ڈاکٹر عافیہ صدیقی کی رہائی اور وطن واپسی کیس کی سماعت مقرر
اشاعت کی تاریخ: 27th, October 2025 GMT
فائل فوٹو
اسلام آباد ہائیکورٹ نے ڈاکٹر عافیہ صدیقی کی رہائی اور وطن واپسی سے متعلق کیس کی سماعت کےلیے نئی تاریخ مقرر کردی، کیس کی سماعت 29 اکتوبر کو لارجر بینچ کرے گا۔
رجسٹرار آفس نے کیس کو سماعت کے لیے مقرر کرنے کی کاز لسٹ جاری کر دی۔
کیس کی سماعت جسٹس ارباب محمد طاہر کی سربراہی میں قائم چار رکنی لارجر بینچ کرے گا، جس میں جسٹس خادم حسین سومرو، جسٹس محمد اعظم خان اور جسٹس راجا انعام امین منہاس شامل ہیں۔
اس سے قبل بینچ کے ایک رکن کی عدم دستیابی کے باعث گزشتہ سماعت منسوخ کر دی گئی تھی، بعد ازاں جسٹس راجا انعام امین منہاس نے یکم ستمبر کو لارجر بینچ تشکیل دینے کے لیے فائل چیف جسٹس کو بھجوائی تھی۔
یہ کیس اس سے قبل جسٹس سردار اعجاز اسحاق خان کی عدالت میں زیرِ سماعت تھا، تاہم وہ اب ٹیکس کیسز کے لیے اسپیشل ڈویژن بینچ کا حصہ ہیں۔
.ذریعہ: Jang News
کلیدی لفظ: کیس کی سماعت
پڑھیں:
سندھ ہائیکورٹ کے آئینی بنچ کی مونس علوی کی اپیل پر سماعت سے معذرت
صوبائی محتسب نے ہراسانی کی شکایت پر مونس علوی کو عہدے سے ہٹانے اور جرمانے کا حکم دیا تھا۔ اسلام ٹائمز۔ سندھ ہائیکورٹ کے آئینی بینچ نے سی ای او کے الیکٹرک کو عہدے سے ہٹانے کے صوبائی محتسب کے فیصلے کیخلاف سماعت سے انکار کر دیا۔ تفصیلات کے مطابق سندھ ہائیکورٹ کے آئینی بینچ کے روبرو سی ای او کے الیکٹرک کو عہدے سے ہٹانے کے صوبائی محتسب کے فیصلے کیخلاف سماعت ہوئی۔ آئینی بینچ نے درخواست کی سماعت سے معذرت کرلی۔ عدالت نے مونس علوی کی اپیل دوسرے بینچ کو ارسال کرنے کی ہدایت کرتے ہوئے سماعت غیر معینہ مدت تک ملتوی کر دی۔ صوبائی محتسب نے ہراسانی کی شکایت پر مونس علوی کو عہدے سے ہٹانے اور جرمانے کا حکم دیا تھا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر