یورپی یونین کا پاکستان میں سیلاب متاثرین کیلئے مزید 30 لاکھ یورو امداد کا اعلان
اشاعت کی تاریخ: 2nd, December 2025 GMT
اسلام آباد ( نیوزڈیسک) یورپی یونین نے پاکستان میں سیلاب سے شدید متاثرہ آبادیوں کے لیے 30 لاکھ یورو کی اضافی ہنگامی امداد کا اعلان کردیا۔
یورپی یونین کی ہنگامی امداد پنجاب کے اُن علاقوں میں خرچ کی جائے گی جو حالیہ مون سون میں بدترین تباہی کا شکار ہوئے۔
یورپی یونین کی جانب سے فراہم کی جانے والی یہ امداد نقد معاونت کی صورت میں دی جائے گی تاکہ شدید متاثرہ افراد کی بنیادی ضروریات فوری پوری کی جاسکیں۔
یورپی یونین کی جانب سے ستمبر میں بھی 10 لاکھ 50 ہزار یورو فراہم کیے گئے تھے جو صحت، صاف پانی، صفائی اور دیگر ضروری خدمات کے لیے استعمال ہوئے۔
رواں سال کی مون سون بارشوں سے ملک بھر میں تقریباً 70 لاکھ افراد متاثر جبکہ 29 لاکھ سے زائد افراد بے گھر ہوئے، سیلاب سے ہزار سے زائد اموات رپورٹ ہوئیں اور دو لاکھ سے زیادہ گھروں سمیت زرعی اراضی اور فصلوں کو شدید نقصان پہنچا۔
یورپی یونین حکام نے بتایا کہ رواں سال مون سون پاکستان کے لیے انتہائی تباہ کن رہا، پنجاب کو گزشتہ 40 برسوں کی بدترین سیلابی صورتحال کا سامنا رہا، لوگوں کے گھر، سامان، فصلیں اور مویشی پانی میں بہہ گئے۔
حکام کے مطابق یورپی یونین کی یہ امداد ہماری عالمی یکجہتی کا اظہار ہے اور یہ ان متاثرہ خاندانوں کے لیے انتہائی اہم ثابت ہوگی، حالیہ امداد کے بعد یورپی یونین کی جانب سےرواں سال پاکستان کو ملنے والی امداد ایک کروڑ 45 لاکھ یورو سے تجاوز کر گئی۔
.ذریعہ: Daily Mumtaz
کلیدی لفظ: یورپی یونین کی کے لیے
پڑھیں:
GSP پلس نے پاکستان کی یورپی یونین کو برآمدت میں اضافہ کیا ، عاطف اکرام شیخ
data-id="863a0a8" data-element_type="widget" data-widget_type="theme-post-content.default">
کراچی (کامرس رپورٹر) صدرفیڈریشن آف پاکستان چیمبرز آف کامر س اینڈ انڈسٹر ی عاطف اکرم شیخ نے آگاہ کیا ہے کہ یورپی یونین کے GSP پلس مانیٹرنگ مشن، جس کی قیادت ٹریڈ مشن کے لیڈ، Sergio Balibrea کر رہے تھے، نے ایف پی سی سی آئی کے ہیڈ آفس کراچی کا دورہ کیا ہے۔ اس دورے کا مقصد پاکستان کی GSP پلس اسکیم کے تحت پیش رفت کا جائزہ لینا اور باہمی تعاون کے نئے مواقع تلاش کرنا تھا۔صدر ایف پی سی سی آئی عاطف اکرام شیخ کے مطابق، وفد نے سینئر نائب صدر ایف پی سی سی آئی ثاقب فیاض مگوں،نائب صدر قرۃ العین، ایف پی سی سی آئی کے پاکستان ، یورپی یونین بزنس فورم کے چیئر مین زبیر باویجہ اور رکن قومی اسمبلی و سابق سنیئر نائب صدر ایف پی سی سی آئی ڈاکٹر مرزا اختیار بیگ سمیت سینئر اراکین سے تفصیلی ملاقات کی ہے اورپاکستان کی جی ایس پی پلس میں پیش رفت اور تجارتی کارکردگی کا جائزہ لیا۔ صدر ایف پی سی سی آئی عاطف اکرام شیخ نے وضاحت کی کہ GSP پلس اسکیم نے پاکستان کی یورپی یونین کو برآمدات میں نمایاں اضافہ کیا ہے۔انہوں نے بتایا کہ پاکستان کی EU کو برآمدات 2013 میں 5.4 ارب ڈالر سے بڑھ کر 2024 میں 13.54 ارب ڈالر تک پہنچ گئیں ہیں۔ لیکن، برآمدات میں ٹیکسٹائل کا حصہ تقریباً 82فیصد ہے، جو کہ پاکستان کی ایکسپورٹ باسکٹ میں تنوع کی کمی کو اجاگر کرتا ہے۔ ٹریڈ مشن وفد کے سربراہ Sergio Balibrea نے پاکستان کی پیش رفت کو سراہنے کے ساتھ ساتھ یہ بھی کہا کہ پاکستان کو پائیدار اصلاحات، ادارہ جاتی مضبوطی اور مؤثر عمل درآمد پر مزید توجہ دینے کی ضرورت ہے۔ دونوں فریقین نے انسانی حقوق و دیگر کنونشنز کی تعمیل اور اسٹریٹجک انگیجمنٹ پلان کے تحت طویل المدتی، وسیع البنیاد اور مستقبل پر مبنی شراکت داری کو مضبوط کرنے کے عزم کا اظہار بھی کیا۔
عام شہریوں پر حملہ کرنا ہماری پالیسی نہیں،وزیر دفاع