جنرل ساحر شمشاد کا ایئر ہیڈکوارٹرز کا دورہ، ایئر چیف سے ملاقات
اشاعت کی تاریخ: 25th, November 2025 GMT
فوٹو: آئی ایس پی آر
چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے ایئر ہیڈکوارٹرز اسلام آباد کا دورہ کیا۔
مسلح افواج کے شعبہ تعلقات عامہ آئی ایس پی آر کے مطابق اس موقع پر پاک فضائیہ کے سربراہ ایئر چیف مارشل ظہیر احمد بابر سدھو نے جنرل ساحر شمشاد مرزا کا استقبال کیا۔ پاک فضائیہ کے چاق وچوبند دستے نے جنرل ساحر شمشاد مرزا کو گارڈ آف آنر پیش کیا۔
آئی ایس پی آر کے مطابق ایئر چیف نے چیئرمین جوائنٹ چیفس آف اسٹاف کمیٹی کی قومی دفاع میں شاندار اور نمایاں خدمات کو سراہا۔
آئی ایس پی آر کے مطابق پاک فضائیہ افواج کیساتھ قریبی تعاون جاری رکھتے ہوئے دہشتگردی کے خاتمے کیلئے کام کرتی رہے گی۔
چیئرمین جوائنٹ چیفس آف اسٹاف کمیٹی جنرل ساحر شمشاد نے منگل کو جی ایچ کیو کا الوداعی دورہ کیا۔ مسلح افواج کے شعبہ تعلقات عامہ آئی ایس پی آر کے مطابق فیلڈ مارشل عاصم منیر سے جنرل ساحر شمشاد مرزا کی الوداعی ملاقات ہوئی۔
چیئرمین جوائنٹ چیفس آف اسٹاف کمیٹی نے پاک فضائیہ کی جنگی تیاری پر اطمینان کا اظہار کیا اور فضائی سرحدوں کے تحفظ میں پیشہ ورانہ مہارت کو سراہا۔
آئی ایس پی آر کے مطابق جنرل ساحر شمشاد مرزا نے دہشتگردی کے خلاف جدوجہد میں پاک فضائیہ کے اہم کردار کا اعتراف کی۔
چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے تینوں مسلح افواج کے درمیان موجود ہم آہنگی کو سراہا اور کہا کہ یہ تعاون آنے والے برسوں میں مزید فروغ پاتا رہے گا۔
.ذریعہ: Jang News
کلیدی لفظ: چیئرمین جوائنٹ چیفس آف اسٹاف کمیٹی آئی ایس پی آر کے مطابق پاک فضائیہ
پڑھیں:
چیئرمین جوائنٹ چیفس آف اسٹاف کمیٹی کا عہدہ ختم‘ جنرل ساحر شمشادمرزا ذمے داریوں سے سبکدوش
data-id="863a0a8" data-element_type="widget" data-widget_type="theme-post-content.default">
251125-01-23
اسلام آباد (مانیٹرنگ ڈیسک) چیئرمین جوائنٹ چیفس آف اسٹاف کمیٹی کا عہدہ ختم ہوگیا جبکہ جنرل ساحر شمشاد اپنی ذمے داریوں سے سبکدوش ہوگئے۔ صدر مملکت آصف زرداری اور وزیرِ اعظم محمد شہباز شریف سے سبکدوش ہونے والے چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے الوداعی ملاقات کی۔ 27ویں آئینی ترمیم کے بعد پاک فوج میں چیئرمین جوائنٹ چیفس آف اسٹاف کا عہدہ ختم کردیا گیا۔ رپورٹس کے مطابق جنرل ساحر شمشاد مرزا مسلح افواج کے18ویں اور آخری چیئرمین جوائنٹ چیفس آف اسٹاف کمیٹی ہوں گے جو 27 نومبر 2025ء کو اپنی ملازمت کی مقررہ مدت پوری کریں گے۔ آئین میں 27ویں ترمیم کے نتیجے میں، ان کے بعد کوئی CJCSC نامزد نہیں کیا جائے گا۔ پہلے CJCSC جنرل محمد شریف تھے جنہیں اس وقت کے وزیراعظم ذوالفقار علی بھٹو نے 1 مارچ 1976ء کو مقرر کیا تھا۔ ایڈمرل محمد شریف اور ایڈمرل افتخار احمد سروہی نیوی سے تھے جبکہ پاکستان ایئر فورس (PAF) سے صرف ایئر چیف مارشل فاروق فیروز خان نے بطور CJCSC خدمات انجام دیں۔ جنرل ساحر شمشاد مرزا نے صدر مملکت سے ایوان صدر میں الوداعی ملاقات کی۔ صدر مملکت نے جنرل ساحر شمشاد مرزا کی پیشہ ورانہ صلاحیتوں کو خراج تحسین پیش کیا۔ صدر زرداری نے قومی دفاع کے لیے جنرل ساحر شمشاد مرزا کی خدمات کو سراہا، صدر مملکت کی جانب سے جنرل ساحر شمشاد مرزا کے لیے نیک تمناؤں کا اظہار کیا۔وزیر اعظم محمد شہباز شریف سے بھی سبکدوش ہونے والے چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے الوداعی ملاقات کی۔ ملاقات میں وزیرِ اعظم نے جنرل ساحر شمشاد مرزا کی پیشہ ورانہ صلاحیتوں اور ملک و قوم کے لیے خدمات کی تعریف کی
خیبر پی کے بانی کے ریاست مدینہ ماڈل کے تحت فلاحی طرز حکمرانی پر گامزن: سہیل آفریدی