بے نظیر بھٹو سمیت 23 کارکنوں کی شہادت کی 18ویں برسی آج منائی جا رہی ہے
اشاعت کی تاریخ: 28th, December 2025 GMT
کراچی:
سابق وزیر اعظم بے نظیر بھٹو سمیت پی پی کے 23 کارکنوں کی شہادت کی 18 ویں برسی آج منائی جا رہی ہے۔
18سال قبل 27 دسمبر 2007 کو لیاقت باغ میں بینظیر بھٹو سمیت پیپلز پارٹی کے 23کارکناں کی شہادت سیاسی تاریخ کا ایک سیاہ باب ہے۔ اس موقع پر صدر زرداری نے اپنے پیغام میں کہا کہ بینظیر بھٹو عالمِ اسلام کی پہلی خاتون وزیرِاعظم تھیں، انہوں نے آئین، پارلیمان اور عوام کے حق کے لئے بھرپور جدوجہد کی، وہ پرامن سیاست اور جمہوریت پر پورا یقین رکھتی تھیں۔
چیئرمین پیپلزپارٹی بلاول بھٹو نے بی بی شہید کو خراجِ عقیدت پیش کرتے ہوئے کہاکہ 27 دسمبر ہمارے لیے اجتماعی سوگ، غور وفکر اور تجدیدعزم کادن ہے، شہیدبے نظیر بھٹو آمریت، انتہاپسندی و عدم برداشت کے خلاف مزاحمت کی علامت تھیں۔خاتون اول آصفہ بھٹو زرداری نے گڑھی خدابخش میں بینظیر بھٹو کے مزار پر حاضری دی۔
صدر مملکت آصف علی زرداری کا شہید محترمہ بے نظیر بھٹو کی اٹھارویں برسی پر پیغام
بے نظیر بھٹو نے پاکستان میں خواتین کو آگے آنے کیلئے راستہ کھولا، بلاول بھٹو
آصفہ بھٹو نے شہید ذوالفقار علی بھٹو،شہید میر مرتضی بھٹو اور شہید میر شاہنواز بھٹو کے مزارات پر بھی فاتحہ خوانی کی، پھول چڑھائے اور ملکی سلامتی کیلئے دعائیں کیں۔بینظیر بھٹو کی برسی پر سندھ اورآزاد جموں کشمیر میں آج عام تعطیل ہوگی۔
دوسری جانب کارکنوں کا کہنا ہے کہ وعدوں کے باوجود پیپلز پارٹی 18 سال بعد بھی بے نظیر بھٹو کی جائے شہادت لیاقت باغ میں یادگار بنانے میں ناکام رہی جس سے کارکنوں کومایوسی ہوئی۔
Tagsپاکستان.
ذریعہ
ذریعہ: Al Qamar Online
کلیدی لفظ: پاکستان پاکستان کھیل بے نظیر بھٹو بینظیر بھٹو
پڑھیں:
25 جولائی کو گریٹر اقبال پارک میں پیپلز پارٹی کے جلسہ ؛ بلاول بھٹو ویڈیو لنک سے خطاب کریں گے ؛فیصل میر
سٹی 42: 25 جولائی کو گریٹر اقبال پارک میں پیپلز پارٹی کے جلسے کی تیاریاں آخری مراحل میں داخل ہوگیا ۔
صدر پیپلز پارٹی لاہور فیصل میر دیگر مقامی قائدین اور کارکنان کے ہمراہ گریٹر اقبال پارک پہنچ گئے ۔ مینار پاکستان، صدر پیپلز پارٹی لاہور فیصل میر نے میڈیا سے گفتگو کرتے ہوئے کہا جلسے کی اجازت دینے پر وزیراعلی مریم نواز کے مشکور ہیں۔پرنسپل سیکرٹری نے ہمیں بتایا کہ اجازت دے دی گئی ہے۔جلسے کی تاحال زبانی اجازت دی گئی ہے تحریری اجازت ابھی نہیں دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
جلسے کی اجازت دے کر مریم نواز نے جمہوری روایات کو پروان چڑھایا ہے۔آج 23 جولائی کو آئے ہیں ساری رات یہیں ہیں۔جلسے کے دوران صدر آصف علی زرداری کی سالگرہ کا کیک کاٹیں گے۔
25 جولائی کو جلسہ 8 بجے شروع ہو گا۔بلاول بھٹو وڈیو لنک سے خطاب کریں گے۔راجہ پرویز اشرف، حسن مرتضی قمر زمان کائرہ و دیگر قائدین خطاب کریں گے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی