صوبائی دارالحکومت میں اشتہاریوں، عادی ملزمان و عدالتی مفروران کے خلاف اسپیشل آپریشن
اشاعت کی تاریخ: 7th, December 2025 GMT
پنجاب کے صوبائی دارالحکومت لاہور میں اشتہاریوں، عادی ملزمان و عدالتی مفروران کے خلاف اسپیشل آپریشن جاری ہے۔
تفصیلات کے مطابق ترجمان ڈولفن نے بتایا کہ 72 گھنٹے کے دوران اشتہاریوں، عدالتی مفروران اور عادی ملزمان کیخلاف کارروائیاں جاری ہیں۔
ایس پی ڈولفن اختر نواز نے بتایا کہ 43 اشتہاریوں سمیت مختلف مقدمات میں مطلوب 345 ملزمان گرفتار کیے گئے جبکہ گرفتار ملزمان پر سنگین جرائم کے متعدد مقدمات درج ہیں۔
ڈولفن اسکواڈ نے 194 ریکارڈ یافتہ، 74 عادی مجرمان کو حراست میں لیا اورمختلف زیر سماعت مقدمات میں 34 عدالتی مفروران بھی گرفتار کئے گئے۔ ڈولفن سکواڈ نے گرفتار ملزمان کو کارروائی کیلئے متعلقہ تھانوں کے حوالے کر دیا ہے۔
ایس پی نے بتایا کہ شہر میں امن و امان کے قیام کو یقینی بنانے کے لیے ہمہ وقت الرٹ ہیں۔ اشتہاریوں، عادی ملزمان و عدالتی مفروران کیخلاف اسپیشل ٹارگٹڈ آپریشن جاری رہے گا۔
ذریعہ: Express News
کلیدی لفظ: عدالتی مفروران
پڑھیں:
کراچی میں غیرقانونی کال سینٹر پر چھاپہ، 5 ملزمان گرفتار
ڈیجیٹل ڈکیتیوں میں ملوث ملزمان بیرون ملک لوگوں کے بینک اکاونٹ ہیک کرلیتے تھے
ڈی ایچ اے فیز 6 میںکارروائی،1 لیپ ٹاپ ، 13 موبائل فونز،مختلف اہم دستاویزات برآمد
(رپورٹ: افتخار چوہدری) غیرقانونی کال سینٹر سے ڈیجیٹل ڈکیتیوں میں ملوث 5 ملزمان کو گرفتار کرلیا گیا، ملزمان بیرون ملک لوگوں کے بینک اکاونٹ ہیک کرلیتے تھے۔تفصیلات کے مطابق یشنل سائبرکرائم انویسٹی گیشن ایجنسی کراچی نے ڈی ایچ اے فیز 6 میں غیرقانونی کال سینٹر پر چھاپہ مار کر ڈیجیٹل ڈکیتیوں میں ملوث 5 ملزمان کو گرفتار کرلیا ہے۔کارروائی بڑا بخاری میں ایک فلیٹ پر کی گئی ہے، جسے منظم کارروائیوں کے لیے جواد خان نامی ملزم نے لے رکھا ہے تاہم وہ بیرون ملک فرار ہے۔گرفتار ملزمان میں ایل ون، ملک نثار، شیرازطارق، شہریار طارق اور وائز شامل ہیں۔ایڈیشنل ڈائریکٹر این سی سی آئی کراچی طارق نواز نے بتایا کہ اس فلیٹ سے ہیکنگ کا منظم نیٹ ورک چلایا جارہا تھا۔ان کا کہنا تھا کہ ملزمان بیرون ملک ڈیجیٹل وارداتوں میں ملوث ہیں، جو بیرون ملک لوگوں کے بینک اکاونٹ ہیک کرلیتے تھے اوران اکاونٹس سے اپنے مختلف اکاونٹس میں رقم ٹرانسفر کرتے تھے۔فلیٹ میں سرچنگ کے دوران 11 سینٹرل پروسیسنگ یونٹس، 1 لیپ ٹاپ ، 13 موبائل فونزاورمختلف اہم دستاویزات برآمد کرلی ہے ۔ ایڈیشنل ڈائریکٹراین سی سی آئی نے کہا کہ ملزمان کیخلاف مقدمہ درج کرلیا گیا ہے۔کراچی میں ہیکنگ یا ڈبے کے غیرقانونی دھندے میں ملوث عناصر کے خلاف گرینڈ آپریشن کا آغاز کردیا گیا ہے اور ایسے عناصر کو گرفتار کرکے جلد کٹہرے میں لایا جائے گا۔
راستہ تبدیل نہیں ہوگا، ضرورت پڑی تو اسلام آباد کا رخ کریں گے ، مولانا فضل الرحمان