جامشورو ،مختلف وارڈز گندگی کی ڈھیر میںتبدیل
اشاعت کی تاریخ: 10th, December 2025 GMT
data-id="863a0a8" data-element_type="widget" data-widget_type="theme-post-content.default">
جامشورو(نمائندہ جسارت )جامشورو میں عوام کو سہولیات بہم پہنچانے میں ناکام نظر آرہی ہے۔ مختلف وارڈز میں گندگی کے ڈھیر، گنداپانی جمع ہو نا، نکاسی آب کا سسٹم نہ ہونا، مختلف علاقوں میں پینے کے پانی کی عدَم فراہمی ٹاؤن آفس کی جانب سے سہولیات کا فقدان ہے۔ جامشورو سینڈوز روڈ اور ریلوے کراسنگ کی دوسری جانب مختلف پوش آبادیوں (وارڈز) کے عوام کو ایک طرف سے دوسری طرف آنے جانے میں سخت پریشانی کا سامنا کرنا پڑ رہا ہے۔ سینڈوز کے اطراف علاقہ مکینوں کو لمس اسپتال جامشورو آنے جانے میں جبکہ وارڈ نمبر 10 سے سید آباد مدینہ نگر والوں کو سینڈوز مین روڈ پر آنے میں سخت پریشانی ہو رہی ہے، جو کہ عوام کے لیے پریشانی کا باعث بنا ہوا ہے۔ جبکہ علاقہ مکینوں کی جانب سے مساجد میں آبادیوں کو ملانے والے راستے کے لیے دعا ؤں کا سلسلہ جاری ہے۔ عوامی سہولیات اور بار بار ٹاؤن چیئر مین کی توجہ اِس طرف دِلانے کے باوجود ٹاؤن انتظامیہ کے سر پر جوں نہ رینگنے پر عوام سخت نالاں نظر آتے ہیں، عوام کا کہنا ہے کہ ریلوے کراسنگ کے نیچے سے آنے جانے میں ایک طرف تو جمع گندے پانی سے کپڑے خراب ہوتے ہیں، دوسری طرف موٹر سائیکلوں پر سوار سخت کیچڑ ہو نے باعث فیملی سمیت گِر کر سخت زخمی ہوجاتے ہیں۔علاقہ مکینوں نے ٹاؤن چیئر مین بلال قادر شورو اور کونسلر سے مطالبہ کیا ہے کہ علاقہ مکینوں کواس پریشانی سے نجات دِلائیں۔جبکہ سینڈوز روڈاوروارڈ نمبر 10 سمیت پورے جامشورو کی مرکزی سڑک ہے، جامشورو کے مرکزی تھانے سے سیکڑوں لوگ،اورگاڑیاں گزرتی ہیں۔ عوامی احتجاج یا دھرنوں کی وجہ سے انڈس ہائی وے بند ہونے کے بعد بھی کراچی، حیدرآباد، دادو سہون، میہڑ اور دیگر صوبوں کو جانے والی گاڑیاں بھی اسی راستے سے گزر کر مرکزی روڈز کو جاتی ہیں۔ شہریوں کا یہ بھی کہنا تھا کہ اگر گٹر کے پانی اور ٹوٹی ہوئی واٹر سپلائی لائن کی مرمت نہ کی گئی تو وہ ٹاؤن آفس کے سامنے احتجاج کریں گے۔
ذریعہ
ذریعہ: Jasarat News
کلیدی لفظ: علاقہ مکینوں
پڑھیں:
بجلی، گیس، پانی، پیٹرول سمیت ہر شعبے میں ٹیکس وصول کیے جا رہے ہیں، شاداب نقشبندی
سربراہ پاکستان سنی تحریک نے کہا کہ وقت کا تقاضا ہے کہ عوام کو مہنگائی، بے روزگاری اور بنیادی سہولیات کے بحران سے نجات دلانے کے لیے فوری، سنجیدہ اور مؤثر اقدامات کیے جائیں تاکہ عوام کا اعتماد بحال ہو اور ملک معاشی استحکام کی جانب گامزن ہو سکے۔ اسلام ٹائمز۔ پاکستان سنی تحریک کے سربراہ محمد شاداب رضا نقشبندی نے کہا ہے کہ گیس، بجلی اور پانی کی مسلسل قلت، بڑھتی ہوئی مہنگائی اور حکومتی معاشی پالیسیاں عوام کے لیے شدید پریشانی کا باعث بن چکی ہیں، حکمران طبقہ تاجروں، کسانوں، مزدوروں اور عام شہریوں کو معاشی ریلیف اور سہولیات فرام کرنے میں بے بس ہے۔ ان کیالات کا اظہار انہوں نے مرکز اہلسنت سے جاری ایک بیان میں کیا۔ محمد شاداب رضا نقشبندی نے کہا کہ پیٹرولیم مصنوعات کی قیمتوں میں بار بار ہونے والے اضافے نے نہ صرف شہریوں کی مشکلات میں اضافہ کیا ہے بلکہ معیشت کو بھی عدم استحکام سے دوچار کر دیا ہے، بازاروں میں سناٹے تاجر بھی پریشان حال ہیں، حکمرانوں کے پاس تاحال ایسی عوام دوست معاشی پالیسی دکھائی نہیں دے رہی جو مہنگائی پر قابو پا سکے اور عام آدمی کو حقیقی سہولت فراہم کرے۔
ان کا کہنا تھا کہ حکومت کو چاہیئے کہ دعووں اور اعلانات کے بجائے عملی اقدامات کرے، عوام کی بنیادی ضروریات کی فراہمی کو یقینی بنائے اور معاشی استحکام کے لیے بڑے، مؤثر اور دیرپا فیصلے کرے۔ انہوں نے کہا کہ جمہوریت اور آئین کا بنیادی مقصد عوام کو باعزت، محفوظ اور خوشحال زندگی فراہم کرنا ہے، حکومت کی ذمہ داری ہے کہ وہ شہریوں کو معیاری تعلیم، بہترین طبی سہولیات، روزگار کے مواقع، معاشی استحکام اور بنیادی ضروریات کی فراہمی یقینی بنائے، عوام کو مہنگائی، بے روزگاری اور غربت سے نجات دلانے کے لیے مؤثر اور عوام دوست پالیسیاں اختیار کی جائیں، حقیقی جمہوریت اسی وقت مضبوط ہوتی ہے جب آئین کی بالادستی، قانون کی مساوی حکمرانی اور عوامی فلاح و بہبود کو اولین ترجیح دی جائے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا