزیوں، خصوصاً زیرِ قبضہ علاقوں میں ہونے والی پامالیوں پر توجہ دینے کا اہم پلیٹ فارم ہے۔
’پاکستان اس فورم پر بھارت کے زیرِ قبضہ جموں و کشمیر میں انسانی حقوق کی سنگین خلاف ورزیوں کو اجاگر کرتا رہے گا، اسی طرح وہ فلسطینی عوام کے خلاف جاری مظالم کی جانب بھی عالمی توجہ مبذول کرائے گا۔‘
مزید پڑھیں:
اقوامِ متحدہ کی انسانی حقوق کونسل کا صدر دفتر جنیوا میں واقع ہے اور اس کے 47 رکن ممالک ہیں۔
کونسل دنیا بھر میں انسانی حقوق کے فروغ اور ان کے تحفظ کے لیے موضوعاتی امور اور ہنگامی صورتحال پر کام کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اقوام متحدہ انسانی حقوق انسانی حقوق کونسل جموں و کشمیر جنرل اسمبلی دفتر خارجہذریعہ: WE News
کلیدی لفظ: اقوام متحدہ انسانی حقوق کونسل جنرل اسمبلی دفتر خارجہ انسانی حقوق کونسل انسانی حقوق کو پاکستان کو متحدہ کی حقوق کے کے فروغ کے لیے
پڑھیں:
وزیراعظم کی سیکریٹری جنرل اقوام متحدہ، سعودی وزیر خارجہ سمیت عالمی رہنماؤں سے ملاقاتیں
وزیراعظم پاکستان شہباز شریف کی شرم الشیخ میں منعقدہ امن سربراہ اجلاس کے موقع پر عالمی رہنماؤں سے ملاقاتیں ہوئی ہیں۔
وزیرِاعظم محمد شہباز شریف کی شرم الشیخ میں منعقدہ امن سربراہ اجلاس کے موقع پر عالمی رہنماؤں سے ملاقاتیں
وزیرِ اعظم کی آذربائیجان کے صدر الہام علیئیف سے ملاقات. ملاقات میں دونوں رہنماؤں کا غزہ میں جنگ بندی پر اطمینان کا اظہار. اس موقع پر آرمینیاء کے وزیرِ اعظم نکول پاشنیان بھی… pic.twitter.com/rjw2PcOH22
— PTV News (@PTVNewsOfficial) October 13, 2025
وزیراعظم کی اقوام متحدہ کے سیکریٹری جنرل انتونیو گوتریس، آذربائیجان کے صدر الہام علیئیف سے ملاقات ہوئی۔ اس موقع پر غزہ میں جنگ بندی پر اطمینان کا اظہار کیا گیا۔ آرمینیا کے وزیراعظم نکول پاشنیان بھی ملاقات و گفتگو میں شریک ہوئے۔
اس کے علاوہ وزیراعظم کی اردن کے فرمانروا شاہ عبداللہ دوئم، بحرین کے شاہ حمد بن عیسیٰ الخلیفہ سے بھی ملاقات ہوئی۔
وزیراعظم شہباز شریف کی انڈونیشیا کے صدر پربوو صوبیانتو، جرمن چانسلر فریڈرک مرز، اسپین کے وزیراعظم پیڈرو سانچیز، اٹلی کی وزیراعظم جیورجیا میلونی اور سعودی عرب کے وزیرِ خارجہ شہزادہ فیصل بن فرحان آل سعود سے بھی ملاقات ہوئی۔
ملاقاتوں میں خطے میں امن کے لیے اقدامات پر تبادلہ خیال کیا گیا۔ اس سے قبل وزیراعظم شہباز شریف کی فلسطینی صدر محمود عباس سے بھیی ملاقات ہوئی، جس میں غزہ امن معاہدے پر بات چیت کی گئی۔
یہ بھی پڑھیں: وزیراعظم کی فلسطینی صدر محمود عباس سے ملاقات، غزہ جنگ بندی پر اظہار اطمینان
وزیراعظم نے ملاقاتوں میں اس عزم کا اعادہ کیاکہ فلسطین کے عوام کے ساتھ پاکستان کی جانب سے یکجہتی اور ان کی سفارتی و اخلاقی مدد جاری رکھی جائےگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews شہباز شریف ملاقاتیں وزیراعظم پاکستان وی نیوز
وزیر اعلیٰ خیبرپختونخوا کے عہدے سے ہٹائے جانے کے فیصلے کی خبروں کے بعد علی امین گنڈا پور کا ردعمل سامنے آگیا