وفاقی وزیرآئی ٹی شزا فاطمہ سے میٹا وفدکی ملاقات
اشاعت کی تاریخ: 12th, December 2025 GMT
data-id="863a0a8" data-element_type="widget" data-widget_type="theme-post-content.default">
251212-08-18
اسلام آباد(صباح نیوز) وفاقی وزیر برائے آئی ٹی و ٹیلی کمیونیکیشن شزا فاطمہ خواجہ سے میٹا کے اعلیٰ سطحی وفد نے دفتر میں ملاقات کی، جہاں پاکستان میں ڈیجیٹل سیکیورٹی، ذمہ دار ٹیکنالوجی گورننس اور صارفین کے تحفظ کے لیے دو طرفہ تعاون کو مضبوط بنانے پر تفصیلی گفتگو ہوئی۔ وفد میں دانیہ مختار (ہیڈ آف پبلک پالیسی Meta، پاکستان)، شی اِنگ تے (لیڈ کانسل، پاکستان و ساتھ/سنٹرل ایشیا Meta)، نور بانو (ریگولیٹری کمپلائنس، Meta)، میلوڈی گوہ (ریگولیٹری اسکیلیشنز، Meta)، سحر طارق (کانٹینٹ پالیسی ڈیولپمنٹ، Meta) اور ربیکا اوہ(واٹس ایپ پالیسی، Meta) شامل تھیں۔ملاقات میں آن لائن سیفٹی فریم ورکس کو مضبوط بنانے پر خصوصی توجہ دی گئی، خصوصا خواتین، بچوں اور مختلف طبقات کے تحفظ کے لیے درکار اقدامات پر بات ہوئی۔ دونوں فریقین نے سوشل میڈیا پلیٹ فارمز کے ذریعے ہونے والے آن لائن فراڈ روکنے کے لیے بہتر رپورٹنگ نظام، حفاظتی پروٹوکولز اور ڈیجیٹل لٹریسی کو بڑھانے کے امکانات کا جائزہ بھی لیا، تاکہ شہریوں کو ایک محفوظ ڈیجیٹل ماحول فراہم کیا جا سکے۔وفاقی وزیر نے حکومتِ پاکستان کے محفوظ، جامع اور شہری مرکوز ڈیجیٹل ایکوسسٹم کے ویژن کو اجاگر کیا۔ انہوں نے ڈیجیٹل گورننس میں جاری اصلاحات کا ذکر کرتے ہوئے اس عزم کا اعادہ کیا کہ وزارت عالمی ٹیکنالوجی شراکت داروں، بالخصوص Meta، کے ساتھ قریبی تعاون جاری رکھے گی تاکہ پاکستان میں ایک محفوظ، قابلِ اعتماد اور اختراع پر مبنی ڈیجیٹل ماحول کو فروغ دیا جا سکے۔
ذریعہ
ذریعہ: Jasarat News
پڑھیں:
علامہ ساجد علی نقوی سے علامہ جواد نقوی کی ملاقات، شہید امت کانفرنس میں شرکت کی دعوت دی
ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔ اسلام ٹائمز۔ تحریک بیداری امت مصطفیٰ کے سربراہ اور اتحاد امت فورم کے رہنما علامہ سید جواد نقوی نے شیعہ علماء کونسل پاکستان کے سربراہ علامہ سید ساجد علی نقوی صاحب سے ملاقات کی اور ان کی اہلیہ کے انتقال پر تعزیت و تسلیت، فاتحہ خوانی اور دعائے مغفرت کی۔ علامہ سید جواد نقوی نے علامہ سید ساجد علی نقوی کیساتھ 13 جون کو مینارِ پاکستان لاہور میں منعقد ہونے والی ’’شہیدِ اُمت کانفرنس‘‘ کے حوالے سے بھی گفتگو کی۔ ملاقات میں امتِ مسلمہ کے اتحاد، موجودہ حالات میں قومی و ملی ذمہ داریوں اور پروگرام کی تیاری و اہداف پر تبادلۂ خیال کیا گیا۔ مزید برآں علامہ سید جواد نقوی نے 13 جون مینارِ پاکستان ’’شہیدِ اُمت کانفرنس‘‘ میں شرکت اور تعاون کی دعوت بھی پیش کی اور اس پروگرام کو ملتِ اسلامیہ کے اتحاد، بیداری اور استقامت کا اہم ذریعہ قرار دیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ