تحریک انصاف انتہا پسندی کی سیاست چھوڑدے، بلاول بھٹو
اشاعت کی تاریخ: 28th, December 2025 GMT
گڑھی خدا بخش (نیوزڈیسک) قومی اداروں پر حملہ کریں گے تو قانون اور آئین کے مطابق ایکشن ہوگا، چئیرمین پیپلز پارٹی
چئیرمین پیپلز پارٹی بلاول بھٹو نے تحریک انصاف کو انتہا پسندی کی سیاست چھوڑنے کا مشورہ دیتے ہوئے کہا پی ٹی آئی سیاسی دائرےمیں واپس آئے تو بہتر ہوگا،آج نہیں تو کل سیاسی رویہ اپنانا ہوگا ورنہ نقصان ہوگا۔
چئیرمین پیپلز پارٹی بلاول بھٹو نےکہاچھوٹی سی گرفتاری پرقومی اداروں پرحملہ کریں گےتوقانون اورآئین کے مطابق ایکشن ہوگا،پیپلزپارٹی اگرایسا کرتی تو ایسا حشر ہوتا انکےساتھ توکچھ نہیں ہورہا،سیاسی جماعتوں میں مفاہمت کا کردارصدر زرداری ادا کرسکتے ہیں۔
انہوں نےمزیدکہاجلد انتخابات کامطالبہ نہیں کررہا لیکن ہوں گےضرور،صاف وشفاف انتخابات کیلئے تمام جماعتوں کو کردار ادا کرنا چاہیے،ہمیں الیکشن کمیشن پرعوام کے اعتمادپراضافہ کرناہوگا، آراوالیکشن اور سلیکٹڈ الیکشن کاکوئی فائدہ نہیں ہوگا،دیوارپرلکھا ہواکہ جلد الیکشن نہیں ہوں گے۔
بلاول بھٹو نےکہا حکومت کی طرف سےمعاشی بہتری کے دعوے ہورہےہیں،وفاقی حکومت معاشی بحران حل کرناچاہتی ہےتو پبلک پرائیویٹ پارٹنرشپ کرے، تمام مسائل کا حل کسی ایک جماعت کی لمبی اننگزمیں نہیں،کوئی ایک جماعت ملکی مسائل حل نہیں کر سکتی،سیاسی جماعتوں کو ذمہ دارانہ کردار ادا کرنا ہوگا۔
.
ذریعہ
ذریعہ: Daily Mumtaz
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا