بالی وڈ کے بڑے بڑے نام دبئی میں شاندار گھروں کے مالک، فہرست سامنے آگئی
اشاعت کی تاریخ: 14th, November 2025 GMT
بالی وڈ کے بڑے بڑے نام دبئی میں شاندار گھروں کے مالک نکلے۔
فلمی ویب سائٹ ’’کوئی موئی‘‘ کے مطابق متعدد بالی وڈ ستارے دبئی میں قیمتی پراپرٹیز رکھتے ہیں جن میں سپر اسٹار شاہ رخ خان بھی شامل ہیں، سمندر کنارے ولاز، آسمان کو چھوتی عمارتوں میں لگژری اپارٹمنٹس اور شہر کی چمکتی روشنیوں نے انڈین فلم اسٹارز کو عرصے سے اپنی جانب مائل کر رکھا ہے۔
شاہ رخ خان
شاہ رخ خان کا پام جمیرہ میں واقع شاندار گھر ’جنّت‘ 18 ہزار اسکوائر فٹ پر مشتمل ہے جس میں پرائیویٹ بیچ، جم اور سوئمنگ پول جیسی لگژری سہولیات موجود ہیں۔ گھر کی اندرونی سجاوٹ گوری خان نے خود ڈیزائن کی ہے۔ اس کی مالیت تقریباً ایک ارب بھارتی روپے بتائی جاتی ہے۔
سلمان خان
سلمان خان کا دبئی کے ’ڈاؤن ٹاؤن‘ ایریا میں پرتعیش اپارٹمنٹ ہے جو برج خلیفہ کے قریب واقع ہے اور دبئی کے دوروں میں وہ اکثر وہیں قیام کرتے ہیں۔
انیل کپور
اداکار انیل کپور نے دبئی کے مہنگے علاقے ’الفُرجان‘ میں دو بیڈز پر مشتمل ایک جدید اپارٹمنٹ لے رکھا ہے جس کی قیمت تقریباً تین کروڑ روپے ہے۔
سونم کپور نے ٹوئٹر پر نانی کے ساتھ یادگار تصویر پوسٹ کرکے مداحوں کو نانی کے دنیا سے گزرجانے کی اطلاع دی، فوٹو؛ فائل
شلپا شیٹی
اداکارہ شلپا شیٹی اور ان کے شوہر راج کندرا کے پاس بھی دبئی میں شاہانہ گھر موجود ہے۔ راج کندرا نے شادی کی سالگرہ پر شلپا کو برج خلیفہ کی 19ویں منزل پر 50 کروڑ روپے کا اپارٹمنٹ تحفے میں دیا تھا، جسے بعد میں فروخت کر کے دونوں نے پام جمیرہ میں ایک نیا وِلا خرید لیا۔
ایشوریا رائے
ایشوریا رائے اور ابھیشیک بچن بھی دبئی کی شان و شوکت کا حصہ ہیں۔ ان کا جمیرہ گالف اسٹیٹس میں واقع وِلا 2016 میں 16 کروڑ روپے میں خریدا گیا تھا۔ یہاں پول، باغیچہ اور گالف کورس جیسی سہولیات موجود ہیں۔
ثانیہ مرزا
ٹینس اسٹار ثانیہ مرزا بھی اپنے بیٹے اذہان کے ساتھ پام جمیرہ ہی میں رہائش پذیر ہیں۔ شعیب ملک سے علیحدگی کے بعد انہوں نے 13 کروڑ روپے مالیت کا دو منزلہ گھر خریدا تھا، جس میں سوئمنگ پول، نماز کا کمرہ اور واک اِن کلوزٹ بھی موجود ہے۔
ذریعہ
ذریعہ: Express News
کلیدی لفظ: کروڑ روپے
پڑھیں:
چیری نے پاکستان میں اپنی گاڑیوں کے تمام ماڈلز کی قیمتیں بڑھا دیں
ٹویوٹا، ہونڈا اور سوزوکی کے بعد چیری(Cherry) نے بھی ہائبرڈ گاڑیوں پر سیلز ٹیکس میں حالیہ اضافے کے بعد پاکستان میں اپنے تمام ماڈلز کی قیمتوں میں اضافہ کردیا۔
تاہم کمپنی نے فوری طور پر مکمل اضافہ صارفین پر منتقل نہیں کیا اور محدود مدت کی پروموشنل آفر کے تحت جزوی طور پر بڑھی ہوئی قیمتیں متعارف کرائی ہیں۔
چیری ٹِگو 7 پی ایچ ای وی کی سابقہ قیمت 94 لاکھ 99 ہزار روپے تھی، جسے بڑھا کر پروموشنل قیمت 99 لاکھ 99 ہزار روپے کردی گئی ہے، جبکہ آفر ختم ہونے کے بعد اس کی اصل قیمت 1 کروڑ 9 لاکھ 49 ہزار روپے ہوگی۔
چیری ٹِگو 8 پی ایچ ای وی کی قیمت 1 کروڑ 12 لاکھ 99 ہزار روپے سے بڑھا کر پروموشنل قیمت 1 کروڑ 14 لاکھ 99 ہزار روپے کردی گئی ہے، جبکہ آفر کے بعد گاڑی کی اصل قیمت 1 کروڑ 29 لاکھ 99 ہزار روپے ہوگی۔
مزیدپڑھیں:اداکار شان بیگ اور روما مائیکل رشتۂ ازدواج میں منسلک، مداحوں کو خوشخبری سنا دی
اسی طرح ٹِگو 9 پی ایچ ای وی کی سابقہ قیمت 1 کروڑ 36 لاکھ 94 ہزار روپے تھی، جس کی پروموشنل قیمت 1 کروڑ 42 لاکھ 99 ہزار روپے مقرر کی گئی ہے۔ آفر ختم ہونے کے بعد گاڑی کی اصل قیمت 1 کروڑ 57 لاکھ 49 ہزار روپے ہوگی۔
کمپنی کے مطابق پروموشنل قیمتیں محدود مدت کے لیے ہیں اور 31 جولائی تک دستیاب ہوں گی، جبکہ اسٹاک ختم ہونے تک موجودہ صارفین بھی اس آفر سے فائدہ اٹھا سکیں گے۔
چیری کی جانب سے نئی قیمتوں کو محدود مدت کی ڈسکاؤنٹ آفر کے طور پر پیش کیا گیا ہے، تاہم رعایت کے باوجود تینوں گاڑیاں اپنی سابقہ قیمتوں کے مقابلے میں مہنگی ہوگئی ہیں۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم