پاکستان سپر لیگ میں 2 نئی ٹیموں کی فروخت کا عمل شروع، ممکنہ نام بھی سامنے آ گئے
اشاعت کی تاریخ: 15th, November 2025 GMT
پاکستان سپر لیگ (پی ایس ایل) میں دو نئی ٹیموں کے شامل ہونے کا عمل شروع ہو گیا ہے، جس کے بعد لیگ کے دائرہ کار میں مزید توسیع متوقع ہے۔
پی سی بی کے چیئرمین محسن نقوی نے سماجی رابطے کی ویب سائٹ پر پیغام جاری کرتے ہوئے کہا کہ پی ایس ایل اب بڑی اور مزید بہتر لیگ بننے جا رہی ہے۔ انہوں نے بتایا کہ دو نئی ٹیموں کی شمولیت کا خواب حقیقت بن رہا ہے۔
ایچ بی ایل پی ایس ایل نے بھی اپنے آفیشل ایکس اکاؤنٹ پر اعلان کیا کہ لیگ ساتویں اور آٹھویں ٹیم کے لیے بڈز طلب کر رہی ہے، اور یہ ایک نئے دور کا آغاز ہے۔
رپورٹ کے مطابق، پی سی بی نے نئی فرنچائزز کے لیے ٹیکنیکل پروپوزلز جمع کرانے کی آخری تاریخ 15 دسمبر مقرر کی ہے۔ اہل بڈرز اگلے مرحلے میں حصہ لینے کے مجاز ہوں گے۔
ممکنہ طور پر نئی ٹیموں کے نام حیدرآباد، سیالکوٹ، مظفرآباد، فیصل آباد، گلگت یا راولپنڈی میں سے رکھے جا سکتے ہیں، جس سے پی ایس ایل کے شائقین کے لیے مزید دلچسپی پیدا ہوگی۔
ذریعہ
ذریعہ: Daily Mumtaz
کلیدی لفظ: پی ایس ایل نئی ٹیموں
پڑھیں:
پشاور سمیت مختلف اضلاع میں بجلی کا طویل بریک ڈاؤن، شہریوں کو مشکلات کا سامنا
پشاور:خیبرپختونخوا کے دارالحکومت پشاور سمیت صوبے کے متعدد اضلاع میں بجلی کا طویل اور غیر معمولی بریک ڈاؤن شہریوں کے لیے عذاب بن گیا۔
شدید آندھی اور طوفان کے بعد شام تقریباً 6 بجے اچانک بجلی کی فراہمی معطل ہوئی جو کئی گھنٹے گزرنے کے باوجود مکمل طور پر بحال نہ ہو سکی۔
بجلی کی بندش کے باعث پشاور، مردان، چارسدہ، نوشہرہ اور دیگر متاثرہ علاقوں میں شہری شدید مشکلات کا شکار ہیں۔
گرمی اور حبس کے باعث گھروں میں موجود بچوں، بزرگوں اور مریضوں کو سخت پریشانی کا سامنا کرنا پڑا جبکہ کاروباری سرگرمیاں بھی متاثر ہوئیں۔
مزید پڑھیںپشاور سے کراچی تک نئی عوام ایکپریس ٹرین سروس شروع
شہریوں کا کہنا ہے کہ آندھی شروع ہوتے ہی بجلی غائب ہوگئی تاہم طوفان کے خاتمے کے کئی گھنٹے بعد بھی بجلی بحال نہ ہونا متعلقہ اداروں کی کارکردگی پر سوالیہ نشان ہے۔ متعدد علاقوں میں لوگ رات گئے تک بجلی کی واپسی کے منتظر رہے۔
دوسری جانب پیسکو حکام کے مطابق طوفانی موسم کے باعث بجلی کے ترسیلی نظام میں فنی خرابی پیدا ہوئی ہے جس کے باعث مختلف فیڈرز متاثر ہوئے۔
حکام کا کہنا ہے کہ تکنیکی ٹیمیں بحالی کے لیے کام کر رہی ہیں اور مرحلہ وار بجلی کی فراہمی بحال کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ