بیرسٹر گوہر کا وزیراعظم شہباز شریف سے مذاکرات یا ملاقات کے دعوؤں کی تردید
اشاعت کی تاریخ: 27th, December 2025 GMT
اسلام آباد: چیئرمین پاکستان تحریکِ انصاف بیرسٹر گوہر علی خان نے وزیراعظم شہباز شریف سے مذاکرات یا ملاقات کے دعوؤں کو سختی سے مسترد کر دیا ہے۔
انہوں نے وزیراعظم کے کوآرڈی نیٹر اختیار ولی خان کے بیان پر ردِعمل دیتے ہوئے واضح کیا کہ گزشتہ دس دن تو کجا، پورے سال کے دوران وزیراعظم سے ان کا کوئی رابطہ نہیں ہوا۔
بیرسٹر گوہر کا کہنا تھا کہ اگر ان کا وزیراعظم سے کوئی رابطہ ہوا ہو یا انہوں نے خود کسی قسم کی بات چیت کی ہو تو وہ اس بارے میں عوام کو خود آگاہ کریں گے۔ انہوں نے زور دیا کہ اس طرح کے دعوے حقائق کے برعکس ہیں اور غیر ضروری قیاس آرائیوں کو جنم دیتے ہیں۔
چیئرمین پی ٹی آئی نے کہا کہ مذاکرات ایک سنجیدہ اور حساس معاملہ ہوتے ہیں، اس پر غیر سنجیدہ گفتگو سے گریز کیا جانا چاہیے کیونکہ ایسی باتیں سیاسی ماحول کو مزید کشیدہ کر سکتی ہیں۔ ان کے مطابق ملک کو اس وقت ذمہ دارانہ رویے اور سنجیدہ سیاست کی ضرورت ہے۔
واضح رہے کہ وزیراعظم کے کوآرڈی نیٹر اختیار ولی خان نے دعویٰ کیا تھا کہ بیرسٹر گوہر نے گزشتہ دس دنوں میں تین مرتبہ وزیراعظم سے مذاکرات کے لیے رابطہ کیا، جس کی اب پی ٹی آئی چیئرمین نے دوٹوک انداز میں تردید کر دی ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل بیرسٹر گوہر
پڑھیں:
کفایت شعاری اقدامات، حکومت نے مارکیٹوں اور ریسٹورنٹس کے اوقات کار میں توسیع کردی گئی
نائب وزیراعظم و وزیر خارجہ اسحاق ڈار کی زیر صدارت کفایت شعاری اقدامات پر اہم اجلاس ہوا جس میں مارکیٹوں اور ریسٹورنٹس کے اوقات کار میں توسیع کردی گئی۔
ایکسپریس نیوز کے مطابق نائب وزیراعظم و وزیر خارجہ سینیٹر محمد اسحاق ڈار کی زیر صدارت وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کا اجلاس منعقد ہوا۔
اجلاس میں ملک بھر میں توانائی کے مؤثر استعمال اور کاروباری سرگرمیوں کے اوقات کارجبکہ جاری کفایت شعاری اقدامات کا تفصیلی جائزہ لیا گیا۔
موسمِ گرما میں دن کے دورانیے میں اضافے اور بلند درجہ حرارت کے پیش نظر کمیٹی نے دکانوں، بازاروں، شاپنگ مالز اور جنرل ریٹیل کاروبار کے اوقات کار رات 9 بجے تک بڑھانے کی منظوری دے دی۔
مزید پڑھیںلاہور میں بھی اسمارٹ لاک ڈاؤن پھر سے نافذ، پرانے اوقات کار بحال
اجلاس کے فیصلوں کے مطابق ریسٹورنٹس، کیفے اور دیگر کھانے پینے کے مراکز رات 11 بجے تک کھلے رہ سکیں گے، تاہم ٹیک اوے اور ہوم ڈلیوری سروسز ان اوقات کی پابندی سے مستثنیٰ ہوں گی۔
شادی ہالز اور تقریبات کے مقامات کے اوقات کار رات 10 بجے تک برقرار رکھنے کا فیصلہ کیا گیا جبکہ فارمیسیز، ہسپتال، پٹرول پمپس، آئی ٹی اور ٹیلی کام سے متعلق خدمات سمیت ضروری سروسز کو ان پابندیوں سے استثنیٰ حاصل ہوگا۔
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ مکمل تعاون کرتے ہوئے ان فیصلوں پر مؤثر عملدرآمد یقینی بنائیں۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات اور آئی ٹی و ٹیلی کام، وزیر اعظم کے معاونینِ خصوصی برائے خزانہ اور نائب وزیراعظم، وفاقی سیکریٹریز تجارت، کابینہ، پیٹرولیم اور آئی ٹی و ٹیلی کمیونی کیشنز کے علاوہ صوبائی حکومتوں کے سینئر حکام نے بھی شرکت کی۔کمیٹی نے ایجنڈے میں شامل دیگر امور اور کیسز کی بھی منظوری دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ