سوشل میڈیا پر اے آئی فیک نیوز بہت بڑا چیلنج: گورنر پنجاب
اشاعت کی تاریخ: 12th, November 2025 GMT
لاہور (نیوز رپورٹر) گورنر پنجاب سردار سلیم حیدر نے کہا کہ اے آئی ٹیکنالوجی کے ذریعے پاکستان سمیت دنیا بھر میں آگے بڑھنے کی کوشش کی جارہی ہے۔ صحافت اور زراعت سمیت دیگر شعبوں میں اے آئی ٹیکنالوجی سے ترقی کرسکتے ہیں۔ معاشرے کو بہتر بنانے کے لیے ڈائیلاگ کی ضرورت ہے۔ دنیا کے ساتھ چلنا ہے تو ہمیں تیزی سے آگے بڑھنا ہوگا۔ ان خیالات کا اظہار انہوں نے پنجاب یونیورسٹی میں سکول آف ماس کمیونیکیشن کے زیر اہتمام صحافت میں اے آئی ٹیکنالوجی کے استعمال پر سیمینار سے خطاب کرتے ہوئے کیا۔ گورنر پنجاب نے کہا کہ اے آئی ٹیکنالوجی سے صحافت، زراعت سمیت ہر شعبے میں ترقی کرسکتے ہیں۔ انہوں نے مزید کہا کہ سوشل میڈیا پر اے آئی کی وجہ سے فیک نیوز بہت بڑا چیلنج ہے۔ وزیر خزانہ پنجاب مجتبی شجاع الرحمن نے کہا اے آئی ٹیکنالوجی ہمارا مستقبل ہے۔ سیمینار میں وائس چانسلر پنجاب یونیورسٹی پروفیسر ڈاکٹر محمد علی شاہ، پرو وائس چانسلر پروفیسر ڈاکٹر خالد محمود، سینیئر صحافی مجیب الرجمن شامی، چیئرپرسن میڈیا اینڈ ڈویلپمنٹ کمیونیکیشن ڈیپارٹمنٹ ڈاکٹر عائشہ اشفاق اور اکیڈیمیہ سے تعلق رکھنے والے افراد اور کثیر تعداد میں طلبہ موجود تھے۔ دریں اثناء،گورنر پنجاب سردار سلیم حیدر خان نے سینیٹر عرفان صدیقی کے انتقال پر گہرے دکھ اور افسوس کا اظہار کیا ہے۔ گورنر پنجاب سردار سلیم حیدر خان نے اسلام آباد کچہری کے باہر فتنہ الخوارج کے خودکش دھماکے، جنوبی وزیرستان کیڈٹ کالج وانا میں دہشت گردوں کے حملے کی شدید مذمت کی ہے۔
.ذریعہ: Nawaiwaqt
کلیدی لفظ: اے ا ئی ٹیکنالوجی گورنر پنجاب
پڑھیں:
سحر خان صبا قمر کے حق میں بول پڑیں، سوشل میڈیا صارفین کو خبردار کردیا
سحر خان نے اداکارہ صبا قمر کی حمایت کرتے ہوئے سائبر کرائم کے نتائج سے خبردار کیا ہے۔ یہ بیان اس وقت سامنے آیا جب صبا قمر نے ایک ہفتہ قبل صحافی نعیم حنیف کو قانونی نوٹس بھیجا، جس میں یوٹیوب پر ان کے خلاف توہین آمیز تبصروں پر معافی اور ہرجانے کا مطالبہ کیا گیا تھا۔
سحر خان نے پیر کے روز سوشل میڈیا پر اپنی اسٹوری میں لکھا کہ انہیں ان لوگوں سے احترام ختم ہوتا جا رہا ہے جو سوچے سمجھے بغیر بولتے ہیں۔ انہوں نے کہا کہ یہ ناقابل قبول ہے کہ کوئی شخص انٹرنیٹ پر آ کر کسی کے بارے میں کچھ بھی کہہ دے۔ ان کا کہنا تھا کہ ایسے انتہا پسند اور زہریلے ذہنوں کو ضرور سوال کیا جانا چاہیے۔
یہ بھی پڑھیں: بے بنیاد الزامات کیوں لگائے؟ اداکارہ صبا قمر نے صحافی کو 10 کروڑ روپے ہرجانے کا نوٹس بھیج دیا
ڈرامہ جن کی شادی ان کی شادی کی اداکارہ نے یاد دلایا کہ نعیم حنیف نے جون میں ٹک ٹاک کریئیٹر ثنا یوسف کے قتل کے بعد اس پر الزام لگایا تھا کہ اس کی سوشل میڈیا سرگرمیاں اس کی موت کی وجہ بنیں۔ ایک اور ویڈیو میں انہوں نے سماجی رابطوں کی معروف شخصیت قندیل بلوچ کے بارے میں بھی یہی الزام لگایا، جنہیں 2016 میں ان کے بھائی نے قتل کیا تھا۔
سحر خان نے ان تبصروں کو شرمناک اور گھٹیا قرار دیا اور کہا کہ ہر شخص کو سائبر کرائم قوانین کے تحت اپنے حقوق سے آگاہ ہونا چاہیے۔ انہوں نے بتایا کہ وہ اس حوالے سے آگاہی پھیلانے والے ایک منصوبے پر کام کر رہی ہیں اور انہیں صبا قمر پر فخر ہے کہ انہوں نے اس معاملے پر آواز اٹھائی۔
سحرخان نے کہا کہ ہمیں ایسے مستقبل کی طرف بڑھنا چاہیے جہاں رحم دلی اور ہمدردی، قیاس آرائی اور چغلی کی جگہ لے۔ ان کا کہنا تھا کہ الفاظ زخم بھی دے سکتے ہیں اور شفا بھی، اس لیے انہیں سمجھداری سے چننا چاہیے۔ انہوں نے سائبر کرائم ایکٹ 2016 کی دفعہ 20 کا حوالہ دیا جس کے مطابق کسی کو آن لائن بدنام کرنے پر 3 سال تک قید، جرمانہ یا دونوں سزائیں ہو سکتی ہیں۔
یہ بھی پڑھیں: ٹک ٹاکرز کی نازیبا ویڈیوز لیک ہونے پر مشی خان میدان میں آگئیں، خواتین کو اہم مشورہ
دوسری جانب سینئر اداکارہ میرا نے انسٹاگرام پر صبا قمر پر تنقید کرتے ہوئے کہا کہ وہ غلط شخص سے الجھ گئی ہیں۔ میرا نے نعیم حنیف کو اصولوں کا پکا اور پاکستانی میڈیا کی معتبر شخصیت قرار دیا۔ ان کے علاوہ تقریباً تمام شوبز شخصیات صبا قمر کے مؤقف کی حمایت کر رہی ہیں۔
اتوار کے روز صبا قمر نے اپنی انسٹاگرام اسٹوریز میں نعیم حنیف کے اداکارہ فضا علی اور جوڑی شعیب ملک و ثنا جاوید کے خلاف توہین آمیز تبصروں کو نمایاں کیا۔ انہوں نے ایک ویڈیو کلپ بھی شیئر کیا جس میں وہ ثناء یوسف کے قتل پر نامناسب گفتگو کررہا تھا۔
صبا قمر نے کہا کہ نعیم حنیف جھوٹی خبریں پھیلانے، سستی شہرت حاصل کرنے اور محنتی لوگوں کی تذلیل کرنے کی عادت رکھتا ہے۔ انہوں نے کہا کہ وہ ثناء جاوید کو ذاتی طور پر جانتی ہیں اور جانتی ہیں کہ جھوٹے الزامات نے انہیں ذہنی اذیت میں مبتلا کیا۔
صبا قمر نے کہا کہ انہیں کئی لوگوں نے بتایا ہے کہ نعیم حنیف نے آن اور آف اسکرین غیر مناسب رویہ اختیار کیا۔ انہوں نے کہا کہ اگر کسی اور کے ساتھ بھی ایسا تجربہ ہوا ہے تو وہ آگے آئیں
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اداکارہ سائبرکرائم سحر خان شادی صبا قمر
ن لیگ اور پیپلز پارٹی آمنے سامنے، صہیب بھرتھ کا ندیم افضل چن کیخلاف قانونی چارہ جوئی کا فیصلہ