شکارپور میں باراتیوں کی گاڑی پر فائرنگ، دلہاسمیت 3 افراد جاں بحق
اشاعت کی تاریخ: 28th, December 2025 GMT
data-id="863a0a8" data-element_type="widget" data-widget_type="theme-post-content.default">
شکارپور : سندھ کے ضلع شکارپور میں باراتیوں کی گاڑی پر مسلح افراد کی فائرنگ سے دلہے سمیت 3 افراد جاں بحق جبکہ 4 زخمی ہو گئے۔
پولیس کے مطابق یہ افسوسناک واقعہ شکارپور کے علاقے رستم سے جیکب آباد جانے والی بارات کے دوران پیش آیا، جہاں نامعلوم مسلح افراد نے اچانک فائرنگ کر دی۔ حملے کے نتیجے میں دلہا الطاف مہر، رمضان مہر اور ایک بچہ محمد حسن مہر موقع پر ہی جاں بحق ہو گئے۔
فائرنگ کے دوران 2 خواتین بھی زخمی ہوئیں، جنہیں فوری طور پر سول اسپتال شکارپور منتقل کر دیا گیا، جبکہ دیگر زخمیوں کو بھی طبی امداد فراہم کی جا رہی ہے۔
پولیس نے بتایا کہ واقعہ جتوئی اور مہر برادری کے درمیان جاری پرانی دشمنی کا نتیجہ ہے، جو کئی برسوں سے چلی آ رہی ہے۔ دونوں قبائل کے درمیان اب تک 20 سے زائد افراد قتل اور 50 سے زائد زخمی ہو چکے ہیں۔
واقعے کے بعد پولیس کی بھاری نفری نے رستم کے کچے کے علاقے میں سرچ آپریشن شروع کر دیا ہے، جبکہ حکام کا کہنا ہے کہ فائرنگ میں ملوث افراد کو جلد گرفتار کر لیا جائے گا۔
ذریعہ
ذریعہ: Jasarat News
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی