بلاول زرداری سے محسن نقوی کی ملاقات‘ملکی سیاسی صورتحال پر گفتگو
اشاعت کی تاریخ: 21st, October 2025 GMT
data-id="863a0a8" data-element_type="widget" data-widget_type="theme-post-content.default">
251021-08-17
کراچی (اسٹاف رپورٹر) وفاقی وزیر داخلہ محسن نقوی نے پیپلز پارٹی کے چیئرمین بلاول زرداری سے بلاول ہائوس کراچی میں ملاقات کی۔ جس میں ملک میں امن و امان کی صورتحال اور سیاسی معاملات پر تفصیلی تبادلہ خیا ل کیا گیا۔ذرائع کا کہنا ہے کہ دونوں رہنماؤں کے مابین حالیہ دنوں میں پنجاب میں پیدا ہونے والی صورت حال اور حکومتی کارروائی پرگفتگو ہوئی۔ بات چیت میںافغان مہاجرین کے سندھ سے انخلا سے متعلق معاملات اور حکمت عملی بھی زیر غور آئی۔دوران گفتگو وزیرداخلہ نے بلاول زرداری سے کہا کہ پیپلز پارٹی موجودہ حکومت کی اہم اتحادی جماعت ہے، وفاقی حکومت اسے اعتماد میں لے کر قومی پالیسیاں تشکیل دے گی۔ملاقات کے دوران وفاقی حکومت اور سندھ حکومت کے درمیان امن و امان کے قیام اور دہشت گردی کے مسئلے سے نمٹنے کے لیے قریبی تعاون کے طریقوں پر غورکیا گیا۔اس موقع پر اس توقع کا بھی اظہار کیا گیا کہ مسلم لیگ (ن ) اور پیپلزپارٹی کی اعلیٰ قیادت کے مابین حالیہ رابطوں کے ذریعے بہت سی غلط فہمیوں کا ازالہ ممکن ہو سکے گا۔دریں اثنا بلاول زرداری سے سندھ میں امور بلدیات کے وزیر ناصر حسین شاہ نے بھی ملاقات کی۔ جس میں انہوں نے صوبے میں جاری ترقیاتی منصوبوں سے متعلق بریفنگ دی۔ بلاول زرداری نے ہدایت کی کہ سالڈ ویسٹ منیجمنٹ کی کارکردگی کو مزید بہتر کرتے ہوئے ادارے کے دائرہ کار کو بڑھایا جائے۔بلاول زرداری سے سندھ میں محنت و افرادی قوت کے محکموں کے وزیر سعید غنی نے بھی ملاقات کی، جہاں مزدوروں، کسانوں کے حوالے سے فلاحی اقدامات سے متعلق آگاہ کیا۔ بلاول زرداری سے پی پی پی گلگت بلتستان کے صدر امجد ایڈووکیٹ نے بھی ملاقات کی، جس میں گلگت بلتستان کی سیاسی اور انتظامی صورت حال پر بات چیت ہوئی۔ اس موقع پر پارٹی چیئرمین بلاول زرداری کو امجد ایڈووکیٹ نے گلگت بلتستان میں امن وامان کی صورت حال پر بھی بریفنگ دی۔
ذریعہ
ذریعہ: Jasarat News
کلیدی لفظ: بلاول زرداری سے ملاقات کی
پڑھیں:
خیبر پختونخوا، گلگت بلتستان، پنجاب اور کشمیر میں تیز بارشوں کی پیشگوئی، لینڈ سلائیڈنگ کا خدشہ
محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ اسلام ٹائمز۔ آئندہ چوبیس گھنٹوں کے دوران موسلادھار بارشوں کے سبب خیبر پختونخوا، گلگت بلتستان، مری، گلیات اور کشمیر کے پہاڑی علاقوں میں لینڈ سلائیڈنگ کا خدشہ ہے۔ محکمہ موسمیات نے اس حوالے سے انتباہ جاری کردیا جس میں کہا ہے کہ آئندہ چوبیس گھنٹوں کے دوران کشمیر، مری، گلیات، شمال مشرقی پنجاب، اسلام آباد، خیبر پختونخوا، گلگت بلتستان، ڈیرہ غازی خان کے پہاڑی ندی نالوں اور شمال مشرقی بلوچستان کے مقامی/ بر ساتی ندی نالوں میں طغیانی کا خدشہ ہے۔ محکمہ موسمیات کے مطابق موسلادھار بارشوں کے باعث اسلام آباد/راولپنڈی، پشاور، نوشہرہ، گجرات، گوجرانوالہ، لاہور، سیالکوٹ، ساہیوال، خانیوال، ملتان اور فیصل آباد میں نشیبی علاقے زیر آب آنے کا خدشہ ہے۔ موسلادھار بارش، تیز آندھی اور آسمانی بجلی گرنے کے باعث کمزور تعمیرات (سولر پینلز، بجلی کے کھمبے، بل بورڈز وغیرہ) کو نقصان پہنچنے کا خدشہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار