حنظلہ نامی ہیکرز نے اسرائیلی فوج کے 17 سینئر سائنسدانوں کی معلومات لیک کردیں
اشاعت کی تاریخ: 19th, October 2025 GMT
اپنے ایک جاری بیان میں حنظلہ کا کہنا تھا کہ یہ افراد، ہتھیاروں کے پیچھے وہ مائنڈ سیٹ ہیں جنہوں نے لاتعداد جنگوں میں معصوم شہریوں پر خوف، مصائب اور موت مسلط کی ہے۔ اسلام ٹائمز۔ گزشتہ دنوں حنظلہ نامی ہیکرز نے اعلان کیا کہ وہ ہر ہفتے اپنی سرجیکل اسٹرائیک کے ذریعے ظلم کے نظام کو تہس نہس کر دیں گے۔ اسی سلسلے میں رواں ہفتے مذکورہ گروہ نے ایک پیغام جاری کیا، جس میں ناقابل بیان انکشاف کیا گیا۔ حنظلہ نے کہا کہ آج ہم پہلی بار 17 سینئر فوجی سائنسدانوں کی شناخت اور انتہائی خفیہ ذاتی تفصیلات جاری کر رہے ہیں۔ یہ وہ مرد و خواتین ہیں جو صیہونی جنگی مشین کا دماغ ہیں۔ یہ افراد محض گمنام نہیں بلکہ تباہی کے معمار ہیں۔ یہ افراد، ہتھیاروں کے پیچھے وہ مائنڈ سیٹ ہیں جنہوں نے لاتعداد جنگوں میں معصوم شہریوں پر خوف، مصائب اور موت مسلط کی ہے۔
حنظلہ ہیکروں نے زور دیا کہ آج کے بعد، اِن میں سے کوئی بھی آزادانہ نقل و حرکت نہیں کر سکے گا، نہ ہی اپنی لیبارٹریوں میں اور نہ ہی اپنے گھروں میں۔ اب دنیا جانتی ہے کہ آپ کون ہیں اور آپ نے کیا کیا ہے؟!۔ ہمارے دوست اور حامی، تصور سے بھی زیادہ آپ کے قریب ہیں۔ اب آپ اپنے عہدوں یا محافظوں کے پیچھے نہیں چھپ سکتے۔ انسانیت کے خلاف آپ کے جرائم کے حساب کتاب کا خواب شرمندہ تعبیر ہونے کو ہے۔ کہا جا رہا ہے کہ گزشتہ ہفتے بھی اسی گروہ نے 15 مجرم صیہونی افسران کی تفصیلات جاری کیں تھیں۔
ذریعہ: Islam Times
پڑھیں:
اعلان کر رہا ہوں عاصم منیر چیف آف ڈیفنس فورسز ہیں، ہماری مرضی جب چاہیں نوٹیفکیشن کا اعلان کردیں، حنیف عباسی
اسلام آباد (ڈیلی پاکستان آن لائن) وفاقی وزیر ریلوے حنیف عباسی نے کہا کہ وہ یہ اعلان کر رہے ہیں کہ فیلڈ مارشل عاصم منیر ’’چیف آف ڈیفنس فورسز‘‘ ہیں، اور اُن کے مطابق جنرل عاصم منیر فیلڈ مارشل بھی ہیں، جس کا ذکر وہ دو دن پہلے کر چکے ہیں۔
نجی ٹی وی اے آر وائی نیوز سے گفتگو میں انہوں نے کہا کہ ممکن ہے نوٹیفکیشن جاری ہو بھی چکا ہو، حکومت جب مناسب سمجھے اعلان کر دے گی۔ ان کے مطابق فیلڈ مارشل کے منصب کے ذریعے اللہ نے پاکستان کو جو عزت دی ہے وہ بے مثال ہے، اور بھارت کے طیارے گرانے کا اقدام دنیا تسلیم کرتی ہے۔
سعودی عرب کی ثالثی میں پاک افغان خفیہ مذاکرات کا پہلا دور بغیر کسی پیشرفت کے ختم ہوگیا
پی ٹی آئی پر تنقید کرتے ہوئے حنیف عباسی نے کہا کہ ان کی امیدیں ’’بلی کے خواب میں چھیچھڑے‘‘ جیسی ہیں۔ وہ کہتے ہیں کہ انہوں نے جیلیں ضرور کاٹی ہیں لیکن کبھی ریاست کے خلاف سازش نہیں کی۔ آرمی چیف کی تعیناتی کے وقت کس نے لانگ مارچ اور دباؤ ڈالا تھا، یہ سب تاریخ کا حصہ ہے، مگر اس سب کے باوجود عاصم منیر ہی آرمی چیف بنے۔
انہوں نے مزید کہا کہ خواجہ آصف کو جنرل قمر جاوید باجوہ پر بات نہیں کرنی چاہیے کیونکہ وہ خود بھی اُن سے فائدہ اٹھا چکے ہیں۔ جو شخص اپنا فائدہ بھول جائے، وہ موجودہ حکومت کے بارے میں بھی ایسے ہی بیانات دے گا۔ حنیف عباسی نے کھل کر کہا کہ ان کی خواجہ آصف سے بول چال بند ہے اور وہ ایسا تعلق نہیں رکھنا چاہتے۔
لاہور میں نوجوان کے اغوا اور قتل کا ڈراپ سین، مقتول کا قریبی دوست ریٹائرڈ اسسٹنٹ سپرنٹنڈنٹ جیل گرفتار
انہوں نے وضاحت کی کہ شہباز شریف کے پاس بے شمار انتظامی ذمہ داریاں ہیں، وہ کسی کی صلح کرانے نہیں بیٹھے۔ اسحاق ڈار کے ساتھ ان کا ’’روحانی تعلق‘‘ ہے اور وہ انہیں پیر صاحب کہتے ہیں، مگر ڈار نے کبھی خواجہ آصف کے خلاف بولنے کا نہیں کہا۔
مولانا فضل الرحمان کے بارے میں ان کا کہنا تھا کہ وہ قابلِ احترام ہیں، مگر مریم نواز سے متعلق اُن کی رائے درست نہیں تھی۔ اگر وہ مریم نواز کو بیٹی کہتے ہیں تو پھر بیٹی کے بارے میں ایسی بات نہیں کرنی چاہیے۔
انہوں نے کہا کہ جب فیض حمید طاقت میں تھے تو انہیں لگتا تھا کہ کوئی اُنہیں نہیں دیکھ رہا، حالانکہ ان کی سرگرمیوں کی ریکارڈنگ ہو رہی تھی۔ دشمن تو چاہتا تھا کہ ادارے تقسیم ہوں، لیکن اگر اندر سے کوئی ایسی حرکت کرے تو پھر پکڑا ہی جاتا ہے۔
ایڈز کے مریض نفرت نہیں، ہمدردی کے حقدار ہیں: وزیر اعلیٰ مریم نواز
مزید :
عوام کے ٹیکس کے پیسے سے فلیٹ اور جزیرے خریدے جارہے ہیں، سہیل آفریدی