سپریم کورٹ کی عوام دوست عدالتی اصلاحات پر پیش رفت رپورٹ جاری
اشاعت کی تاریخ: 25th, October 2025 GMT
سپریم کورٹ نے عوام دوست عدالتی اصلاحات پر تازہ پیش رفت رپورٹ جاری کی ہے، جس میں بتایا گیا ہے کہ جہیز سے متعلق فیملی قوانین میں اصلاحات کی جا رہی ہیں اور نئی اصلاحات کے تحت 24 ہزار 98 تصدیق شدہ فیصلے جاری کیے گئے ہیں۔
رپورٹ کے مطابق ان اصلاحات کا مقصد عدالتی نظام میں شفافیت، کارکردگی اور عوامی رسائی کو بہتر بنانا ہے۔ اہم اقدامات میں مقدمات کا ڈیجیٹل نظام، ای فائلنگ، آن لائن کاز لسٹ، اور حقیقی وقت میں مقدمات کی ٹریکنگ شامل ہیں، جس سے عوام کو انصاف تک آسان رسائی ممکن ہو رہی ہے۔
یہ بھی پڑھیں: عدالتی اصلاحات کے ثمرات ، سپریم کورٹ میں زیرِ التوا مقدمات میں نمایاں کمی
نئی اصلاحات کے تحت 7 ہزار 242 الیکٹرنک بیان حلفی جمع کرائے گئے، 16 ہزار 334 درخواستیں ای فائلنگ کے ذریعے دائر ہوئیں، 54 ہزار 473 فیصلے ڈیجیٹائز کیے گئے، اور 8 ہزار 735 فیصلوں میں کیو آر کوڈ شامل کیا گیا۔
رپورٹ میں مزید بتایا گیا کہ اصلاحات کے دائرہ کار میں جوڈیشل ڈیش بورڈ، سپریم کورٹ رولز 2025، ججز کوڈ آف کنڈکٹ، آن لائن فیڈ بیک سسٹم، اینٹی کرپشن ہاٹ لائن، عوامی سہولت مرکز اور سمندر پار پاکستانیوں کے لیے سہولت سیل کے قیام جیسے اقدامات شامل ہیں۔
سپریم کورٹ نے یہ بھی بتایا کہ سپریم جوڈیشل کونسل کا سیکریٹریٹ قائم کیا گیا ہے اور نئے رولز نوٹیفائی کیے گئے ہیں۔ سپریم جوڈیشل کونسل نے اپنے چار اجلاسوں میں 130 شکایات نمٹا دی ہیں۔ اسی طرح جوڈیشل کمیشن سیکریٹریٹ قائم کیا گیا اور ججوں کی تعیناتی کے لیے جوڈیشل کمیشن رولز 2024 نوٹیفائی کیے گئے۔
عدالتی اصلاحات کے تحت لاہور، سندھ، پشاور، بلوچستان اور اسلام آباد ہائی کورٹ میں ججوں کی تعیناتیاں کی گئی ہیں، اور نومبر 2024 سے اب تک جوڈیشل کمیشن کے 31 اجلاسوں میں 53 جج تعینات کیے جا چکے ہیں۔
رپورٹ میں بتایا گیا کہ جسٹس ڈیولپمنٹ فنڈ کے ذریعے 2026 تک تمام اضلاع میں سولرائزیشن، ای لائبریریاں، خواتین کے لیے خصوصی سہولیات اور واٹر فلٹریشن پلانٹس فراہم کیے جائیں گے۔
اعلامیے کے مطابق فیملی لا ریفارمز کے تحت نکاح نامے میں جہیز کا کالم شامل کرنے، غیر رجسٹرڈ شادیوں پر جرمانے اور مقدمات کی اسلام آباد منتقلی جیسے اقدامات کیے جا رہے ہیں۔
یہ بھی پڑھیں: سپریم کورٹ کا تاریخی فیصلہ، ماورائے عدالت حراستی قتل ’فساد فی الارض‘ قرار
مزید براں عدالتی اصلاحات کے تحت اب تک 23 ججز ٹریننگز، تین کورٹ اسٹاف ٹریننگز، پانچ بار ممبرز ٹریننگز اور 9 اسٹیک ہولڈر ٹریننگز کا انعقاد بھی کیا جا چکا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پیشرفت رپورٹ جاری سپریم کورٹ عدالتی اصلاحات وی نیوز.
ذریعہ
ذریعہ: WE News
کلیدی لفظ: پیشرفت رپورٹ جاری سپریم کورٹ عدالتی اصلاحات وی نیوز عدالتی اصلاحات اصلاحات کے تحت سپریم کورٹ کیے گئے کے لیے
پڑھیں:
سٹی کورٹ: ڈاکٹر آکاش قتل کیس میں تفتیش مکمل کر کے رپورٹ پیش کرنے کا حکم
کراچی کی سٹی کورٹ میں ڈاکٹر آکاش قتل کیس کی سماعت کے دوران عدالت نے پولیس کو مقدمے کی تفتیش مکمل کر کے رپورٹ پیش کرنے کا حکم جاری کر دیا۔
پولیس کے مطابق ایس آئی یو ویسٹ نے ڈاکٹر آکاش کے قتل میں ملوث ملزمان کے خلاف مزید کارروائی کرتے ہوئے تین افراد، سریش عرف ساگر، انیل اور رام چند کے قتل کا مقدمہ اسلم پہنور اور اس کے ساتھیوں کے خلاف درج کر لیا ہے۔ پولیس کا کہنا ہے کہ اسلم پہنور ایک ڈکیت گروہ کا سرغنہ ہے۔
پولیس کے مطابق ملزمان نے پولیس پارٹی پر فائرنگ کی، جس کے نتیجے میں زیر حراست تین ملزمان اور ایک ہیڈ کانسٹیبل زخمی ہو گئے۔ بعد ازاں زیر حراست تینوں ملزمان اپنے ہی ساتھیوں کی فائرنگ سے ہلاک ہو گئے، جبکہ زخمی ہیڈ کانسٹیبل کو اسپتال منتقل کر دیا گیا جہاں اس کا علاج جاری ہے۔
واضح رہے کہ ڈاکٹر آکاش کو بینک سے رقم لے کر جاتے ہوئے قتل کیا گیا تھا۔ پولیس نے اس کیس میں تین ملزمان کو گرفتار کیا تھا، جو دوران حراست ہلاک ہو گئے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم