لندن ، کنجیسچن چارج میں 20 فیصد اضافہ، الیکٹرک گاڑیاں بھی ادائیگی کی پابند
اشاعت کی تاریخ: 14th, November 2025 GMT
لندن (ویب ڈیسک) ٹریفک کا دباؤ کم کرنے کے لیے عائد کنجیسچن چارج میں آئندہ سال 20 فیصد اضافہ کر دیا جائے گا۔
کنجیسچن چارج اضافے کے بعد 18 پاؤنڈ ہوجائے گا اور الیکٹرک گاڑیوں کے مالکان بھی اس چارج کی ادائیگی کے پابند ہوں گے۔
ٹرانسپورٹ فار لندن کے مطابق الیکٹرک کاروں کے مالکان کو 25 فیصد رعایت دی جائے گی۔
موٹرنگ تنظیموں نے اس فیصلے تنقید کرتے ہوئے کہا کہ اس سے ماحول کو صاف رکھنے والی گاڑیوں کے استعمال کی حوصلہ شکنی ہوگی۔
لندن کے میئر صادق خان نے اس پالیسی کا دفاع کرتے ہوئے کہا کہ اگر موجودہ نظام برقرار رکھا جاتا تو اوسطاً 2 ہزار 200 مزید گاڑیاں روزانہ شہر کے مرکزی حصے میں داخل ہوتیں جس سے کنجیسچن چارج کا مقصد متاثر ہوتا۔
انہوں نے کہا کہ لندن کی سڑکوں پر رش کم کرنا شہر اور معیشت دونوں کے لیے ضروری ہے۔
صادق خان کے مطابق کنجیسچن چارج کے نفاذ کے بعد سے ٹریفک میں واضح کمی آئی ہے اور یہ نظام اپنے مقصد کے مطابق برقرار رہنا چاہیے۔
اعداد و شمار کے مطابق اب زون میں 2019ء کے مقابلے میں 6 گنا زیادہ تقریباََ 1لاکھ 20 ہزار الیکٹرک گاڑیاں رجسٹرڈ ہیں۔ برقی گاڑیوں کے لیے مکمل رعایت پہلے ہی سال کے اختتام پر ختم ہونے والی تھی۔
میئر سر صادق خان نے مزید وضاحت کی کہ زون کے رہائشیوں کے لیے 90 فیصد رعایت مارچ 2027ء سے صرف الیکٹرک گاڑیوں پر لاگو ہوگی جب کہ کار کلبز جو گاڑیوں کو شیئرنگ کی بنیاد پر فراہم کرتے ہیں، انہیں مکمل چھوٹ حاصل ہوگی۔
.
ذریعہ
ذریعہ: Daily Mumtaz
کلیدی لفظ: کنجیسچن چارج کے مطابق کے لیے
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا