پی ٹی آئی صوابی احتجاج پر تقسیم، عمران خان کی بہنوں کی ہدایت تک موٹروے پر دھرنے کا اعلان
اشاعت کی تاریخ: 2nd, December 2025 GMT
عمران خان کی رہائی کے لیے ہونے والے احتجاج کے سلسلے میں پاکستان تحریک انصاف کی جانب سے صوابی موٹروے پر احتجاج کی کال پر پارٹی اندرونی طور پر تقسیم نظر آئی۔
وزیراعلیٰ خیبر پختونخوا سہیل آفریدی نے منتخب اراکین کو ہدایت کی تھی کہ وہ آج یعنی منگل اسلام آباد ہائیکورٹ پہنچیں اور اڈیالہ جیل کے سامنے ہونے والے احتجاج میں شرکت کریں۔
یہ بھی پڑھیں: پی ٹی آئی احتجاج کے لیے تیار، مگر وزیراعلیٰ خیبرپختونخوا سہیل آفریدی ماضی کے تجربات سے محتاط رہنے کے حامی
جبکہ اسی روز پی ٹی آئی کی جانب سے کارکنوں کو صوابی پہنچنے اور وہاں احتجاج کرنے کی ہدایت بھی جاری ہوئی۔
صوابی احتجاج کی کال کس نے دی؟پی ٹی آئی اراکین اور کارکن بغیر انتظار کیے اسلام آباد روانہ ہوگئے، جبکہ پشاور سے کارکن صوابی احتجاج کے لیے موٹروے ٹول پلازہ پہنچ گئے۔
سابق صوبائی وزیر اور پی ٹی آئی کے سینئر رہنما شوکت یوسفزئی نے بتایا کہ صوابی احتجاج کی کال پارٹی نے نہیں دی تھی بلکہ عمران خان کے کزن احمد خان نیازی نے دی تھی۔
مزید پڑھیں: پی ٹی آئی احتجاج: صوبائی وزیر شفیع جان کارکنوں کے ہمراہ اسلام آباد ہائیکورٹ پہنچ گئے، سیکیورٹی ہائی الرٹ
ان کے مطابق پارٹی اور وزیراعلیٰ نے واضح ہدایت کی تھی کہ کارکن اڈیالہ جیل پہنچیں۔
انہوں نے کہا کہ صوابی والا ٹوکن احتجاج ہے، اس کی کال پارٹی نے جاری نہیں کی تھی۔
عمران خان کی بہنوں کے اعلان تک احتجاج جاری رکھنے کا فیصلہصوابی میں احتجاج کی کال دینے والے احمد خان نیازی نے میڈیا سے گفتگو میں کہا کہ یہ احتجاج بانی پی ٹی آئی کی رہائی کے لیے ہے۔
ان کا کہنا تھا کہ موٹروے کو صوابی کے مقام پر بند کیا جائے گا اور جب تک عمران خان کی بہنوں کی جانب سے کوئی ہدایت موصول نہیں ہوتی، احتجاج جاری رہے گا۔
ورکرز کم تعداد میں کیوں نکلے؟صوابی احتجاج کے لیے صوبے کے مختلف اضلاع سے کارکن قافلوں کی صورت میں روانہ ہوئے، تاہم مجموعی شرکت توقع سے کم رہی۔
پشاور سے کارکنوں کی آمد بھی محدود رہی جس کے باعث قافلہ تاخیر سے روانہ ہوا۔
کارکنوں کے مطابق پارٹی تنظیم کی جانب سے کوئی واضح ہدایات جاری نہیں کی گئیں، جس کے باعث یہ ابہام برقرار رہا کہ جانا کہاں ہے اور لائحۂ عمل کیا ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتجاج پاکستان تحریک انصاف پی ٹی آئی ٹول پلازہ شوکت یوسفزئی صوابی عمران خان موٹروے.
ذریعہ
ذریعہ: WE News
کلیدی لفظ: پاکستان تحریک انصاف پی ٹی ا ئی ٹول پلازہ شوکت یوسفزئی صوابی موٹروے احتجاج کی کال صوابی احتجاج عمران خان کی کی جانب سے احتجاج کے پی ٹی آئی سے کارکن کے لیے
پڑھیں:
5 جون کا وفاقی بجٹ اجلاس مؤخر، نئی تاریخ کا فیصلہ نہ ہوسکا
پانچ جون کا وفاقی بجٹ اجلاس مؤخر کردیا گیا، نئی تاریخ کا فیصلہ نہ ہوسکا۔
بجٹ پر پیپلز پارٹی کے خدشات دور کرنے کے لیے وزارت خزانہ میں حکومت اور پیپلز پارٹی کے منگل کی رات مذاکرات ہوئے مگر پیپلز پارٹی کے خدشات دور نہ کیے جاسکے۔
ذرائع کے مطابق پیپلز پارٹی اورحکومتی ٹیم کا اجلاس آج دوبارہ ہوگا۔
پیپلز پارٹی کو گلہ ہے کہ بجٹ پر انہیں اعتماد میں نہیں لیا گیا۔
حکومت بجٹ سے پہلے اہم قانون سازی کرنا چاہتی ہے لیکن پیپلز پارٹی مجوزہ ترامیم کی مخالف ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ