محراب پور کی خواتین وبچوں کا قرآن ہاتھ میں لے کر وزیراعلیٰ کیخلاف احتجاج
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
محراب پور(جسارت نیوز)بھریا سٹی جوگی کالونی کی خواتین، معصوم بچوں کا قرآن پاک کیساتھ سابق پی پی پی رکن سندھ اسمبلی سید مراد علی شاہ کیخلاف احتجاج کیا، اس موقع پر خطاب کرتے ہوئے مٹھل جوگی، منظور جوگی، خیمسو جوگی نے بتایا کہ وہ بھریا سٹی کے قدیمی باشندے ہیں، 60 سال سے وہ جوگی کالونی میں رہائش پزیر ہیں ہمارے یہاں 50 سے زائد گھرہیں جنہیں سابق پی پی پی رکن سندھ اسمبلی جعلی کاغذات کے ذریعے خالی کرانا چاہتا ہے کلہوڑا برادری کے افراد نے ہمارے گھروں میں داخل ہوکر چادر و چار دیواری کا تقدس پامال ، عورتوں، بچوں پر تشدد کیا اور دھمکیاں دیں ، مراد علی شاہ زبردستی ہمارے گھر خالی کرا کر دکانیں بناتا چاہتا ہے ہمیں تنگ اور پریشان کیا جارہا ہے، معصوم بچے، عورتیں قرآن پاک کیساتھ احتجاج پر مجبور ہیں، ہم ایس ایس پی نوشہرو فیروز میر روحل کھوسو، ڈی آئی جی پولیس شہید بینظیر آباد فیصل بشیر میمن، آئی جی سندھ پولیس غلام نبی میمن، وزیر اعلیٰ سندھ سید مراد علی شاہ اور پی پی پی چیئرمین بلاول بھٹو زرداری سے فراہمی انصاف اور تحفظ کا مطالبہ کرتے ہیں بصورت دیگر ہم انتہائی قدم اٹھانے پر مجبور ہونگے، سید مراد علی شاہ نے میڈیا نمائندوں سے گفتگو میں بتایا کہ 1960 سے مذکورہ اراضی میری ہے میرے پاس مکمل ریکارڈ ہے جوگی برادری کے لوگوں کو عارضی طور پر جگہ دی تھی، اب وہ اس جگہ پر قابض ہونا چاہت ہیں۔
ذریعہ: Jasarat News
کلیدی لفظ: مراد علی شاہ
پڑھیں:
کراچی کو 18 سال بعد نیشنل گیمز کی میزبانی ملنا تاریخی لمحہ ہے، وزیراعلیٰ سندھ
مزارِ قائد پر تقریب سے خطاب میں مراد علی شاہ نے کہا کہ سندھ حکومت سمجھتی ہے کہ کھیلوں کا فروغ نوجوانوں کو صحت مند اور مثبت سرگرمیوں میں مشغول رکھنے کے لیے ضروری ہے۔ 35ویں نیشنل گیمز کی میزبانی نہ صرف سندھ بلکہ پورے ملک کے لیے باعثِ فخر ہوگی۔ اسلام ٹائمز۔ کراچی میں جمعہ کے روز اس وقت جوش و خروش اپنی انتہا کو چھونے لگا جب پاکستان کے کھیلوں کی جنم بھومی کہلانے والے اس شہر میں وزیراعلی سندھ مراد علی شاہ نے 35ویں نیشنل گیمز 2025ء کی مشعل روشن کی، یہ کھیل 6 سے 13 دسمبر 2025ء تک کراچی کے 24 اعلی معیار کے مقامات پر منعقد ہوں گے۔ وزیراعلیٰ سندھ سید مراد علی شاہ نے کی زیر صدارت یہ شاندار تقریب مزارِ قائد پر منعقد ہوئی جہاں انہوں نے باقاعدہ طور پر گیمز کے لیے الٹی گنتی کا آغاز کیا۔وزیراعلی سندھ سید مراد علی شاہ تقریب کے مرکزی مقام پر کھڑے تھے جہاں اس تقریب نے قومی اتحاد اور کھیلوں کے عزم کا مضبوط اظہار کیا۔ امید اور کھیل کی روح کی علامت مشعل بین الاقوامی کھلاڑیوں کے ہاتھوں سے وزیراعلی کو منتقل کی گئی۔
وزیراعلی مراد علی شاہ نے کہا کہ کراچی کو تقریبا دو دہائیوں بعد نیشنل گیمز کی میزبانی کا بے مثال اعزاز ملا ہے لہذا اسے شایانِ شان اور یادگار انداز میں منعقد ہونا چاہیئے۔ انہوں نے کہا کہ سندھ حکومت سمجھتی ہے کہ کھیلوں کا فروغ نوجوانوں کو صحت مند اور مثبت سرگرمیوں میں مشغول رکھنے کے لیے ضروری ہے۔ 35ویں نیشنل گیمز کی میزبانی نہ صرف سندھ بلکہ پورے ملک کے لیے باعثِ فخر ہوگی۔ اپنے خطاب میں وزیراعلی نے کہا کہ پاکستان کے نوجوان، خصوصا نوجوان لڑکیاں، غیر معمولی ہمت اور عزم رکھتی ہیں، ہمیں اپنے بچوں اور ان کی صلاحیتوں پر فخر ہے۔ انہوں نے کہا کہ 18 سال بعد کراچی میں نیشنل گیمز کی میزبانی ایک اعزاز ہے اور اس مقام کی تاریخی اہمیت بھی ہے، آج ہم قائد اعظم کے مزار کے سامنے کھڑے ہیں، جہاں پہلی نیشنل اولمپک تقریب منعقد ہوئی تھی۔
ایس آئی اے نے سات کشمیریوں کے خلاف چارج شیٹ داخل کر دی