اقتصادی رابطہ کمیٹی نے سونے کی شفاف نظام کے ساتھ عالمی تجارت کی منظوری دیدی
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: کابینہ کی اقتصادی رابطہ کمیٹی (ای سی سی) نے اہم اجلاس میں ملکی و بین الاقوامی تجارت سے متعلق بڑے فیصلے کرلیے۔
نجی ٹی وی کی رپورٹ کے مطابق ای سی سی نے سونے کی بین الاقوامی تجارت بحال کرنے کی منظوری دے دی ہے۔ وزیر خزانہ محمد اورنگزیب کی زیر صدارت اجلاس میں نہ صرف قیمتی دھاتوں اور زیورات کی درآمد و برآمد کے نظام کو جدید خطوط پر استوار کرنے کا فیصلہ کیا گیا بلکہ مختلف وزارتوں کے لیے تکنیکی ضمنی گرانٹس کی منظوری بھی دی گئی۔
اجلاس میں وزارتِ تجارت کی سفارش پر فیصلہ کیا گیا کہ سونا، قیمتی دھاتیں اور زیورات کی تجارت ایک خودکار اور شفاف فریم ورک کے تحت دوبارہ شروع کی جائے گی تاکہ غیرقانونی لین دین اور اسمگلنگ کے امکانات کو ختم کیا جا سکے۔
اس پالیسی کے تحت ’’اینٹرسٹمنٹ‘‘ اور ’’کنسائنمنٹ‘‘ اسکیموں کے ذریعے زیورات کی برآمد کا سلسلہ دوبارہ شروع کیا جائے گا، جس کی توثیق وفاقی کابینہ کرے گی۔
اجلاس کے دوران وزارتِ تجارت نے گاڑیوں کی درآمد سے متعلق نئی پالیسی کی تجاویز بھی پیش کیں، جن کے مطابق صرف وہی گاڑیاں درآمد کی جائیں جن کا خریدار اسی ملک میں مقیم ہو جہاں سے گاڑی بھیجی جا رہی ہو, تاہم ایف بی آر نے اس تجویز پر اعتراض کرتے ہوئے کہا کہ اس سے زیادہ تر پاکستانیوں کے لیے گاڑیاں درآمد کرنا مشکل ہو جائے گا، کیونکہ وہ بائیں ہاتھ سے چلنے والی گاڑیوں والے ممالک میں مقیم ہیں۔
بعد ازاں ای سی سی نے اس معاملے پر مزید مشاورت کی ہدایت دی تاکہ حتمی پالیسی دوبارہ پیش کی جا سکے۔
اجلاس میں وزارتِ صنعت نے ’’تحفہ‘‘ اور ’’ذاتی سامان‘‘ اسکیموں کے خاتمے جب کہ ’’رہائش کی منتقلی‘‘ اسکیم برقرار رکھنے کی تجویز پیش کی، تاہم وزارتِ تجارت نے تینوں اسکیموں کو برقرار رکھتے ہوئے ان کے غلط استعمال کو روکنے کے لیے سخت شرائط کی سفارش کی، جن میں کم از کم تین سال بیرون ملک قیام، ایک سال تک گاڑی کی عدم منتقلی اور بیرون ملک رجسٹریشن کی لازمی شرط شامل تھی۔
علاوہ ازیں اجلاس میں وزارتِ دفاعی پیداوار، وزارتِ داخلہ اور الیکشن کمیشن سمیت متعدد اداروں کے لیے مجموعی طور پر اربوں روپے کی ضمنی گرانٹس کی منظوری دی گئی۔ ان میں پاکستان نیوی کے میرین سائنس اینڈ ٹیکنالوجی پارک کے قیام، رینجرز کے ہیلی کاپٹر کی مرمت، الیکشن کمیشن کے بلدیاتی انتخابات کے اخراجات اور پاکستان منٹ کالونی میں بجلی میٹرز کی تنصیب کے لیے فنڈز شامل ہیں۔
اجلاس کے دوران وزارتِ منصوبہ بندی کے چیف اکانومسٹ ڈاکٹر امتیاز احمد نے بتایا کہ حالیہ سیلابوں سے زرعی پیداوار اور مویشیوں کے نقصانات کے باعث ستمبر 2025 میں مہنگائی 5.
ذریعہ: Jasarat News
کلیدی لفظ: کی منظوری اجلاس میں کے لیے
پڑھیں:
سونے کی قیمت 19 ڈالر کی کمی ریکارڈ
عالمی مارکیٹ میں کمی کے بعد پاکستان میں فی تولہ سونے کی قیمت بھی 1 ہزار 900 روپے کی کمی سے 4 لاکھ 41 ہزار 862 روپے کی سطح پر آگئی۔ اسلام ٹائمز۔ عالمی اور پاکستانی مارکیٹوں میں سونے کی قیمتوں میں کمی ریکارڈ کی گئی۔ بین الاقوامی بلین مارکیٹ میں فی اونس سونے کی قیمت 19 ڈالر کی کمی سے 4 ہزار 195 ڈالر کی سطح پر آگئی۔ عالمی مارکیٹ میں کمی کے بعد ملک میں فی تولہ سونے کی قیمت بھی 1 ہزار 900 روپے کی کمی سے 4 لاکھ 41 ہزار 862 روپے کی سطح پر آگئی۔ اس کے علاوہ فی دس گرام سونے کی قیمت 1 ہزار 629 روپے گھٹ کر 3 لاکھ 78 ہزار 825 روپے کی سطح پر آگئی، تاہم اسکے برعکس فی تولہ چاندی کی قیمت بغیر کسی تبدیلی کے 6 ہزار 102 روپے اور فی دس گرام چاندی کی قیمت بھی بغیر کسی تبدیلی کے 5 ہزار 231 روپے کی سطح پر مستحکم رہی۔
سبزی میں پائی جانے والی پھلیوں کے صحت کے لیے حیرت انگیز فوائد