علیمہ خان کے شناختی کارڈ اور پاسپورٹ بلاک، بینک اکاؤنٹس بھی منجمد کر دیے گئے
اشاعت کی تاریخ: 30th, October 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی: انسدادِ دہشت گردی عدالت میں تحریکِ انصاف کے بانی عمران خان کی بہن علیمہ خان کے خلاف کارروائی ایک نئے مرحلے میں داخل ہو گئی ہے۔
عدالت کے حکم پر نادرا نے علیمہ خان کا شناختی کارڈ اور پاسپورٹ بلاک کر دیا، جب کہ اسٹیٹ بینک آف پاکستان نے ملک بھر کے بینکوں کو سرکلر جاری کر کے ان کے بینک اکاؤنٹس منجمد کرنے کا عمل مکمل کر لیا ہے۔
تفصیلات کے مطابق انسدادِ دہشت گردی عدالت کے جج امجد علی شاہ کے روبرو تھانہ صادق آباد میں درج ہنگامہ آرائی، توڑ پھوڑ اور جلاؤ گھیراؤ کے کیس کی سماعت کے دوران نادرا کے چیئرمین نے اپنی رپورٹ پیش کی۔ رپورٹ میں عدالت کو آگاہ کیا گیا کہ علیمہ خان کا شناختی کارڈ اور پاسپورٹ عدالتی احکامات کے مطابق باضابطہ طور پر بلاک کر دیے گئے ہیں۔
عدالت میں گورنر اسٹیٹ بینک کی جانب سے جمع کرائی گئی رپورٹ میں بتایا گیا کہ علیمہ خان کے خلاف احکامات پر بھی عمل مکمل کر لیا گیا ہے۔ ملک کے تمام بینکوں کو جاری کیے گئے سرکلر کے بعد ان کے نام پر موجود تمام اکاؤنٹس منجمد کر دیے گئے ہیں۔
واضح رہے کہ عدالت کی جانب سے علیمہ خان کے وارنٹ گرفتاری چھٹی مرتبہ جاری کیے جا چکے ہیں۔ اس سے قبل بھی انہیں بارہا طلب کیا گیا لیکن وہ پیش نہ ہوئیں، جس کے بعد عدالت نے انہیں گرفتار کر کے پیش کرنے کا حکم دے رکھا ہے۔
.ذریعہ: Jasarat News
کلیدی لفظ: علیمہ خان کے
پڑھیں:
احتجاج کیس، علیمہ خان کا شناختی کارڈ بلاک، آج گرفتار کر کے پیش کرنے کا حکم
راولپنڈی (نوائے وقت رپورٹ) راولپنڈی کے تھانہ صادق آباد احتجاج کیس میں عدالتی حکم پر علیمہ خان کا شناختی کارڈ بلاک کردیا گیا۔ عدالتی ذرائع نے کہا کہ چیئرمین نادرا کی طرف سے مفصل رپورٹ آج عدالت میں پیش ہوگی۔ گورنر آج سٹیٹ بینک کی طرف سے بینک اکاؤنٹس منجمند کرنے کی رپورٹ بھی آج پیش ہوگی۔ 5 گواہان کی طلبی کی گئی ہے۔ انسداد دہشت گردی عدالت کے جج امجد علی شاہ سماعت کریں گے۔ علیمہ خان کو بھی کل گرفتار کر کے عدالت پیش کرنے کا حکم ہے، ان کے 6 مرتبہ وارنٹ جاری ہوئے۔
پنجاب میں بسنت کی ہرگز اجازت نہیں، پتنگ بازی کے خلاف سخت کارروائی ہوگی، آئی جی پنجاب ڈاکٹر عثمان انور