سعودی وزارت حج نے زائرین کے لیے خصوصی آگاہی گائیڈز جاری کر دیے
اشاعت کی تاریخ: 14th, November 2025 GMT
سعودی وزارت حج و عمرہ نے عام اوقاف اتھارٹی کے تعاون سے مختلف ممالک کے زائرین کے لیے ثقافتی اور لسانی لحاظ سے تیار کردہ آگاہی گائیڈز متعارف کرائے ہیں۔ اس اقدام کا مقصد زائرین کے لیے تیاری کے مرحلے سے لے کر وطن واپسی تک معلومات، رویوں اور تنظیمی تجربے کو بہتر بنانا ہے۔
سعودی پریس ایجنسی کے مطابق یہ گائیڈز 1447 ہجری کے حج کانفرنس اور نمائش کے دوران پیش کیے گئے، جس کا موضوع تھا: ’مکہ سے دنیا تک‘۔ وزارت کے زائرین آگاہی مرکز اور اوقاف اتھارٹی کی معاونت سے یہ اقدام زائرین کی ثقافت اور ضروریات کے مطابق متعدد زبانوں میں تیار کیا گیا ہے تاکہ معلومات واضح اور قابلِ رسائی ہوں۔
مزید پڑھیں: سعودی وزارت حج و عمرہ کی حجاج کرام کے لیے مثالی انتظامات کرنے پر پاکستانی حج مشن کو خراج تحسین
گائیڈز کی لائبریری میں ان ممالک کے لیے 22 اہم کٹس شامل ہیں جہاں زیادہ تعداد میں زائرین آتے ہیں، جبکہ دیگر ممالک کے لیے مختصر گائیڈز بھی دستیاب ہیں۔ یہ گائیڈز بصری اور انٹرایکٹو مواد پر مشتمل ہیں اور کیو آر کوڈز کے ذریعے ڈیجیٹل مواد تک رسائی ممکن بناتے ہیں۔
زائرین کو یہ گائیڈز وزارت کی ویب سائٹ، حج زائرین کے دفاتر، سروس کمپنیوں اور سفارتی چینلز کے ذریعے فراہم کیے جائیں گے تاکہ وہ اپنی مادری زبان میں حج کے دوران اور قبل از آمد معلومات حاصل کر سکیں۔
مزید پڑھیں: سعودی وزارت حج و عمرہ نے کسٹم ڈیکلیریشن کے نئے اصول و ضوابط جاری کر دیے
یہ اقدام وزارت حج اور اوقاف اتھارٹی کی جانب سے زائرین کے لیے خدمات کو مزید مربوط بنانے اور سعودی وژن 2030 کے اہداف کے مطابق حج اور عمرہ کے زائرین کے معیارِ خدمات کو بہتر بنانے کی کوششوں کا حصہ ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آگاہی گائیڈز حج زائرین سعودی وزارت حج و عمرہ.
ذریعہ
ذریعہ: WE News
کلیدی لفظ: زائرین کے لیے
پڑھیں:
نیشنل اسپیشل گیمز: کراچی میں فٹبال ٹورنامنٹ کے بعد اختتامی تقریب کا انعقاد
اسپیشل اولمپکس پاکستان کے تحت نیشنل اسپیشل گیمز 2026کے دوسرے اور آخری مرحلہ میں کراچی میں فٹبال ٹورنامنٹ کے بعد میڈلز تقسیم اور اختتامی تقریب کاانعقاد ہوا۔
اسپیشل اولمپکس پاکستان کی روح رواں رونق لاکھانی نے استقبالی کلمات ادا کیے، ان کا کہنا تھاکہ گیمز میں ملک بھر سے ایک پلیٹ فارم پر جمع ہونے والے خصوصی کھلاڑیوں نے شاندار کارکردگی کا مظاہرہ کر کے ثابت کیا کہ وہ کسی سے کم نہیں۔
رونق لاکھانی نے گیمز کو کامیاب بنانے میں اسپانسرز اور ڈونرز بشمول میکڈونلڈ، پاکستان او ایم آئی اور فیصل بینک کا خصوصی شکریہ ادا کیا،انہوں نے کہا کہ خصوصی افراد کی سرپرستی کرتے ہوئے ان کو بھرپور اعتماد دینا چاہیے تاکہ وہ معاشرے کا مضبوط انگ بن سکیں۔
مہمان خصوصی راحل اعجاز کا کہنا تھا کہ سماجی ذمہ داری کے تحت ہم مثبت سرگرمیوں کو فروغ دے رہے ہیں، اسپیشل اولمپکس پاکستان کی خصوصی کھلاڑیوں کے لیے کاوشیں قابل قدر ہیں۔
فٹبال ٹورنامنٹ کے لیے خصوصی طور پر کینیڈا سے آنے والی فیفا فٹبال کوچ کرن غوری نے کہا کہ ایونٹ میں شریک بوائز اور گرلز کھلاڑیوں نے شاندار کارکردگی کا مظاہرہ کرتے ہوئے دل جیت لیے اور ثابت کیا کہ ان کی صلاحیتیں کسی سے ہرگز کم نہیں، جیسمین نے خصوصی کھلاڑیوں کی نمائندگی کرتے ہوئے بہترین سہولیات کی فراہمی پر اسپیشل اولمپکس پاکستان کا شکریہ ادا کیا۔
فٹبال چیمپئن شپ کے بوائز ایونٹ کی ایک کیٹگری میں فیڈرل ایریاز نے پہلی خیبر پختونخواہ نے دوسری اور سندھ نے تیسری پوزیشن حاصل کی،بی کیٹگری میں گلگت بلتستان فاتح رہا اور گولڈ میڈل اپنے نام کیا جبکہ بلوچستان نے دوسری پوزیشن کے ساتھ سلور اور سندھ نے سوئم رہ کر برانز میڈل حاصل کیا۔
قبل ازیں گیمز میں شریک ٹیموں نے مارچ پاسٹ کیا اور سلامی دی،آخر میں کامیاب ٹیموں اور ان کے کھلاڑیوں میں میڈلز تقسیم کیے گئے،اگلے گیمز پنجاب میں ہوں گے، گیمز کا مقصد ذہنی معذوری والے کھلاڑیوں کو صلاحیتوں اور کھیل میں مہارت کا مظاہرہ کرنے کے لیے ایک بہترین پلیٹ فارم فراہم کرنا تھا، گیمز کے ذریعہ چلی کے شہر چسینٹیاگو میں ہونے والے ورلڈ سمر اسپیشل گیمز تیاریوں کا اہم حصہ ہے۔
نیشنل گیمز کے بعد کھلاڑی سلیکشن کیمپوں میں شرکت کریں گے، جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔، خیبر پختونخوا اور گلگت بلتستان سے تعلق رکھنے ذہنی معذوری کا شکار 82 کھلاڑیوں نے شرکت کی۔
نیشنل گیمز کے بعد کھلاڑی سلیکشن کیمپوں میں شرکت کریں گے جہاں سے 85 کھلاڑیوں کا انتخاب 10 کھیلوں کے لیے کیا جائے گا جو 15 سے 23 اکتوبر 2027 تک سانتیاگو (چلی) میں پاکستان کی نمائندگی کریں گے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی