امریکا نے سعودی عرب کو اہم نان نیٹو اتحادی قرار دیدیا
اشاعت کی تاریخ: 19th, November 2025 GMT
data-id="863a0a8" data-element_type="widget" data-widget_type="theme-post-content.default">
امریکی صدر ڈونلڈ ٹرمپ نے سعودی عرب کو اہم نان نیٹو اتحادی کا درجہ دینے کا اعلان کر دیا۔
وائٹ ہاؤس میں سعودی ولی عہد محمد بن سلمان کے اعزاز میں منعقدہ عشائیے میں ایلون مسک اور کرسٹیانو رونالڈو سمیت متعدد اہم شخصیات نے شرکت کی۔ تقریب سے خطاب کرتے ہوئے صدر ٹرمپ نے سعودی ولی عہد کا خیرمقدم کیا اور دونوں ممالک کے مضبوط تعلقات کا حوالہ دیتے ہوئے کہا کہ امریکا اور سعودی عرب کے درمیان اسٹریٹیجک دفاعی معاہدے پر دستخط ہو چکے ہیں۔ ان کے مطابق واشنگٹن اور ریاض کے تاریخی روابط کو آئندہ مزید مستحکم بنایا جائے گا۔
صدر ٹرمپ کا کہنا تھا کہ مشرقِ وسطیٰ میں پائیدار امن کے حوالے سے پیش رفت جاری ہے اور موجودہ صورتحال میں غزہ پہلے کی نسبت زیادہ محفوظ ہے۔ انہوں نے مزید بتایا کہ غزہ بورڈ آف پیس کے اجلاس میں مختلف ممالک کے سربراہان شریک ہوں گے۔ اس دوران انہوں نے یہ بھی کہا کہ حماس کی جانب سے مزید یرغمالیوں کی میتیں ان کے اہلخانوں کے حوالے کر دی گئی ہیں۔
خطاب کے بعد سعودی ولی عہد نے صدر ٹرمپ کی مہمان نوازی کا شکریہ ادا کرتے ہوئے کہا کہ امریکا اور سعودی عرب کے تعلقات ہمیشہ مضبوط رہے ہیں اور یہ سفر مزید آگے بڑھے گا۔
واضح رہے کہ سعودی ولی عہد ان دنوں امریکا کے دورے پر ہیں، جہاں وائٹ ہاؤس میں صدر ٹرمپ کے ساتھ ملاقات کے بعد جاری اعلامیے میں بتایا گیا کہ دونوں ممالک کے درمیان سول نیوکلیئر معاہدے پر بھی اتفاق ہو گیا ہے۔
ذریعہ: Jasarat News
کلیدی لفظ: سعودی ولی عہد
پڑھیں:
امریکا نے سعودی عرب کو ایف-35 طیارے فروخت کرنے کا باضابطہ اعلان کر دیا
واشنگٹن:امریکی صدر ڈونلڈ ٹرمپ نے کہا ہے کہ امریکا جلد سعودی عرب کو جدید ترین ایف-35 اسٹیلتھ لڑاکا طیارے فروخت کرے گا۔
اوول آفس میں میڈیا سے گفتگو کرتے ہوئے صدر ٹرمپ نے تصدیق کی کہ سعودی ولی عہد محمد بن سلمان آج امریکا پہنچ رہے ہیں اور دونوں ممالک کے درمیان دفاعی تعاون کے اہم معاہدوں پر بات چیت ہوگی۔
غیر ملکی میڈیا کے مطابق سعودی عرب امریکا سے 48 ایف-35 طیاروں کی خریداری کا خواہش مند ہے جن کی مالیت کئی ارب ڈالر بتائی جا رہی ہے۔ وائٹ ہاؤس میں ولی عہد کے استقبال کے لیے خصوصی انتظامات مکمل کر لیے گئے ہیں۔
ذرائع کے مطابق ٹرمپ اور بن سلمان کی ملاقات میں دفاعی تعاون، مصنوعی ذہانت، سول نیوکلیئر پروگرام اور باضابطہ سکیورٹی گارنٹی جیسے اہم معاملات زیرِ غور آئیں گے۔
سعودی عرب امریکا سے تحریری سیکیورٹی ضمانت چاہتا ہے جبکہ امریکی صدر مئی میں کیے گئے 600 ارب ڈالر کی سعودی سرمایہ کاری کے وعدے پورے کرنے کی کوشش میں ہیں۔
صدر ٹرمپ نے اپنی گفتگو میں کئی اہم عالمی اور داخلی امور پر بھی اظہارِ خیال کیا اور کہا کہ ایران کی ایٹمی صلاحیت مکمل طور پر ختم کر دی ہے۔
ان کا کہنا تھا کہ غیرقانونی تارکینِ وطن کے روپ میں جرائم پیشہ افراد ملک میں داخل ہوئے ہیں، جرائم کا گڑھ بننے والے شہروں میں فوج بھیجی جا سکتی ہے۔
ٹرمپ نے کہا کہ امریکا میں ایک سال بعد بڑے پیمانے پر مقامی کمپیوٹر چپس کی تیاری شروع ہو جائے گی۔
امریکی صدر نے کہا کہ فیفا ورلڈکپ 2026 کے لیے امریکا خصوصی ٹاسک فورس بنا رہا ہے جبکہ رکن کانگریس مارکو روبیو ہوم لینڈ سیکیورٹی کے ساتھ مل کر تیاریوں کو حتمی شکل دیں گے۔
اس موقع پر فیفا چیئرمین نے ورلڈکپ انتظامات میں امریکی تعاون پر صدر ٹرمپ کا شکریہ ادا کیا۔
داخلی سیاست پر بات کرتے ہوئے ٹرمپ نے ایک بار پھر دعویٰ کیا کہ امریکا میں طویل ترین شٹ ڈاؤن کے ذمہ دار ڈیموکریٹس ہیں۔
حکومت کا جینا حرام کردیں گے، اپوزیشن کا احتجاجی تحریک شروع کرنے کا اعلان