حکومت نے نئی الیکٹرک وہیکل پالیسی تیار کرلی
اشاعت کی تاریخ: 9th, December 2025 GMT
علی رامے:پنجاب حکومت نے صوبے کی پہلی الیکٹرک وہیکل (ای وی) پالیسی تیار کر لی ہے۔
محکمہ ٹرانسپورٹ نے نئی پالیسی اور چارجنگ اسٹیشنز کے منصوبے کی سمری منظوری کے لیے کابینہ کو بھجوا دی ہے۔ حکام کے مطابق پالیسی کا مقصد شہریوں کو کم خرچ، ماحول دوست اور جدید سفری سہولتیں فراہم کرنا ہے۔
صوبے کی پہلی برقی گاڑیوں کی پالیسی اور چارجنگ اسٹرکچر کا پلان تیار کر لیا گیا ہے،بینک آف پنجاب کو ای وی فنانسنگ کے لیے سرکاری انٹرمیڈیڑی مقرر کرنے کا فیصلہ کر لیا،شہریوں کے لیے الیکٹرک موٹرسائیکل اور ای رکشہ آسان اقساط پر دستیاب ہوں گے،پالیسی کے تحت سرکاری افسران کیلئے گاڑیاں بھی برقی خریدی جائیں گی،پنجاب بھر میں چارجنگ اسٹیشنز کے قیام کا جامع منصوبہ تیار کر لیا گیا۔
اساتذہ کے تبادلوں کے لیے سخت شرائط عائد
نئی پالیسی سے پٹرول کے اخراجات میں نمایاں کمی آئے گی اور سفر مزید سستا ہوگا،برقی گاڑیوں سے ماحولیاتی آلودگی میں واضح کمی متوقع ہے،ای وی سسٹم چلانے کیلئے خصوصی الیکٹرک وہیکل ادارہ قائم کیا جائے گا،عوام کو برقی گاڑیوں کے استعمال میں آسانی کے لیے چارجنگ انفراسٹرکچر تیزی سے بڑھایا جائے گا۔
حکام کے مطابق یہ پالیسی شہریوں کے لیے ریلیف، ٹیکنالوجی کی جدید سہولت اور صاف ماحول کی طرف ایک بڑا قدم ہے۔
ٹک ٹاکر کاشف ضمیر کا سونا جعلی نکلا ،10 لاکھ شرط بھی ہار گئے
.
ذریعہ
ذریعہ: City 42
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
بھارت سے جنگ اور افغانستان میں کارروائی خارج ازامکان نہیں، وزیردفاع