جی ایچ کیو حملہ کیس: زرتاج گل، عمر ایوب ، شبلی فراز 15 ملزمان کی جائیداد ضبط
اشاعت کی تاریخ: 2nd, December 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی: انسدادِ دہشت گردی عدالت نے جی ایچ کیو حملہ کیس میں سابق وفاقی وزرا، ارکانِ پارلیمنٹ اور دیگر اہم سیاسی رہنماؤں سمیت 15اشتہاری ملزمان کی جائیداد ضبط کرنے کا حکم جاری کردیا۔
عدالت کی جانب سے نئے حکم نامے میں واضح کیا گیا ہے کہ تمام نامزد افراد کو پہلے ہی سنائی جانے والی سزاؤں کے باوجود وہ عدالت کے سامنے پیش نہیں ہوئے، جس کے باعث کارروائی کو اگلے مرحلے میں آگے بڑھایا جا رہا ہے۔
سماعت کے دوران عدالت کو آگاہ کیا گیا کہ یہ تمام ملزمان طویل عرصے سے قانون کی دسترس سے باہر ہیں اور باقاعدہ اشتہاری قرار دیے جا چکے ہیں۔ فہرست میں سابق قائد حزبِ اختلاف عمر ایوب، سابق قائد حزبِ اختلاف سینیٹ شبلی فراز، سابق وزیر زرتاج گل، شیخ راشد شفیق، حسن نواز، شکیل نیازی سمیت وہ تمام افراد شامل ہیں جن کے خلاف فیصل آباد کی انسدادِ دہشت گردی عدالت پہلے ہی 40، 40 سال قید کی سزا سنا چکی ہے۔
عدالت نے اپنے تحریری حکم میں کہا کہ تمام اشتہاری ملزمان کو ایک بار پھر حکم دیا جاتا ہے کہ وہ عدالت کے روبرو پیش ہو کر اپنی موجودگی یقینی بنائیں، بصورتِ دیگر ان کی مکمل منقولہ اور غیرمنقولہ جائیداد ضبط کر لی جائے گی۔ عدالت نے یہ بھی ہدایت دی کہ جائیداد کی ضبطی کے بعد متعلقہ ریونیو حکام اسے قانون کے مطابق اوپن نیلامی کے ذریعے فروخت کرنے کا عمل بھی مکمل کریں۔
.
ذریعہ
ذریعہ: Jasarat News
پڑھیں:
پنجاب حکومت کا سرکاری ملازمین اور پنشنرز کو جولائی کی ادائیگیاں قبل از وقت کرنے کا فیصلہ
پنجاب حکومت (Punjab Government)نے یکم اور 2 اگست کو ہفتہ اور اتوار کی سرکاری تعطیلات کے پیش نظر صوبے کے سرکاری ملازمین اور پنشنرز کو جولائی کی تنخواہیں، الاؤنسز اور پنشن مقررہ تاریخ سے قبل ادا کرنے کا فیصلہ کر لیا ہے۔
محکمہ خزانہ پنجاب کے مطابق تمام سرکاری ملازمین کو جولائی کی تنخواہیں اور واجب الاؤنسز 31 جولائی کو ادا کیے جائیں گے، جبکہ صوبے کے تمام پنشنرز کو بھی اسی روز جولائی کی پنشن جاری کر دی جائے گی۔
محکمہ خزانہ نے بتایا کہ اس سلسلے میں گورنر پنجاب (Governor of Punjab) نے 31 جولائی کو تنخواہوں، الاؤنسز اور پنشن کی قبل از وقت ادائیگی کی منظوری دے دی ہے تاکہ تعطیلات کے باعث ادائیگی میں کسی قسم کی تاخیر نہ ہو۔
مزیدپڑھیں:دفتری نظم و ضبط کی پابندی کی ہدایت ،نیاسرکلرجاری
فیصلے پر عملدرآمد کے لیے محکمہ خزانہ نے اکاؤنٹنٹ جنرل پنجاب (Accountant General Punjab)، تمام ضلعی ٹریژری دفاتر اور ڈسٹرکٹ اکاؤنٹس افسران کو باضابطہ ہدایات جاری کر دی ہیں۔ اس کے ساتھ متعلقہ بینکوں کو بھی ہدایت کی گئی ہے کہ وہ 31 جولائی کو سرکاری ملازمین کی تنخواہوں اور پنشنرز کی پنشن کی بروقت ادائیگی کے لیے تمام ضروری انتظامات مکمل کریں۔
حکام کے مطابق یکم اور 2 اگست کو ہفتہ اور اتوار کی تعطیلات کے باعث یہ فیصلہ کیا گیا ہے تاکہ سرکاری ملازمین اور پنشنرز کو بروقت ادائیگی یقینی بنائی جا سکے اور انہیں مالی معاملات میں کسی قسم کی دشواری کا سامنا نہ کرنا پڑے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی