وزیر اعلیٰ بلوچستان کو ہٹانے کی خبر ذاتی عناد نکلی، اندرونی کہانی سامنے آگئی
اشاعت کی تاریخ: 20th, November 2025 GMT
کوئٹہ (نیوزڈیسک) سرفراز بگٹی کو ہٹانے کی خبر ذاتی عناد نکلی جس کی اندرونی کہانی سامنے آگئی۔
ذرائع کا کہنا ہے کہ سینیٹر دوستین ڈومکی مبینہ طور پر ترقیاتی فنڈز نہ بڑھانے پر وزیر اعلیٰ سے ناراض ہیں، سینیٹر دوستین نے سرفراز بگٹی سے ترقیاتی اسکیم کے فنڈز بڑھانے کا مطالبہ کیا تھا۔
پی پی ذرائع کا کہنا ہے کہ سرفراز بگٹی نے سینیٹر دوستین سے ترقیاتی فنڈز بڑھانے سے معذرت کرلی تھی۔
ذرائع کا کہنا ہے کہ سینیٹر ڈومکی کا ترقیاتی فنڈنگ بڑھانے کا مطالبہ خلاف قواعد تھا، انہوں نے فنڈز کے معاملے پر وزیراعظم کو وزیر اعلیٰ بلوچستان کی شکایت کی تھی۔
وزیراعظم نے سینیٹر دوستین کے مطالبے پر سرفراز بگٹی کو پیغام بھیجوایا تھا جس پر انہوں نے مطالبے کی حقیقت سے آگاہ کیا تھا۔
واضح رہے کہ گزشتہ روز بلوچستان سے لیگی سینیٹر میر دوستین خان ڈومکی نے وزیراعلی بلوچستان کو ہٹانے جانے کا بیان دیا تھا۔
ذرائع کا کہنا ہے کہ پی پی کے ایم پی اے لیاقت لہڑی ذاتی عناد پر وزیر اعلیٰ سے ناراض ہیں، وہ مبینہ طور پر گرین بس سروس کی پبلک پرائیویٹ پارٹنر شپ کے مخالف ہیں۔
لیاقت لہڑی مبینہ طور پر بس سروس ٹھیکہ من پسند کمپنی کو دینا چاہتے تھے، وزیر اعلیٰ بلوچستان نے ان کا مطالبہ ماننے سے معذرت کرلی تھی۔
.
ذریعہ
ذریعہ: Daily Mumtaz
کلیدی لفظ: ذرائع کا کہنا ہے کہ سینیٹر دوستین سرفراز بگٹی وزیر اعلی
پڑھیں:
گلگت میں ن لیگ کے ترقیاتی کاموں کا کوئی جماعت مقابلہ نہیں کرسکتی، احسن اقبال
فائل فوٹووفاقی وزیر احسن اقبال نے کہا ہے کہ گلگت بلتستان میں ن لیگ کے ترقیاتی کاموں کا کوئی جماعت مقابلہ نہیں کرسکتی ہے۔
گلگت میں جیو نیوز سے گفتگو میں احسن اقبال نے کہا کہ مسلم لیگ ن کا گلگت بلتستان میں ترقیاتی کاموں کا ریکارڈ ہے، جس کا مقابلہ کوئی جماعت نہیں کرسکتی۔
انہوں نے کہا کہ گلگت بلتستان میں تمام جماعتیں اور ان کے لیڈرز انتخابی عمل میں حصہ لے رہے ہیں۔
وفاقی وزیر نے مزید کہا کہ اگر کوئی جماعت یہ کہتی ہے کہ اسے حصہ نہیں لینے دیا جارہا تو وہ اپنی شکست کا بہانہ تلاش کررہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ