ای چالان ‘کراچی میں آنے والی انٹر سٹی بسوں کیلئے ایک اور مشکل
اشاعت کی تاریخ: 3rd, December 2025 GMT
data-id="863a0a8" data-element_type="widget" data-widget_type="theme-post-content.default">
کراچی (مانیٹرنگ ڈیسک)کراچی میں داخل ہونے والی تمام انٹر سٹی بسوں کے خلاف ای ٹکٹ جاری کر دیا گیا ہے۔تفصیلات کے مطابق شہر کے اندر داخل ہونے والی تمام انٹر سٹی بسوں کے خلاف ای ٹکٹ جاری کر دیا گیا ہے۔ ترجمان ٹریفک پولیس کے مطابق وہ تمام انٹرسٹی بسیں جو سہراب گوٹھ بس ٹرمینل یا کراچی بس ٹرمینل کے قواعد کے خلاف ورزی کرتے ہوئے براہ راست شہر میں داخل ہوتی ہیں ان کے خلاف ای ٹکٹ جاری کیا جا رہا ہے۔مزید برآں سخت قانونی کاروائی بھی عمل میں لائی جائے گی۔ خلاف ورزی کرنے والی گاڑیوں کے ڈرائیورز کے خلاف سخت قانونی اقدامات اور مسلسل خلاف ورزی پر اضافی کاروائی کی جائے گی۔ترجمان ٹریفک پولیس کے مطابق انٹر سٹی بسز صرف اور صرف سہراب گوٹھ بس ٹرمینل اور کراچی بس ٹرمینل تک محدود رہیں شہر کے اندر انٹر سٹی بس کا داخلہ ٹریفک میں رکاوٹ حادثات کے خطرات اور شہریوں کی مشکلات میں اضافے کا باعث بنتا ہے۔تمام ٹرانسپورٹ آپریٹر کوسختی سے ہدایت کی جاتی ہے کہ وہ صرف مقررہ ٹرمینلزکا استعمال کریں اورٹریفک قوانین کی مکمل پابندی کریں بدصورت مزید دیگر سخت کاروائی عمل میں لائی جائے گی۔
ذریعہ: Jasarat News
کلیدی لفظ: انٹر سٹی بس کے خلاف
پڑھیں:
لاہور میں ٹریفک قوانین کی خلاف ورزی پر 149 پولیس اہلکاروں کی گاڑیاں بند
data-id="863a0a8" data-element_type="widget" data-widget_type="theme-post-content.default">
لاہور : پنجاب کے صوبائی دارالحکومت میں ٹریفک قوانین کی خلاف ورزی پر نہ صرف عام شہری بلکہ پولیس افسران اور اہلکار بھی قانون کی گرفت میں آگئے ہیں، شہر میں ٹریفک قوانین پر عمل درآمد یقینی بنانے کے لیے لاہور ٹریفک پولیس کی جانب سے تین روزہ خصوصی مہم کے دوران 149 پولیس افسران و اہلکاروں کی گاڑیاں ای چالان ڈیفالٹر ہونے پر بند کردی گئیں۔
چیف ٹریفک آفیسر (سی ٹی او) لاہور ڈاکٹر اطہر وحید کے مطابق دورانِ مہم موقع پر ہی 80 سے زائد پولیس موٹر سائیکلوں اور گاڑیوں کے چالان کیے گئے جبکہ ای چالان واجبات ادا کرنے کے بعد گاڑیوں کو چھوڑا گیا، قانون سب کے لیے برابر ہے، چاہے عام شہری ہوں یا وردی میں موجود اہلکار، ٹریفک قوانین کی خلاف ورزی پر کسی کو کوئی رعایت نہیں دی جائے گی۔
سی ٹی او لاہور نے بتایا کہ ٹریفک پولیس نے گزشتہ دنوں کے دوران مختلف سرکاری اداروں کی غفلت کے خلاف بھی کارروائی کی، 55 سے زائد سرکاری محکموں کی تقریباً 600 گاڑیوں کے ای چالان جمع کروائے گئے، جس کے بعد گاڑیوں کو کلئر کیا گیا، سرکاری محکموں کی جانب سے بھی ٹریفک قوانین کی خلاف ورزیوں میں اضافہ دیکھا جا رہا ہے، جسے روکنے کے لیے خصوصی ہدایات جاری کی گئی ہیں۔
ڈاکٹر اطہر وحید کے مطابق شہر میں ٹریفک نظام کو مؤثر بنانے اور حادثات میں کمی لانے کے لیے سخت اقدامات ناگزیر ہو چکے ہیں، لاہور کی سڑکوں پر غیر ذمہ دارانہ ڈرائیونگ، سگنل توڑنے، اوور اسپیڈنگ اور غلط پارکنگ جیسے عوامل نہ صرف ٹریفک جام کا باعث بنتے ہیں بلکہ شہریوں کی جانوں کو بھی خطرے میں ڈالتے ہیں۔
سی ٹی او لاہور نے واضح کیا کہ ٹریفک پولیس کی جانب سے بلاامتیاز کارروائیوں کا سلسلہ آئندہ دنوں میں مزید سخت کیا جائے گا، جبکہ شہریوں سے اپیل ہے کہ ای چالان چیک کرنے، ٹریفک قوانین کی پابندی کرنے اور سفر کے دوران احتیاط کو یقینی بنائیں تاکہ ٹریفک نظام بہتر ہو سکے اور حادثات میں کمی آئے۔
پاک افغان بارڈر بندش سے پریشان تاجر مدد کیلئے فضل الرحمان کے پاس پہنچ گئے