باجوڑ: رکنِ قومی اسمبلی مبارک زیب کے گھر پر پھر دستی بم حملہ
اشاعت کی تاریخ: 15th, October 2025 GMT
رکنِ قومی اسمبلی مبارک زیب—فائل فوٹو
باجوڑ میں رکنِ قومی اسمبلی مبارک زیب کے گھر پر دستی بم حملہ ہوا ہے۔
باجوڑ پولیس کے مطابق دستی بم پھٹنے سے گاڑی کو نقصان ہوا ہے، تاہم جانی نقصان نہیں ہوا۔
باجوڑ پولیس نے بتایا ہے کہ مبارک زیب کے گھر پر یہ تیسرا حملہ ہے۔
یہ بھی پڑھیے باجوڑ: وزیراعظم کے معاون خصوصی مبارک زیب خان کے گھر پر راکٹ حملہ باجوڑ: ایم این اے مبارک زیب کے گھر کے قریب دھماکا، گھر کا گیٹ تباہوزیرِ اعظم شہباز شریف نے باجوڑ میں ایم این اے مبارک زیب کے گھر پر دستی بم حملے کی شدید مذمت کی ہے۔
وزیر ِاعظم شہباز شریف نے رکنِ قومی اسمبلی مبارک زیب سے دلی ہمدردی کا اظہار کیا ہے اور حملے میں کسی بھی قسم کے جانی نقصان نہ ہونے پر اللّٰہ تعالیٰ کا شکر ادا کیا ہے۔
وزیر ِاعظم شہباز شریف نے واقعے کی فوری تحقیقات کرنے اور حملہ آوروں کو گرفتار کرنے کی ہدایت کی ہے۔
.ذریعہ: Jang News
کلیدی لفظ: قومی اسمبلی مبارک زیب مبارک زیب کے گھر پر دستی بم
پڑھیں:
وزیرِ اعظم شہباز شریف کی صدر آصف زرداری سے ملاقات
وزیرِ اعظم شہباز شریف کی صدرِ مملکت آصف زرداری سے ملاقات—فائل فوٹووزیرِ اعظم شہباز شریف کی صدرِ مملکت آصف زرداری سے ایوانِ صدر میں ملاقات ہوئی ہے۔
ترجمان ایوانِ صدر کے مطابق ملاقات میں نائب وزیرِ اعظم اسحاق ڈار، وزیرِ داخلہ محسن نقوی، وفاقی وزیر احسن اقبال، رانا ثناء اللّٰہ، رانا تنویر حسین، اعظم نذیر تارڑ، سلیم مانڈوی والا، شیری رحمٰن اور نیر حسین بخاری بھی شریک ہوئے۔
ملاقات کے دوران قومی اہمیت، موجودہ سیاسی اور سیکیورٹی صورتِ حال سے متعلق امور، پاکستان کے اسٹرٹیجک معاشی مفادات کو متاثر کرنے والی حالیہ علاقائی اور بین الاقوامی پیش رفت کا جائزہ لیا گیا۔
وزیرِ اعظم شہباز شریف وفاقی دارالحکومت اسلام آباد میں ایوانِ صدر پہنچ گئے۔
وزیرِ اعظم شہباز شریف نے صدرِ مملکت آصف زرداری کو حالیہ دورۂ مصر اور ملائیشیا، غزہ میں امن کی کوششوں اور عالمی رہنماؤں سے ملاقات سے آگاہ کیا۔
صدرِ مملکت اور وزیرِ اعظم کی ون آن ون ملاقات میں اہم قومی ترجیحات، حکومتی پالیسیوں کی مجموعی سمت پر تبادلۂ خیال کیا گیا۔
اس موقع پر صدرِ مملکت آصف زرداری اور وزیرِ اعظم شہباز شریف نے قومی اہمیت کے امور پر سیاسی مشاورت جاری رکھنے پر اتفاق کیا۔
بریگیڈیئر (ر) راشد نصیر نے یوٹیوبر عادل راجہ کیخلاف لندن ہائیکورٹ میں ہتک عزت کا مقدمہ جیت لیا