بھارت: گوا کے نائٹ کلب میں آتشزدگی، 25 افراد ہلاک، مالک فرار
اشاعت کی تاریخ: 9th, December 2025 GMT
بھارت(ویب ڈیسک) ریاست گوا کے نائٹ کلب میں لگنے والی آگ سے 25 افراد ہلاک ہوگئے جبکہ مالک ملک سے فرار ہو گیا۔غیر ملکی خبررساں ادارے ‘اے ایف پی’ نے پولیس حکام کے حوالے سے رپورٹ کیا کہ بھارت کے سیاحتی مرکز گوا کے ایک نائٹ کلب میں ہفتے کے اختتام پر لگنے والی آگ میں 25 افراد کی ہلاک ہو گئے تھے، پولیس کے مطابق کلب کے مالکان ملک سے فرار ہو گئے ہیں۔
ریاست کے شمالی ساحلی علاقے آربورا میں واقع اس کلب میں پیش آنے والے حادثے کے زیادہ تر ہلاک شدگان عملے کے افراد تھے، جن میں چار نیپالی شہری بھی شامل تھے۔افسران کے مطابق آگ کا سبب ممکنہ طور پر ‘الیکٹریکل آتش بازی’ تھی، اور زیادہ تر افراد کی موت تہہ خانے اور باورچی خانے میں دم گھٹنے کی وجہ سے ہوئی، جب کلب کے لکڑی کے حصوں نے آگ پکڑ لی۔پولیس کی جانب سے پیر کی شب جاری بیان میں کہا گیا کہ کلب کے مالکان سوربھ اور گورو لتھرا حادثے کے فوراً بعد تھائی لینڈ کے شہر فوکٹ چلے گئے۔
اے ایف پی نے سوربھ لتھرا سے رابطہ کیا لیکن فوری طور پر کوئی جواب موصول نہیں ہوا۔پولیس نے بتایا کہ افسران نے نئی دہلی میں بھائیوں کے گھر پر چھاپہ مارا، مگر معلوم ہوا کہ وہ ملک چھوڑ چکے ہیں۔پولیس کا مزید کہنا تھا کہ یہ ان کے تفتیش سے بچنے کے ارادے کو ظاہر کرتا ہے، حکام نے ان کی تلاش میں انٹرپول سے مدد کی درخواست کی ہے۔
گزشتہ روز سوربھ لتھرا نے ایک سوشل میڈیا پوسٹ میں اس سانحے پر ‘گہرے دکھ’ کا اظہار کرتے ہوئے متاثرہ خاندانوں کو ‘ہر ممکن مدد’ فراہم کرنے کا وعدہ کیا، تاہم انہوں نے اپنی موجودہ جگہ نہیں بتائی۔انہوں نے لکھا کہ ‘انتظامیہ اس المناک واقعے سے ہونے والے جانی نقصان پر گہرے دکھ کا اظہار کرتی ہے اور اس سے انتہائی افسردہ ہے۔’بحیرۂ عرب کے کنارے واقع گوا نائٹ لائف، ریتیلی ساحلوں اور پرسکون ساحلی ماحول کی وجہ سے ہر سال لاکھوں سیاحوں کو اپنی جانب کھینچتا ہے۔
.
ذریعہ
ذریعہ: Daily Mumtaz
کلیدی لفظ: کلب میں
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا