سکردو، جشن آزادی گلگت بلتستان کے سلسلے میں تقریب

اشاعت کی تاریخ: 25th, October 2025 GMT

جشنِ آزادی گلگت بلتستان کے سلسلے میں گورنمنٹ گرلز ڈگری کالج سکردو میں ضلعی سطحی بین الکلیاتی تقریری، حُسنِ قرات اور کوئز مقابلے کا انعقاد کیا گیا۔ چھوٹی تصاویر تصاویر کی فہرست سلائیڈ شو

سکردو میں جشن آزادی گلگت بلتستان کے سلسلے میں تقریب گرلز ڈگری کالج میں ہوئی

اسلام ٹائمز۔ جشنِ آزادی گلگت بلتستان کے سلسلے میں گورنمنٹ گرلز ڈگری کالج سکردو میں ضلعی سطحی بین الکلیاتی تقریری، حُسنِ قرات اور کوئز مقابلے کا انعقاد کیا گیا۔ حکومتِ گلگت بلتستان، چیف سیکریٹری گلگت بلتستان ابرار احمد مرزا اور جی بی ایڈمنسٹریشن کی خصوصی ہدایات اور تعاون سے ڈیپارٹمنٹ آف ہائیر، ٹیکنیکل اینڈ اسپیشل ایجوکیشن گلگت بلتستان کے زیرِ اہتمام یکم نومبر-جشنِ آزادی گلگت بلتستان کے سلسلے میں جی بی کے کالجز کے طلباء و طالبات کے مابین مثالی ہم نصابی سرگرمیوں کا انعقاد جاری ہے۔ اس ضمن میں آج گورنمنٹ گرلز ڈگری کالج سکردو میں یومِ آزادیِ آزادی گلگت بلتستان کے حوالے سے سکریٹری ہائیر، ٹیکنیکل اینڈ سپیشل ایجوکیشن گلگت بلتستان فرید احمد کی خصوصی ہدایات اور زیرِ نگرانی ضلعی سطح کے بین الکلیاتی مقابلوں کا انعقاد کیا گیا۔

اس تقریب میں بلتستان بھر کے چھ کالجز گورنمنٹ گرلز ڈگری کالج سکردو، گورنمنٹ گرلز انٹر کالج گمبہ سکردو، گورنمنٹ ڈگری کالج حسین آباد سکردو، گورنمنٹ سٹی کالج سندوس سکردو، گورنمنٹ انٹر کالج کھرمنگ اور گورنمنٹ ڈگری کالج خپلو کی طالبات نے حصہ لیا اور اپنی صلاحیتوں کا بھرپور مظاہرہ کیا۔ وزیر تعلیم گلگت بلتستان غلام شہزاد آغا تقریب کے مہمانِ خصوصی تھے۔ دیگر مہمانوں میں معروف محقق، مورخ اور ماہر تعلیم یوسف حسین آبادی، پروفیسر طاہر ربانی (ڈپٹی ڈائریکٹر کالجز بلتستان ریجن)، پروفیسر علی رضا (پرنسپل ڈگری کالج خپلو)، پروفیسر ڈاکٹر نیلوفر خان (پرنسپل گرلز انٹر کالج گمبہ) پروفیسر مہرین امتیاز (پرنسپل گرلز کالج حسین آباد) اور پروفیسر محمد اقبال وائس پرنسپل انٹر کالج کھرمنگ شامل تھے۔ پرنسپل گرلز ڈگری کالج سکردو پروفیسر ڈاکٹر عظمیٰ سلیم نے بطور میزبان شرکت کی۔.

ذریعہ

ذریعہ: Islam Times

کلیدی لفظ: گورنمنٹ گرلز ڈگری کالج سکردو انٹر کالج کا انعقاد

پڑھیں:

ارشد ندیم کی قیادت میں پاکستانی دستے کی کامن ویلتھ گیمز کی رنگا رنگ افتتاحی تقریب میں شاندار شرکت

اسکاٹ لینڈ کے شہر گلاسگو میں 23ویں کامن ویلتھ گیمز کا آغاز شاندار اور رنگا رنگ افتتاحی تقریب سے ہوگیا، جہاں اولمپک چیمپئن ارشد ندیم کی قیادت میں پاکستانی دستے نے قومی پرچم کے ساتھ باوقار انداز میں مارچ پاسٹ کیا۔ پاکستان ایونٹ میں 6 مختلف کھیلوں میں حصہ لے گا اور تمغوں کی سب سے زیادہ امید ارشد ندیم سے وابستہ ہے۔

اسکاٹ لینڈ کے شہر گلاسگو میں 23ویں کامن ویلتھ گیمز کا آغاز جمعرات کو ہائیڈرو ایرینا میں ایک شاندار، رنگا رنگ اور منفرد افتتاحی تقریب سے ہوا، جس نے اسکاٹ لینڈ کی بھرپور ثقافتی روایات کو جدید انداز میں پیش کرتے ہوئے گیمز کی تاریخ کی یادگار افتتاحی تقریبات میں اپنا مقام بنا لیا۔

یہ بھی پڑھیے کامن ویلتھ گیمز میں ارشد ندیم ایک بار پھر تاریخ دہرانے کے لیے پرعزم

افتتاحی تقریب میں سینکڑوں کھلاڑیوں، آفیشلز اور شائقین نے شرکت کی۔ موسیقی، دلکش روشنیوں، جدید بصری اثرات اور فنکارانہ پرفارمنسز نے پورے ایرینا کو جشن کے رنگوں میں رنگ دیا، جبکہ دولتِ مشترکہ کے مختلف رکن ممالک سے آنے والے کھلاڑیوں کا پرتپاک خیرمقدم کیا گیا۔

27 رکنی پاکستانی دستہ اولمپک گولڈ میڈلسٹ اور عالمی ریکارڈ ہولڈر جیولن تھروور ارشد ندیم کی قیادت میں میدان میں داخل ہوا۔ مارچ پاسٹ کے دوران ارشد ندیم نے قومی پرچم تھام رکھا تھا۔ اس بار روایت سے ہٹ کر کھلاڑیوں کی پریڈ انگریزی حروفِ تہجی کے بجائے براعظموں کی بنیاد پر ترتیب دی گئی، جس کے تحت سب سے پہلے افریقی ممالک کے دستے اور اس کے بعد ایشیائی ممالک کے کھلاڑی میدان میں آئے۔

پاکستان کامن ویلتھ گیمز میں 6 مختلف کھیلوں میں اپنی صلاحیتوں کا مظاہرہ کرے گا، جن میں ایتھلیٹکس، باکسنگ، جمناسٹکس، جوڈو، لان بولز اور تیراکی شامل ہیں۔

قومی دستے کی سب سے بڑی امید ارشد ندیم ہیں، جنہوں نے اپنی غیرمعمولی کارکردگی اور عالمی سطح پر نمایاں کامیابیوں کے باعث ایک بار پھر پاکستان کے لیے تمغہ جیتنے کی توقعات کو مضبوط کر دیا ہے۔

ایک ہفتے سے زائد جاری رہنے والے ان کھیلوں میں دولتِ مشترکہ کے بہترین ایتھلیٹس مختلف مقابلوں میں اپنی صلاحیتوں کا لوہا منوائیں گے، جبکہ پاکستان خصوصاً ایتھلیٹکس اور باکسنگ میں نمایاں کامیابی حاصل کرکے اپنے تمغوں کی تعداد میں اضافہ کرنے کے عزم کے ساتھ میدان میں اترے گا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

23ویں کامن ویلتھ گیمز اسکاٹ لینڈ اولمپک چیمپئن ارشد ندیم کھیل گلاسگو

سکردو، جشن آزادی گلگت بلتستان کے سلسلے میں تقریب

ارشد ندیم کی قیادت میں پاکستانی دستے کی کامن ویلتھ گیمز کی رنگا رنگ افتتاحی تقریب میں شاندار شرکت

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر