غزہ میں حماس کی پوزیشن مستحکم ہونے پر تل ابیب کو تشویش
اشاعت کی تاریخ: 17th, October 2025 GMT
اسلام ٹائمز: امریکہ اور مشرق وسطیٰ کے ممالک جنگ کے بعد کے دور میں غزہ پر حکومت کرنے کے لیے "فلسطینی ٹیکنوکریٹس کی ایک کمیٹی" بنانے کی کوشش کر رہے ہیں۔ ایک یورپی سفارت کار نے بتایا کہ قیدیوں کی رہائی کو ترجیح دینے اور غزہ میں حکمرانی کے معاملے کو طول دینے کے امریکی فیصلے سے حماس کو دوبارہ منظم ہونے کا موقع ملتا ہے۔ اسلام ٹائمز۔ صیہونی اخبار ٹائمز آف اسرائیل نے رپورٹ کیا ہے کہ اسرائیلی حکام اس امکان کے بارے میں فکر مند ہیں کہ غزہ پر حماس کا کنٹرول صیہونی حکومت کے فوجی انخلاء کے نتیجے میں دوبارہ مضبوط ہو جائے گا۔ اخبار کے مطابق جنگ کے بعد غزہ پر حکومت کرنے کے لیے فلسطینی ماہرین کی کمیٹی کی تشکیل میں تاخیر نے حماس کو غزہ کی پٹی پر دوبارہ کنٹرول حاصل کرنے کا وقت دیا ہے۔ یہ صورتحال وسطی غزہ سے اسرائیلی افواج کے انخلاء کے بعد پیش آئی اور اس کے نتیجے میں طاقت کے خلا کا فائدہ حماس کو ہوا ہے۔
ٹائمز آف اسرائیل اخبار نے باخبر ذرائع کے حوالے سے اطلاع دی ہے کہ امریکہ اور مشرق وسطیٰ کے ممالک جنگ کے بعد کے دور میں غزہ پر حکومت کرنے کے لیے "فلسطینی ٹیکنوکریٹس کی ایک کمیٹی" بنانے کی کوشش کر رہے ہیں۔ ایک یورپی سفارت کار نے بتایا کہ قیدیوں کی رہائی کو ترجیح دینے اور غزہ میں حکمرانی کے معاملے کو طول دینے کے امریکی فیصلے سے حماس کو دوبارہ منظم ہونے کا موقع ملتا ہے۔
ٹائمز آف اسرائیل نے لکھا ہے کہ امریکہ اور مصر، قطر اور ترکی جیسے علاقائی ثالث فلسطینی ٹیکنوکریٹس کی ایک عبوری کمیٹی تشکیل دینے کی کوشش کر رہے ہیں تاکہ غزہ کی روزمرہ معاملات کو سنبھال سکیں۔ یہ کمیٹی امریکی صدر ڈونلڈ ٹرمپ کی سربراہی میں "امن کمیشن" نامی گروپ کی نگرانی میں کام کرے گی۔ اس منصوبے کی قیادت امریکی خصوصی ایلچی اسٹیو وائٹیکر، ٹرمپ کے داماد جیرڈ کشنر اور سابق برطانوی وزیراعظم ٹونی بلیئر کررہے ہیں۔ بلیئر مختلف جماعتوں سے بات چیت کے لیے خطے کے ممالک کا دورہ کر رہے ہیں۔
اخبار کے مطابق مصر سے لے کر سعودی عرب، متحدہ عرب امارات، قطر اور ترکی تک بہت سے ممالک کمیٹی کے ارکان کے انتخاب میں اپنا کردار ادا کرنا چاہتے ہیں۔ کمیٹی کے ارکان میں 12 سے 16 افراد کا امکان ہے۔ امن کمیشن میں عالمی رہنماؤں کی جانب سے بھی 6 سے 8 ارکان کی شمولیت متوقع ہے تاہم ابھی تک اس کے ارکان کا تعین نہیں کیا گیا۔ کمیٹی اور امن کمیشن کے ارکان کی فہرست کو خطے میں متعدد حکومتوں کی منظوری کی ضرورت کی وجہ سے مشکلات کا سامنا ہے، جن میں سے ہر ایک غزہ جنگ کے بعد کے دور میں مختلف مقاصد کا تعاقب کرتی ہے۔
ٹائمز آف اسرائیل نے خدشہ ظاہر کیا ہے کہ جنگ بندی کی نزاکت اور غزہ کی تعمیر نو کے لیے خلیج فارس کے ممالک سے سرمایہ کاری کی ضرورت کے پیش نظر فلسطینی عبوری حکومت کی تشکیل میں کسی قسم کی تاخیر سے حماس کی پوزیشن مضبوط ہو جائے گی۔ بہت سے بین الاقوامی ذرائع ابلاغ نے حالیہ دنوں میں اس بات پر زور دیا ہے کہ غزہ میں ٹرمپ کے منصوبے کے پہلے مرحلے کو آگے بڑھانا اس منصوبے کا سب سے آسان حصہ تھا۔
ٹرمپ پلان کے پہلے مرحلے میں غزہ سے اسرائیلی قیدیوں کی رہائی اور اگلے مراحل کے لیے مذاکرات کے لیے جنگ بندی کا فیصلہ کیا گیا۔ چند روز قبل ڈونلڈ ٹرمپ نے اس بات پر زور دیا تھا کہ حماس کو غیر مسلح کرنا ہوگا اور اگر وہ اسے قبول نہیں کرتے ہیں تو یہ ’فوجیکارروائی‘ کا سہارا لے کر کیا جائیگا۔ اپنی تقریر کے ایک اور حصے میں، انھوں نے دعویٰ کیا کہ انھوں نے حماس سے بات کی تھی اور انھیں کہا تھا کہ "جی جناب! ہم غیر مسلح ہو جائیں گے۔"
ٹرمپ کے دعوے کے برعکس، حماس نے بارہا کہا ہے کہ اس نے غزہ میں جنگ بندی کے لیے ٹرمپ کے منصوبے کے حصے کے طور پر غیر مسلح ہونے کے کسی مطالبے سے اتفاق نہیں کیا ہے۔ ٹرمپ کی تقریر کے چند منٹ بعد، اسلامی جہاد تحریک، جو کہ غزہ کی مزاحمتی تحریکوں میں سے ایک ہے، انہوں نے ایک بیان جاری کیا جس میں ان کے دعوؤں کی تردید کی گئی اور اس بات پر زور دیا گیا کہ مزاحمتی گروپوں نے غیر مسلح ہونا "قبول نہیں کیا ہے اور نہ ہی قبول کریں گے"۔
ذریعہ
ذریعہ: Islam Times
کلیدی لفظ: ٹائمز آف اسرائیل جنگ کے بعد کر رہے ہیں کے ارکان کے ممالک حماس کو ٹرمپ کے کے لیے غزہ کی کہ غزہ کیا ہے
پڑھیں:
کفایت شعاری اقدامات میں بڑا ریلیف ؛ مارکیٹوں کے اوقات کار میں توسیع
سٹی 42: کفایت شعاری اقدامات میں نائب وزیر اعظم نے مارکیٹوں کے اوقات کار بڑھا کر بڑا ریلیف دےدیا
ترجمان دفتر خارجہ کے مطابقنائب وزیرِ اعظم اسحاق ڈار نے آج وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کے اجلاس کی صدارت کی
کمیٹی نے جاری کفایت شعاری اقدامات کا جائزہ لیا ۔کمیٹی نے مارکیٹوں کے اوقاتِ کار، دن کے اوقات میں اضافے اور گرمیوں کے بلند درجۂ حرارت کو مدنظر رکھتے ہوئے کاروبار بند کرنے کے اوقات میں توسیع کا فیصلہ کیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
کمیٹی کے فیصلے کے مطابق دکانیں، بازار، شاپنگ مالز اور عمومی ریٹیل کاروبار رات 9:00 بجے تک کھلے رہیں گے۔کمیٹی کے فیصلے کے مطابق ریستوران، کیفے اور کھانے پینے کے مراکز رات 11:00 بجے تک کھلے رہیں گے۔
تاہم ٹیک اوے اور ڈیلیوری سروسز ان اوقات کار سے مستثنیٰ ہوں گی۔شادی ہالز اور تقریبات کے مقامات رات 10:00 بجے تک کھلے رہیں گے۔ضروری خدمات بشمول فارمیسی، ہسپتال، پٹرول پمپس، آئی ٹی اور ٹیلی کام سے متعلق خدمات کو بھی مستثنیٰ قرار دیا گیا ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ رابطے میں رہتے ہوئے ان ہدایات پر مؤثر عملدرآمد کو یقینی بنائیں۔کمیٹی نے ایجنڈے میں شامل دیگر معاملات اور کیسز پر بھی غور کیا اور ان کی منظوری دی۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات، اور آئی ٹی و ٹیلی کام شریک ہوئے۔اجلاس میں وزیرِ اعظم کے معاونِ خصوصی برائے خزانہ؛ نائب وزیرِ اعظم کے معاونِ خصوصی بھی موجود تھے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
سیکریٹریز تجارت، کابینہ، پیٹرولیم، اور آئی ٹی و ٹیلی کمیونیکیشنز؛ نیز صوبائی حکومتوں کے سینئر حکام نے بھی اجلاس میں شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ